> “La libertà è terapeutica”. Cumentzat de Casteddu sa campagna contra a sa “contenzioni” | ilMinuto

“La libertà è terapeutica”. Cumentzat de Casteddu sa campagna contra a sa “contenzioni”

cagliari(IlMinuto) – Casteddu, 13 de su mes”e paschixèdda – “La libertà è terapeutica”. Est custu títulu de sa campagna natzionali contra a sa contentzioni chi at cumentzai sàbudu 18 de su mes”e paschixèdda in Casteddu cun d’unu cunvegnu aghilliu, a cumentzai de is 17.00, in sa saba consiliari de Palatzu régiu.
“Sa contenzioni – si ligit in d’una nota stampa – no est un’atu médicu: est un’aggràbiu a sa dignidadi de sa personi chi dda patit e est inzimia grai de inutilidadi e pagu atúliu de is serbítzius chi dd’impitant”. Is aprontadoris ammentant sa morti acontéssia pagu tempus fait de Tullio C. a Milanu e is processus chi si funt tendendi ancora po is mortis de Casu e de Mastrogiovanni. “Duus processus penalis a oi ancora obertus – acrarat sa nota – unu po sa morti de Giuseppe Casu, acontéssia in su 2006 candu s’agatàt a ricoveru, acapiau in su Serbítziu psichiàtricu de diàgnosi e cura (Spdc) de su SS Trinità de Casteddu, e s’àteru po sa morti de Franco Mastrogiovanni, acontéssia in circustàntzias anàlugas in su 2009, in su SPDC de sa Lucania (Salernu)”. A s’apuntamentu, promòviu de s’Assótziu sardu po s’atuamentu de sa Riforma psichiàtrica e da sa 5 novembre, ant a participai, tra is àterus, Maria Grazia Giannicchedda (Fondatzioni Basaglia), Gisella Trincas (Unasam), Giuseppe Galzerano (Cumitau Franco Mastrogiovanni) e Natascia Casu (Cumitau Giuseppe Casu).

© RIPRODUZIONE RISERVATA

1 Arrespusta a ““La libertà è terapeutica”. Cumentzat de Casteddu sa campagna contra a sa “contenzioni””


Is cummentus funt serraus.