> 2010 mes’e paschixèdda 16 | ilMinuto

Archíviu de sa diri 16/12/2010

Casteddu citadi deneuclearizada: in s’ex “Vetreria” dibbàtidu cun De Santi, Saba, Zuncheddu e Cumpostu

(IlMinuto) – Casteddu, 16 de su mes”e paschixèdda – “S’energia nucleari: un’ameletzu po sa vida”: custu est su títulu de s’interventu chi Massimo De Santi, físicu nucleari e presidenti de su Cumitau internatzionali “Educazione per la pace”, at a tenni in s’assembrea-dibbàtidu “Cagliari città denuclearizzata” in programma cras a merì in Pirri (ex Vetreria, 17.00). Sighi a ligi ‘Casteddu citadi deneuclearizada: in s’ex “Vetreria” dibbàtidu cun De Santi, Saba, Zuncheddu e Cumpostu’

Rédditu seguru po disimperaus e precàrius: in Terraba sa presentada de sa proposta Usb

terralba(IlMinuto) – Casteddu, 16 de su mes”e paschixèdda – Sighit sa mobilitada de s’Usb po agiudai sa proposta de lei regionali po su rédditu minimu seguru po disimperaus e precàrius. Cras a merì su testu bófiu de su sindacau de basi at essi presentau in Terraba (bia Garibaldi 22, a is 18.00) po sa campagna deinformatzioni e arregorta de firmas in totu su territoriu regionali.
A s’assembrea – si ligit in d’una nota – ant a participai “rapresentantis de su sindacalismu de basi, de is partidus e de is movimentus lamaus a fai unu cumitau de agiudu”. Obbietivu de is promotoris est difatis cussu de arregolli is 15milla firmas necessàrias a sa presentada de sa proposta de lei in Consillu regionali. Sighi a ligi ‘Rédditu seguru po disimperaus e precàrius: in Terraba sa presentada de sa proposta Usb’

Scisma Irs. Cumpostu (Sni): “Is protagonistas funt is próprius chi iant dividiu Sni in su 2002″

scissione irs(IlMinuto) – Casteddu, 16 de su mes”e paschixèdda – “Frimausì a atuai”. Est custu s’apellu chi su cordinadori natzionali de Sardigna Natzione Indipendentzia, Bustianu Cumpostu, fait a is fortzas de s’indipendentismu sardu a pustis de sa divisioni, de pagu diris fait, de Irs, ammentendi su scisma biviu de Sni ot’annus fait. “Is protagonistas – acrarat su cordinadori natzionali de Sni – furiant is próprius chi oi si funt scontriendi aintru de Irs, i tres Frantziscu e Gavino Sale, chi no iant bófiu su cunfrontu cun su cordinadori natzionali, chi furiat finendi s’incàrrigu, Bustianu Cumpostu, iant difatis disertau a su Congressu Natzionali de su 2002 e iant preferiu spratziri a s’indipendentismu, chi fintzas a cussu momentu si furiat reconotu in modu unitariu in Sni”. Sighi a ligi ‘Scisma Irs. Cumpostu (Sni): “Is protagonistas funt is próprius chi iant dividiu Sni in su 2002″’

Acuntéssia Bellomonte, aMpI: “Fadeus sa fin”e s’annu asuta de su presoni”

a manca pro s'indipendentzia(IlMinuto) – Casteddu, 16 de su mes”e paschixèdda – A un’annu e mesu de s’arrestu de su 10 de su mes”e làmpadas de su 2009 sighit sa lota de A Manca pro s’Indipendentzia a su costau de Bruno Bellomonte. Is militantis de s’organizatzioni de sa sinistra indipendentista sarda ant a passai sa fin”e s’annu asuta de su presoni de Viterbu, chi de metadi de su mes”e cabudanni est su logu de presonia de su dirigenti de aMpI. “Intendeus su bisóngiu e sa necessidadi – si ligit in d’una nota de su Diretivu políticu natzionali – de una  preséntzia cuncreta de solidariedadi a su cumpàngiu nostru, e po custu su 31 de su mes”e paschixèdda eus a essi in Viterbu, po manifestai cun d’unu sit in asuta de su presoni aundi funt presoneris Bruno e is cumpàngius italianus”. Sighi a ligi ‘Acuntéssia Bellomonte, aMpI: “Fadeus sa fin”e s’annu asuta de su presoni”’

In Biddaxidru I editzioni de sa “Festa de is agrùminis”

medio campidano(IlMinuto) – Casteddu, 16 de su mes”e paschixèdda – At a cumetzai cras in Biddaxidru e at a durai fintzas a su 19 de su mes”e paschixèdda sa primu “Festa de is agrùminis” – Aparada agroalimetari asuba “Is bonesas de su Linas”. Sa manifestada at essi – si ligit in d’una nota – “un’ocasioni po iscobèrriri su centru istoricu comunali, cun is particularidadis architetonicas e cun is scrusórgius de sa traditzioni de su logu allogaus aitru de is domus”. S’eventu est aprontau de s’Assótziu “I Vicinati” de Biddaxidru, cu s’agiudu de s’amministratzioni comunali e de sa Provìntzia de su Campidanu de Mesu. Sighi a ligi ‘In Biddaxidru I editzioni de sa “Festa de is agrùminis”’