> Rédditu seguru po disimperaus e precàrius: in Terraba sa presentada de sa proposta Usb | ilMinuto

Rédditu seguru po disimperaus e precàrius: in Terraba sa presentada de sa proposta Usb

terralba(IlMinuto) – Casteddu, 16 de su mes”e paschixèdda – Sighit sa mobilitada de s’Usb po agiudai sa proposta de lei regionali po su rédditu minimu seguru po disimperaus e precàrius. Cras a merì su testu bófiu de su sindacau de basi at essi presentau in Terraba (bia Garibaldi 22, a is 18.00) po sa campagna deinformatzioni e arregorta de firmas in totu su territoriu regionali.
A s’assembrea – si ligit in d’una nota – ant a participai “rapresentantis de su sindacalismu de basi, de is partidus e de is movimentus lamaus a fai unu cumitau de agiudu”. Obbietivu de is promotoris est difatis cussu de arregolli is 15milla firmas necessàrias a sa presentada de sa proposta de lei in Consillu regionali. In d’un’Ísula aundi su tassu de disimpreu de is giòvanus arribbat a su 44,7 po centu, s’Usb proponit s’istitutzioni de unu rédditu seguru fintzas a is 10milla eurus de donai a disimperadus, precàrius o a personis chi comentisiollat pigant unu salàriu meda bàsciu.

© RIPRODUZIONE RISERVATA

0 Arrespustas a “Rédditu seguru po disimperaus e precàrius: in Terraba sa presentada de sa proposta Usb”


Is cummentus funt serraus.