> Eurallumina. Is Retoris de Casteddu e Tàtari scrirint a su Prefetu: “No tocat multai a is operàjus” | ilMinuto

Eurallumina. Is Retoris de Casteddu e Tàtari scrirint a su Prefetu: “No tocat multai a is operàjus”

(IlMinuto) – Casteddu, 29 de su mes”e paschixédda – Puru s’Universidadi sarda narat no a is multas fattas a is traballadoris de Euroallumina. Cun d’una lítera oberta mandada a su Prefetu de Casteddu, is duus Retoris de is ateneus sardus, Giovanni Melis e Attilio Mastino, pedint “de no andai a innantis cun is sanzionis e de donai debressi (biu puru su sinnificau de paxi de custas diris) una síngia de obertura in custu sensu. Poneus a disposta sa cumpeténtzia de is facoltadis nostras e de is dipartimentus giurídicus nostrus po evitai cusseguéntzias po nuda giustas”. 50 operàjus de Portovesmi ant difatis arriciu una sanzioni po ai blocau su tràvigu in bia Roma s’11 de su mes”e ledàminis passau, in Casteddu, po una manifestada de protesta a fac”e sa sedi de su Consillu regionali e iant a podi essi obbrigaus a pagai una multa de 2.582 euro. Melis e Mastino – si ligit in su documentu – ant “espressau trambúliu po is sanzionis economicas meda grais a càrrigu de is operàjus de s’Euroallumina de Portovesmi po sa manifestada in difesa de su diritu a su traballu insoru e de totu sa comunidadi sarda”.

© RIPRODUZIONE RISERVATA