> 2010 mes’e paschixèdda 13 | ilMinuto

Archíviu de sa diri 13/12/2010

Is prus lígias in língua sarda de cida passada

Statutu nou: Cristiano Sabino (aMpI): “Centru destra e centru sinistra unias po un’àtera ‘fusioni perfeta’ cun s’Itàlia”

(IlMinuto) – Casteddu, 7 de su mes”e paschixèdda – “No a su tentativu de un’àtera ‘fusioni perfeta’ cun s’Itàlia!”. Aici s’imbasciadori natzionali de a Manca pro s’Indipendentzia, Cristiano Sabino, bullat a s’acórdiu tra is fortzas políticas de centru destra e de centru sinistra in Consillu regionali asuba de sa scritura noa de su Statutu autonomisticu sardu. ()

Processu a is tres pastoris Mps: cras sit in a fac”e su Tribbunali de Casteddu

(IlMinuto) – Casteddu, 8 de su mes”e paschixèdda – No si truncat sa cadena de solidariedadi ingíriu a is pastoris sardus. Cras – po su processu a is tres allevadoris de Mps arrestaus su 19 de su mes”e ledàminis a pustis de is càrrigas de sa Politzia in bia Roma – s’at a tenniunu sit in de solidariedadi a fac”e su Tribbunali de Casteddu, in pratza Repubblica. ()

Sa lota de Mps atraversat su Tirrenu. Floris: “Forsis cida chi enit andaus in Roma”. Torrau a spostai su processu a is tres pastoris

Sighi a ligi ‘Is prus lígias in língua sarda de cida passada’

Contienda Geas: adóbiu prefetu-Trenitalia in Roma. Fed e aMpI contra a sa precetazioni

(IlMinuto) – Casteddu, 13 de su mes”e paschixèdda – Diri de atesa po is traballadoris Geas. Custu merì su prefetu de Casteddu, Giuseppe Balsamo, at a atobiai in Roma a s’amministradori delegau de Trenitalia, Vincenzo Soprano. Is addetus a sa manuntenzioni e a sa netesa de su sistema ferruviariu – senz”e stipendiu de cuatru mesis – abetant novas bonas. In su trastempus, acabbada sa precetazioni de 72 oras, in Tàtari is traballadoris Geas ant decidiu de torrai a su traballu, mentris cussus de Casteddu no ant bófiu torrai a pigai su serbítziu, nonostanti is indicus sindacalis. A is addetus de sa netesa est arribbada sa solidariedadi de sa “Federazione della Sinistra” e de aMpI. Sighi a ligi ‘Contienda Geas: adóbiu prefetu-Trenitalia in Roma. Fed e aMpI contra a sa precetazioni’

Irs. Bogaduras, suspensionis, mailing list cuadas e intimas a s’imprenta: est scisma

scissione(IlMinuto) – Casteddu, 13 de su mes”e paschixèdda – Oramai est uficiali: esistint duas Irs, una indipendenti de s’àtera. Sa primu, chi si reconoscit in su presidenti Gavino Sale, s’est reunia ariseru Abbasànta suspendendi a is cumponentis de s’Esecutivu natzionali responsàbbilis – a cantu narat sa fatzioni “Sale” – de ai costruiu un’”organísimu golpista aintru de Irs”, atressu de una “mailing list privada e blindada” cun s’obbietivu de nci bogai a su leader de su movimentu. Sa segundha Irs, chi tenit comenti puntu frimmu a is cumponentis de s’Esecutivu natzionali suspendius de is “salianus”, s’est reunia in su mangianu de domínigu in Casteddu e at bogau a Gavino Sale de sa scuadra política indipendentista. In su trastempus s’Irs de Sale intimat a “cussus chi ant a arriciri comunicatzionis mail, in nòmini e po contu de Irs, de indirizus de posta eletronica diversus de cussu uficiali, de ddus bolli pubblicai a nòmini de su movimentu”. Sighi a ligi ‘Irs. Bogaduras, suspensionis, mailing list cuadas e intimas a s’imprenta: est scisma’

Universidadi: is pastoris artziant in càtedra. Cras Felice Floris (Mps) in Tàtari

sassari(IlMinuto) – Casteddu, 13 de su mes”e paschixèdda – Is pastoris atobiant a is istudiantis. Cras in Tàtari (10.30, Àula magna de sa Facoltadi de Sciéntzias políticas) su leader de su “Movimento Pastori Sardi”, Felice Floris, at a participai difatis a un’atóbiu aprontau de s’assótziu de is istudiantis de Sciéntzias políticas. “In s’atóbiu – si ligit in d’una nota – ant a benni discutias is chistionis istoricas de sa massaria e de sa pastoria in Sardigna, is nuus arrexinaus e is arrexonis chi ant portau a sa mobilitada e a is atus de protesta de su ‘Movimento dei Pastori Sardi’. Sighi a ligi ‘Universidadi: is pastoris artziant in càtedra. Cras Felice Floris (Mps) in Tàtari’

“La libertà è terapeutica”. Cumentzat de Casteddu sa campagna contra a sa “contenzioni”

cagliari(IlMinuto) – Casteddu, 13 de su mes”e paschixèdda – “La libertà è terapeutica”. Est custu títulu de sa campagna natzionali contra a sa contentzioni chi at cumentzai sàbudu 18 de su mes”e paschixèdda in Casteddu cun d’unu cunvegnu aghilliu, a cumentzai de is 17.00, in sa saba consiliari de Palatzu régiu.
“Sa contenzioni – si ligit in d’una nota stampa – no est un’atu médicu: est un’aggràbiu a sa dignidadi de sa personi chi dda patit e est inzimia grai de inutilidadi e pagu atúliu de is serbítzius chi dd’impitant”. Is aprontadoris ammentant sa morti acontéssia pagu tempus fait de Tullio C. a Milanu e is processus chi si funt tendendi ancora po is mortis de Casu e de Mastrogiovanni. “Duus processus penalis a oi ancora obertus – acrarat sa nota – unu po sa morti de Giuseppe Casu, acontéssia in su 2006 candu s’agatàt a ricoveru, acapiau in su Serbítziu psichiàtricu de diàgnosi e cura (Spdc) de su SS Trinità de Casteddu, e s’àteru po sa morti de Franco Mastrogiovanni, acontéssia in circustàntzias anàlugas in su 2009, in su SPDC de sa Lucania (Salernu)”. Sighi a ligi ‘“La libertà è terapeutica”. Cumentzat de Casteddu sa campagna contra a sa “contenzioni”’