> 04 « mes’e gennàrgiu « 2011 « ilMinuto – notizie Mediterranee – edizione Sardegna

Archíviu de sa diri 4/01/2011

“Tutelai a Tuvixeddu-Tuvumannu cun d’unu parcu archeológicu mannu”. S’apellu de is participantis a su Cunvegnu “Africa romana”

(IlMinuto) – Casteddu, 4 de su mes”e gennàrgiu – “Fai unu parcu archeológicu ambientali mannu po Tuvixeddu-Tuvumannu e tutelai a su monti sacru chi incoporat a sa necròpoli punica prus manna de su Mediterraneu”. Est custu s’apellu a is istitutzionis chi is participantis a sa XIX editzioni de su cunvegnu internatzionali de istudius “Africa romana”, chi s’est tentu in Tàtari a sa fin”e de su mes”e paschixèdda. A sa concrusioni de is traballus su retori de s’Universidadi turritana, Attilio Mastino, at firmau cun is participantis a su cunvegnu su documentu “po su cumprimentu in Casteddu de unu Parcu mannu de Tuvixeddu”. Sighi a ligi ‘“Tutelai a Tuvixeddu-Tuvumannu cun d’unu parcu archeológicu mannu”. S’apellu de is participantis a su Cunvegnu “Africa romana”’

Polìgonu “Salto di Quirra”: “Su 65% de is pastoris maladius de cancru de su sànguni”. ‘Gettiamo le basi’: “A candu su monitoraggiu asuba de totu sa genti”

quirra(IlMinuto) – Casteddu, 4 de su mes”e gennàrgiu – Su demóniu donat is pingiadas e no is cobertoris. Nonostanti “su dópiu rolu de controllori e controllau fattu de is Fortzas Armadas, de su Ministeru de sa Difesa e de sa Nato”, su Monitoraggiu de su Polìgonu “Interforze Salto di Quirra” at donau aicitoru arrisurtaus de foras de conca. Ddu denunciat cun d’una nota su Cumitau sardu “Gettiamo le Basi”. Po su prus – segundu cantu precisat custu mangianu “l’Unione Sarda” – segundu su relatu scritu de is veterinàrius de sa Asl de Lanusè e de Casteddu, in s’area is angionis nàscius istrupiaus funt unu númeru meda prus mannu de su normali e su 65 po centu de is pastoris est maladiu de su cancru de su sànguni. “Su méritu de sa Asl – precisat in d’una nota Mariella Cao – afortiat sa dimanda asuba de su motivu chi at fattu passai unu tempus de dex’annus primu de fai cust’importanti arregorta de datus e ancora asuba de su motivu chi no bit nesciunu spricullitu sanitàriu de sa genti chi bivit ingunis”. Sighi a ligi ‘Polìgonu “Salto di Quirra”: “Su 65% de is pastoris maladius de cancru de su sànguni”. ‘Gettiamo le basi’: “A candu su monitoraggiu asuba de totu sa genti”’

Presonis. Caligaris (Sdr): “No si funt ancora bius is 500milla eurus donaus de sa Regioni po s’apretu sanitàriu”

caligaris(IlMinuto) – Casteddu, 4 de su mes”e gennàrgiu – “Is 500 milla eurus donaus de sa Regioni po afrontai a s’apretu sanitàriu po is presoneris no funti stetius ancora donaus a is Istitutus”. S’oberrit de parti de s’assótziu Socialismo Diritti e Riforme, un’àtera dinúntzia asuba de is cunditzionis de vida in is presonis sardus su 2011. Sighi a ligi ‘Presonis. Caligaris (Sdr): “No si funt ancora bius is 500milla eurus donaus de sa Regioni po s’apretu sanitàriu”’

Comunalis in Casteddu. “Federazione della Sinistra”: “A foras de su giogu de is primarias”

comunali cagliari(IlMinuto) – Casteddu, 4 de su mes”e gennàrgiu – Sa “Federazione della Sinistra” bullat a is primarias chi s’ant a tenni primu de is eletzionis comunalis de Casteddu. “Contra a sa bufonada de is primarias – scrirint in d’una nota Jose Manca (Pdci) e Giuseppe Stocchino (Prc) – sceberaus s’unidadi e sa participatzioni”. Sighi a ligi ‘Comunalis in Casteddu. “Federazione della Sinistra”: “A foras de su giogu de is primarias”’

Comunicatzioni: Mediterraneaonline.eu s’agiudicat po su segund’annu ‘e file pari su prémiu eContent Award Italy

rivista culturale(IlMinuto) – Casteddu, 4 de su mes”e gennàrgiu – Po su segund’annu ‘e file pari, su mensili Mediterraneaonline.eu (www.mediterraneaonline.eu), in su web de su 2008, s’est agiudicau su prèmiu de importu mannu eContent Award Italy, aprontau de sa Fondatzioni Politecnicu de Milanu e de Médicus Framewor asuba de su modellu Wsa – World Summit Award. Sighi a ligi ‘Comunicatzioni: Mediterraneaonline.eu s’agiudicat po su segund’annu ‘e file pari su prémiu eContent Award Italy’