> mes’e paschixèdda « 2010 « ilMinuto – notizie Mediterranee – edizione Sardegna

Archìviu de mes'e paschixèdda 2010

Pàgina 3 de 21

Massaria. Fulvio Tocco (Campidanu de Mesu): “Eus a fai traballai impari massajus, artesanus, butegajus e impresas”

tocco fulvio(IlMinuto) – Casteddu, 28 de su mes”e paschixèdda – “S’est fadendi un’istudiu po fai traballai impari, in s’interessu de s’economia de su logu, is massajus chi participant a su progetu Bivi su Satu cun is artesanus, is butegajus e s’impresa media e pitica”. Ddu narat su presidenti de sa Provintzia de su Campidanu de Mesu, Fulvio Tocco, participendi, in is diris passadas, a s’assembrea annuali de sa Cna in sa Fiera de Casteddu. Sighi a ligi ‘Massaria. Fulvio Tocco (Campidanu de Mesu): “Eus a fai traballai impari massajus, artesanus, butegajus e impresas”’

Traballu: operàju morrit arruendi de un’imbastimentu. Cgil: “Precisas responsabbilidadis de sa Regioni”

(IlMinuto) – Casteddu, 28 de su mes”e de paschixèdda – Ancora una morti in su traballu in Sardigna. Ariseru in Terranòa un’operàju, Luigi Silico, de 49 annus, est mortu arruendi de un’imbastimentu artu cincu metrus. Cussa de Silico est sa terza morti in su traballu in Sardigna in ses diris. Po sa Cgil custus is fatus tenint responsabbilidadis precisas. “Sa Regioni – si ligit in d’una nota sindacali – non fait de cordinadori tra is diversus sugetus chi si depint  ocupai de s’atividadi de cuntrollu e prevenimentu de sa seguresa in su traballu”. Su segretàriu de sa Cgil, Enzo Costa, fueddat a su presindenti de sa Regioni e a s’assessori de sa Sanidadi po dimandai chi “bengat costituiu debressi su Cumitau regionali de cordinamentu in matéria de seguresa in su traballu previdiu de sa normativa natzionali”. Sighi a ligi ‘Traballu: operàju morrit arruendi de un’imbastimentu. Cgil: “Precisas responsabbilidadis de sa Regioni”’

Voluntariau: a Giovanni Salis de Emergency su prémiu “Nuraghe”2010

(IlMinuto) – Casteddu, 28 de su mes”e de paschixèdda – Est andau a Giovanni Salis de su grupu tataresu de Emergency su prémiu de Annunou “Nuraghe”2010, cumpartu “Diritus civilis”. Su prémiu esti stetiu donau su 18 de su mes”e paschixèdda, in sa saba de su consillu de su comunu de Tàtari, de sa Consulta provintziali po su voluntariau. Sighi a ligi ‘Voluntariau: a Giovanni Salis de Emergency su prémiu “Nuraghe”2010′

Festival: Lungone serrat su 2010 cun su jazz de “Musica sulle bocche”

(IlMinuto) – Casteddu, 28 de su mes”e paschixèdda – Fin”e annu de jazz in Lungone, aundi su comunu de sa Sardigna ‘e tramuntana e s’assótziu Jana Project ant donai vida a un’editzioni de ierru de su Festival ‘Musica sulle Bocche’. Su trànsitu a su 2011 at essi celebrau in sa pratza de su centru, sa pratza Vittorio Emanuele. Òspiti de meda importu in s’eventu at essi Bandakadabra. Sa marching band piemontesa, chi su púbblicu connoscit beni de is rassignas estivas, cun prus de binti sonadoris tra otonis e percussionis chi at a deliziai su palau de is amantis de su jass cun “performance càrrigas de energia e alligria”. Sighi a ligi ‘Festival: Lungone serrat su 2010 cun su jazz de “Musica sulle bocche”’

Basis militaris: asuta de processu is indipendentistas chi in su 2005 intrànt in su Poligonu de Teulada

cumpostu(IlMinuto) – Casteddu, 27 de su mes”e paschixèdda – Is dexi militantis indipendentistas chi su 20 de su mes”e totussantus de su 2005 intrànt in su Poligonu de Teulada ant a finiri debressi asuta de processu. Ddu fait sciri su cordinadori natzionali de Sardigna Natzione, Bustianu Cumpostu. Segundu su leader de Sni funt difatis in arribbu is decretus de citazioni in giudítziu po essi intraus in modu illegali in su Poligoni Militari de Teulada, “ca est logu de intrada vietada in s’interessu militari de su stadu”. Sa citazioni in giudítziu noa arribbat a tres annus de distàntzia de su decretu penali de cundenna de su 2007, chi bidiàt s’opositzioni de “sos patriotas”. Sighi a ligi ‘Basis militaris: asuta de processu is indipendentistas chi in su 2005 intrànt in su Poligonu de Teulada’