> Scisma Irs. Anghelu Marras (Sns): “Torrant agoa de 20 annus is ambizionis de su movimentu indipendentista sardu” | ilMinuto

Scisma Irs. Anghelu Marras (Sns): “Torrant agoa de 20 annus is ambizionis de su movimentu indipendentista sardu”

sns marras(IlMinuto) – Casteddu, 20 de su mes”e paschixèdda – Sighit su dibbàtidu tra is fortzas políticas e sindacalis de s’indipendentismu sardu a pustis de su scisma acontéssiu pagu tempus fait in Irs. Segundu Anghelu Marras, imbasciadori de Su Sindacadu de sa Natzione Sarda, “su scisma fait torrai agoa de bint’annus is progressus e is ‘ambizionis’ de su movimentu indipendentista, chi iant contaminau su pópulu sardu [...]“. A chini giuant is divisionis in su movimentu indipendentista sardu? “Deu sciu – scririt Marras citendi Pierpaolo Pasolini – e totus nos indipendentistas scieus. No poita connosceus calencunu segretu chi no si podit nai, ma poita àteras bortas eus biu s’epìlogu de cust’istoria”. Po s’imbasciadori de su sindacu indipendentista e anticapitalista chini bollit sciusciai su movimentu indipendentista tenit s’obbietivu de allonghiai “po àterus 20 annus s’avilessimentu nostru abbia de is sfrutadoris de mesu mundu”. Marras proponit duncas de “torrai a promovi sa lota de liberatzioni sociali e natzionali de sa Sardigna”, superendi “sa mindighenzia filla de su capitali chi bollit fuliai sa lota po sa mancebatzioni de su pópulu nostru”.

© RIPRODUZIONE RISERVATA

0 Arrespustas a “Scisma Irs. Anghelu Marras (Sns): “Torrant agoa de 20 annus is ambizionis de su movimentu indipendentista sardu””


Is cummentus funt serraus.