> 2010 mes’e paschixèdda 29 | ilMinuto

Archíviu de sa diri 29/12/2010

Mps “sequestrau” in Civitavecchia. Floris: “Unu cordinamentu mediterraneu de is pastoris”. Sa solidariedadi de Sni, Sns e Rm

solidarietà(IlMinuto) – Casteddu, 29 de su mes”e paschixèdda – Crescit sa solidariedadi donada a su Movimento dei Pastori Sardi a pustis de is fattus de Civitavecchia. Ariseru a mangianu prus de 200 pastoris funti stetius firmaus e “arropaus” de sa giustítzia in su portu in Laziu. A is allevadoris esti stetiu impediu de andai a Roma in pullman (is cincu mezus annolitaus funti stetius sequestraus) o in trenu, aundi – at nau Felice Floris – Mps iat ai fattu una cuferéntzia de imprenta po annuntziai sa creatzioni de unu Cordinamentu mediterraneu de is pastoris, cun s’agiudu de is collegas de sa Grecia, de sa Corsica e de sa Spagna. “Seus ananti a provas tennicas de fascismu chi no si podint nemancu pensai”, at nau su consilleri regionali de is Rossomori Claudia Zuncheddu. “Ariseru esti stetiu su turnu de is istudiantis, oi de is pastoris – at aclarau sa sardista de sinistra – cras at essi su turnu de chinisisiat persona chi at a arziai sa conca po defèndiri is diritus suus e su diritu a su traballu po sei e po sa familia sua”. Sighi a ligi ‘Mps “sequestrau” in Civitavecchia. Floris: “Unu cordinamentu mediterraneu de is pastoris”. Sa solidariedadi de Sni, Sns e Rm’

Sanidadi: Lei 162: modificaus is critérius po podi presentai is pranus de agiudu

(IlMinuto) – Casteddu, 29 de su mes”e paschixèdda – Sa Giunta regionali at modificau is critérius po podi presentai is pranus de agiudu prevìdius de sa lei regionali 162, arregollendi is indicus de s’odg votau de totus e aprobau in su Consillu regionali.
Ddu narat cun d’una nota s’assessori regionali de sa Sanidadi, Antonello Liori. Sighi a ligi ‘Sanidadi: Lei 162: modificaus is critérius po podi presentai is pranus de agiudu’

Eurallumina. Is Retoris de Casteddu e Tàtari scrirint a su Prefetu: “No tocat multai a is operàjus”

(IlMinuto) – Casteddu, 29 de su mes”e paschixédda – Puru s’Universidadi sarda narat no a is multas fattas a is traballadoris de Euroallumina. Cun d’una lítera oberta mandada a su Prefetu de Casteddu, is duus Retoris de is ateneus sardus, Giovanni Melis e Attilio Mastino, pedint “de no andai a innantis cun is sanzionis e de donai debressi (biu puru su sinnificau de paxi de custas diris) una síngia de obertura in custu sensu. Poneus a disposta sa cumpeténtzia de is facoltadis nostras e de is dipartimentus giurídicus nostrus po evitai cusseguéntzias po nuda giustas”. Sighi a ligi ‘Eurallumina. Is Retoris de Casteddu e Tàtari scrirint a su Prefetu: “No tocat multai a is operàjus”’

Apuntamentus: “100 Cartoline da Neoneli”, mostra de fotografias

(IlMinuto) – Casteddu, 29 de su mes”e paschixèdda – “100 Cartoline da Neoneli”. Est custu su títulu de sa mostra aprontada de s’amministratzioni comunali de sa bidda in províntzia de Aristanis. Una mostra nàscia cun s’agiudu de “SU PALATU_spazio culturale per la fotografia” e de sa “Soter editrice”. Ant essi centu is immàginis de s’aparéciu chi s’at a podi bisitai fintzas a s’11 de su mes”e gennàrgiu in su saloni comunali Corrale. Sighi a ligi ‘Apuntamentus: “100 Cartoline da Neoneli”, mostra de fotografias’

Presonis. Caligaris (Sdr): “Sighiri a tenni Grazia Marine in Bad’e Carros ddi ponit a arriscu sa vida”

maria grazia caligaris(IlMinuto) – Casteddu, 29 de su mes”e paschixédda – “At a fai 74 annus su 21 de su mes”e gennàrgiu chi benit e is cunditzionis de saludi suas donant meda apinnicu a is familiaris. Sighiri a dda tenni in presoni ddi ponit a arriscu sa vida”. Est cantu afirmat cun d’una nota de imprenta Maria Grazia Caligaris, presidenti de s’Assótziu Socialismo Diritti e Riforme, cummentendu s’acuntéssia de Grazia Marine de Orgòsolo, presonera in su presoni de Bad’e Carros cun d’una saludi po nudda bella. Sighi a ligi ‘Presonis. Caligaris (Sdr): “Sighiri a tenni Grazia Marine in Bad’e Carros ddi ponit a arriscu sa vida”’