> 2010 mes’e paschixèdda 20 | ilMinuto

Archíviu de sa diri 20/12/2010

Is prus lígias in língua sarda de cida passada

lingua sarda

Scisma Irs. Cumpostu (Sni): “Is protagonistas funt is próprius chi iant dividiu Sni in su 2002″

(IlMinuto) – Casteddu, 16 de su mes”e paschixèdda – “Frimausì a atuai”. Est custu s’apellu chi su cordinadori natzionali de Sardigna Natzione Indipendentzia, Bustianu Cumpostu, fait a is fortzas de s’indipendentismu sardu a pustis de sa divisioni, de pagu diris fait, de Irs, ammentendi su scisma biviu de Sni ot’annus fait. ()

Irs. Bogaduras, suspensionis, mailing list cuadas e intimas a s’imprenta: est scisma

(IlMinuto) – Casteddu, 13 de su mes”e paschixèdda – Oramai est uficiali: esistint duas Irs, una indipendenti de s’àtera. ()

Multas a is traballadoris Eurallumina. Cumpostu (Sni): “Ameletzu de regimi”

Sighi a ligi ‘Is prus lígias in língua sarda de cida passada’

Eurallumina. Pdci: “Tocat a ndi liai debressi is multas a is traballadoris”

pdci(IlMinuto) – Casteddu, 20 de su mes”e paschixèdda – Sanzionis tra is 2.500 e is 10milla eurus: funt cussas chi funti stetias mandadas a is traballadoris de s’Eurallumina po ai blocau su tràvigu in bia Roma, in Casteddu, po una manifestada de su mes”e ledàminis passau. A is traballadoris multaus est arribbada sa solidariedadi de su Pdci de Igrèsias, chi cun d’una nota dimandat “de ndi liai debressi is sanzionis”. Sighi a ligi ‘Eurallumina. Pdci: “Tocat a ndi liai debressi is multas a is traballadoris”’

Scisma Irs. Anghelu Marras (Sns): “Torrant agoa de 20 annus is ambizionis de su movimentu indipendentista sardu”

sns marras(IlMinuto) – Casteddu, 20 de su mes”e paschixèdda – Sighit su dibbàtidu tra is fortzas políticas e sindacalis de s’indipendentismu sardu a pustis de su scisma acontéssiu pagu tempus fait in Irs. Segundu Anghelu Marras, imbasciadori de Su Sindacadu de sa Natzione Sarda, “su scisma fait torrai agoa de bint’annus is progressus e is ‘ambizionis’ de su movimentu indipendentista, chi iant contaminau su pópulu sardu [...]“. A chini giuant is divisionis in su movimentu indipendentista sardu? “Deu sciu – scririt Marras citendi Pierpaolo Pasolini – e totus nos indipendentistas scieus. No poita connosceus calencunu segretu chi no si podit nai, ma poita àteras bortas eus biu s’epìlogu de cust’istoria”. Sighi a ligi ‘Scisma Irs. Anghelu Marras (Sns): “Torrant agoa de 20 annus is ambizionis de su movimentu indipendentista sardu”’

Su Comitadu: “Su Stadu italianu ndi liat sa dignidadi a sa língua sarda. Intervengat s’Onu”

(IlMinuto) – Casteddu, 20 de su mes”e paschixèdda – Sa chistioni de sa língua sarda arribbat a is Natzionis Unias. Po sa Diri Mundialli de is diritus umanus 2010, su Comitadu pro sa limba sarda, reuniu in Fonne po sa Cuferéntzia regionali asuba de sa língua sarda, at difatis decidiu de aviai una procedura de cramu a s’Onu: su sardu – narat su Cumitau – est una língua stresiada de su stadu italiano. Su Cumitau denunciat a “su scéberu fattu po no bolli fai imparai sa língua natzionali sarda e is línguas alloglotas in s’iscola italiana in Sardigna de dógnia órdini e gradu de parti de su Stadu italianu, chi ndi tenit cumpeténtzia costitutzionali”.

Sighi a ligi ‘Su Comitadu: “Su Stadu italianu ndi liat sa dignidadi a sa língua sarda. Intervengat s’Onu”’

Unu mercau de sa cosa usada po cumbàtiri a sa crisi. In Pauli de su 9 de su mes”e gennàrgiu

monserrato(IlMinuto) – Casteddu, 20 de su mes”e paschixèdda – Su mercau de sa cosa usada de Pauli at essi realidadi. S’Amministratzioni comunali cun s’agiudu de su Cumitau aprontadori at difatis decidiu de fai cumetzai sa cosa, comenti un’esperimentu, de domínigu 9 de su mes”e gennàrgiu. Is piolas ant essi aghillias a gratis in is giardinus de bia Caracalla-bia Porto Botte. “Su sceberu de fai unu mercau est de tipu sociali e culturali [...]. Custu – si ligit in d’una nota – tenit s’iscopu de tenni comenti aparadoris disimperaus giòvanus e chi no ant mai traballau, pensionaus, ma puru artesanus e artistas chi tenit su disígiu de promovi a is òperas fattas de cussus”. Sighi a ligi ‘Unu mercau de sa cosa usada po cumbàtiri a sa crisi. In Pauli de su 9 de su mes”e gennàrgiu’