> 2010 mes’e paschixèdda 10 | ilMinuto

Archíviu de sa diri 10/12/2010

Tràvigu de arrefudus Portovesme srl: cumentzat su processu. Ambientalistas “Tocat torrai a cunverti sa produtzioni”

processo(IlMinuto) – Casteddu, 10 de su mes”e paschixèdda – S’est tenendi custu mangianu in Casteddu, a fac”e su Tribbunali de pratza Repubblica, su sit in ambientalista aprontau in ocasioni de s’obertura de su processu a is responsàbbilis de sa Portovesme srl (e a is àteras collegadas) po su  tràvigu de arrefudus tóssicus, ghetaus no arrespetendi a sa lei in is disgàrrigas de Serramanna e Sèttimu e impitaus comenti comunu “materiali de prenimentu” in edilitzia. “Portovesme Srl – si ligit in d’una nota fatta connosci de su militanti ecologista Sandro Martis – est de propriedadi de sa multinatzionali svizzera Glencore, connota cun tristesa po is impestaduras e is isfrutamentus in totu su mundu”.
Po is aprontadoris de sa manifestada, sa preséntzia de sa Portovesme srl no est cumpatìbili cun s’arrespetu de s’ambienti e de su diritu a sa saludi de sa genti. Sighi a ligi ‘Tràvigu de arrefudus Portovesme srl: cumentzat su processu. Ambientalistas “Tocat torrai a cunverti sa produtzioni”’

(Italiano) Documento: “Lettera degli studenti al Movimento pastori sardi”

Sighi a ligi ‘(Italiano) Documento: “Lettera degli studenti al Movimento pastori sardi”’

Trasportus, a Manca pro s’Indipendentzia: “S’Itàlia scancellat a is ferruvias sardas”

(IlMinuto) – Casteddu, 10 de su mes”e paschixèdda – “Is ferruvias sardas benint scancelladas. S’Itàlia si ndi andat”. Aici su Diretivu política natzionali de aMpI cummentat sa raiadura de sa boxi “Sardigna” de s’agiornamentu de su cuntratu de serbítziu Stadu-Ferruvias 2009-2011. “Sparessius – acrarat s’organizatzioni de sa sinistra indipendentista – su dinai previdiu po allestai su camminu de is trenus tra Santu ‘Engiu, Tàtari e Terranòa (607 millioni de euru). Sparessius is pagu prus de 23 millioni previdius po afortiai su tretu de is ferruvias Casteddu- Aristanis. Sparessius puru is 50 millionis chi furiant po s’isvilupu de sa flota navali chi iat ai depiu cumbinai su trasportu marítimu e ferruviariu”. Sighi a ligi ‘Trasportus, a Manca pro s’Indipendentzia: “S’Itàlia scancellat a is ferruvias sardas”’

Contienda Geas: su prefetu precetat a is traballantis. Casula: “Unu de nos est prontu a si nci ghetai”. Sa solidariedadi de sa Fed e de Sc

(IlMinuto) – Casteddu, 10 de su mes”e paschixèdda – No arricint su stipendiu de cuatru mesis, ma ant essi custrintus su própriu a torrai a allichidiri is trenus de sa Sardigna. A pustis de sa paràlisi totali de su sistema ferruviariu fatta in is diris passadas, su prefetu de Casteddu Giuseppe Balsamo at difatis mandau unu decretu de precetatzioni a is 114 traballantis Geas. Traballantis chi de ora in ora funt sèmpiri prus disisperaus. “Nos seus a oi – at nau a IlMinuto Antonio Casula, incarrigau a sa netesa e a sa manutenzioni de is trenus de Tàtari – dipendentis Geas, ma a domu arribbant is bustas paga sbuidas”. “Cappellacci e Carta – at sighiu Casula – s’iant refrancau, iant nau ca s’acontéssia at essi stetia sistemada e in veci s’única cosa chi eus arriciu esti stetia una limusinedda. Innoi sa cosa est sèmpiri prus grai e unu traballanti est prontu a si nci ghetai de s’istatzioni. Oi eus a mandai unu telegrammu a s’amministradori de Trenitalia Soprano, poita teneus su dúbbiu chi no connòsciat beni s’acontéssia”. Sighi a ligi ‘Contienda Geas: su prefetu precetat a is traballantis. Casula: “Unu de nos est prontu a si nci ghetai”. Sa solidariedadi de sa Fed e de Sc’

“Io la scienza la vedo così”: a sa III editzioni su cuncursu a prémius de “Sardegna Ricerche”

io la scienza la vedo così(IlMinuto) – Casteddu, 10 de su mes”e paschixèdda – Arribbat a sa terza editzioni “Io la scienza la vedo così”, su cuncursu a prémius bófiu de “Sardegna Ricerche” e obertu a is iscolas primarias e segundarias de primu e segundhu gradu de totu sa Sardigna. A su cuncursu podint participai, atressu de iscritzioni fatta intru de su 25 de su mes”e fiàrgiu de su 2011, síngulus scientis o classis intreas. Si podit participai – si ligit in d’una nota – “cun disignus, pinturas, sculpiduras, videu, temas, poesias, contus e cun dógnia cosa chi consillat sa fantasia”. Sighi a ligi ‘“Io la scienza la vedo così”: a sa III editzioni su cuncursu a prémius de “Sardegna Ricerche”’