> Apuntamentus: “100 Cartoline da Neoneli”, mostra de fotografias | ilMinuto

Apuntamentus: “100 Cartoline da Neoneli”, mostra de fotografias

(IlMinuto) – Casteddu, 29 de su mes”e paschixèdda – “100 Cartoline da Neoneli”. Est custu su títulu de sa mostra aprontada de s’amministratzioni comunali de sa bidda in províntzia de Aristanis. Una mostra nàscia cun s’agiudu de “SU PALATU_spazio culturale per la fotografia” e de sa “Soter editrice”. Ant essi centu is immàginis de s’aparéciu chi s’at a podi bisitai fintzas a s’11 de su mes”e gennàrgiu in su saloni comunali Corrale.Sa mostra, chi at a abarrai oberta de su cenàbara a su domínigu, de is 9.00 a is 13.00 e de is 15.00 a is 19.00, nascit de unu cunvegnu asuba de sa fotografia chi teniat po títulu “Il centro storico di Neoneli”, unu cunvegnu fattu in su mes”e ledàminis passau. De is centu fotografias – si ligit in d’una nota – “ndi bessit a foras una Neoneli disconnota e prena de misterus, antiga e moderna in su mantessi tempus”. In is mesis de maju e de làmpadas de su 2011 est previdiu unu cunvegnu asuba de sa fotografia chi at a tenni po títulu “Il territorio di Neoneli”.

© RIPRODUZIONE RISERVATA

0 Arrespustas a “Apuntamentus: “100 Cartoline da Neoneli”, mostra de fotografias”


Is cummentus funt serraus.