> 2010 mes’e paschixèdda 17 | ilMinuto

Archíviu de sa diri 17/12/2010

“Cherimus s’iscola sarda” Sa proposta de aMpI a pustis de 150 annus de “italianizazioni”

a manca pro s'indipendentzia(IlMinuto) – Casteddu, 17 de su mes”e paschixèdda – “Costruiri un’iscola e un’Universidadi chi pongant a su centru sa língua e s’economia traditzionali. Est custu su progetu de a Manca pro s’Indipendentzia po s’istrutzioni de s’Ísula, a pustis de “150 annus de iscola italiana in Sardigna”. “Cun su ddl Gelmini – scririt su Diretivu políticu natzionali de aMpI – arribbat a cucuru su progetu de sciàsciu de s’iscola e de s’Universidadi púbblica italiana. A pustis de 150 annus de iscola italiana in Sardigna, de scontróriu meda malu in is cunfrontus de língua própria de is sardus e de s’addotrinamentu de is giòvanus sardus bófiu po italianitzai a sa marolla sa Sardigna, is arrisurtaus, si castiaus a su livellu de istrutzioni de su pópulu sardu [...] funt disastrosus e crarus”. Sighi a ligi ‘“Cherimus s’iscola sarda” Sa proposta de aMpI a pustis de 150 annus de “italianizazioni”’

Multas a is traballadoris Eurallumina. Cumpostu (Sni): “Ameletzu de regimi”

euroallumina(IlMinuto) – Casteddu, 17 mes”e paschixèdda – “Is multas de 2.500 e 10.300 euru, impostas a is traballadoris de s’Euroallumina po ai blocau su tràvigu in sa manifestada chi ant fattu s’11 de su mes”e ledàminis in Casteddu, funt un’amaletzu, chi s’aciungit a sa befa de s’auséntzia de convocatzioni, a su ministeru de s’Isvilupu Economicu. chi pediant cun custa manifestada”. Ddu denunciat cun d’una nota su cordinadori natzionali de Sardigna Natzione, Bustianu Cumpostu. In is diris passadas funti stetius 50 is traballadoris de s’aziendha a ai arriciu multas meda grais po ai blocau su tràvigu in bia Roma”. Sighi a ligi ‘Multas a is traballadoris Eurallumina. Cumpostu (Sni): “Ameletzu de regimi”’

“Chini lassat a solus is giòvanus ddus mandat a su maceddu”. Sa solidariedadi de Pcl a is istudiantis de su Liceu scientificu

pcl(IlMinuto) – Casteddu, 17 de su mes”e paschixèdda – “Cust’inzénneru nou chi si nd’est pesendi, ammostat de tenni meda prus coràgiu, cuscéntzia, e interessu po su tempus benidori de s’iscola púbblica e de s’istrutzioni de totus e po totus, in su stadu italianu, de cantu funt fendi biri maistus e mannus”. Cun custus fueddus su cordinamentu regionali de su “Partito comunista dei lavoratori” espressat “totu sa solidariedadi sua a is istudiantis de su Liceu scientificu Fermi in Nùgoro, imbrillonaus e sbaratzaus cun bregúngia po manu de is fortzas de s’órdini, e cundennat senz”e torrada su sbaratzu e s’arrestu de is istudiantis”. Mérculis a mangianu, a pustis de dexi diris de ocupatzioni contra a sa riforma Gelmini, is fortzas de s’órdini ant fattu un’atzochiada in s’istitutu superiori prus mannu de sa provìntzia de Nùgoro cun s’obbietivu de frimmai sa mobilitada,  ponendi is ferrus a duus piciocus. Sighi a ligi ‘“Chini lassat a solus is giòvanus ddus mandat a su maceddu”. Sa solidariedadi de Pcl a is istudiantis de su Liceu scientificu’

Apuntamentus: in Barumini in sa mostra “Quel che il mare conserva…”

barumini(IlMinuto) – Casteddu, 17 de su mes”e paschixèdda – At a cumentzai cras a is 16.00, in su Centru “Giovanni Lilliu” de Barumini, sa mostra “Quel che il mare conserva… Un meraviglioso viaggio nell’archeologia subacquea”. S’aparada a at torrai a traversai is medas iscobertas archeológicas subacqueas fattas, in 15 annus de circas de sa Soprintendenza po is Benis Archeológicus de is provìntzias de Casteddu e Aristanis. Sighi a ligi ‘Apuntamentus: in Barumini in sa mostra “Quel che il mare conserva…”’