> Casteddu citadi deneuclearizada: in s’ex “Vetreria” dibbàtidu cun De Santi, Saba, Zuncheddu e Cumpostu | ilMinuto

Casteddu citadi deneuclearizada: in s’ex “Vetreria” dibbàtidu cun De Santi, Saba, Zuncheddu e Cumpostu

(IlMinuto) – Casteddu, 16 de su mes”e paschixèdda – “S’energia nucleari: un’ameletzu po sa vida”: custu est su títulu de s’interventu chi Massimo De Santi, físicu nucleari e presidenti de su Cumitau internatzionali “Educazione per la pace”, at a tenni in s’assembrea-dibbàtidu “Cagliari città denuclearizzata” in programma cras a merì in Pirri (ex Vetreria, 17.00). A sa cosa – aprontada de su Cumitau Sinonucle abetendi su referendum regionali asuba de sa presétzia de centralis nuclearis e depósitu de ferrinas in Sardigna – ant a participai puru Michele Saba, istudiosu de s’Universidadi de Casteddu, Claudia Zuncheddu, presidenti de is Rossomori e Bustianu Cumpostu, boxi de su Cumitau.

© RIPRODUZIONE RISERVATA

0 Arrespustas a “Casteddu citadi deneuclearizada: in s’ex “Vetreria” dibbàtidu cun De Santi, Saba, Zuncheddu e Cumpostu”


Is cummentus funt serraus.