> 24 « mes’e gennàrgiu « 2011 « ilMinuto – notizie Mediterranee – edizione Sardegna

Archíviu de sa diri 24/01/2011

“De su Regnu de is Savoia a s’Unidadi de Itàlia”. Sdel: “Fallimentu de una mostra prena de fabas istóricas”

sperantzia de libertadi(IlMinuto) – Casteddu, 24 gennàrgiu – “Prus unu stand mannu de propaganda de is fortzas armadas chi una manifestada de tipu culturali”. Cun custus fueddus Sperantzia de Libertadi, su grupu de is giòvanus de Sardigna Natzione, descririt sa mostra “Dal Regno di Sardegna all’Italia unita”, aghillia in su Palatzu Régiu po is eventus chi afestant a is 150 annus de su stadu italianu. Is giòvanus de Sni denunciant a su “totali fallimentu de sa manifestada po númeru de bisitadoris” e una fibera de “fabas istóricas”. Sighi a ligi ‘“De su Regnu de is Savoia a s’Unidadi de Itàlia”. Sdel: “Fallimentu de una mostra prena de fabas istóricas”’

De su “Rockbus” s’arràbiu de is traballadoris: “In Tv s’allegat scéti de s’úrtimu scàndalu de Arcore”

(IlMinuto) – Casteddu, 24 gennàrgiu – “Allueus sa Tv po intendi is novas, ma ai cust’ora s’allegat scéti de s’úrtimu scàndalu chi at trisinau a su presidenti de su Consillu”. Aici scrirint in su diàriu insoru is traballadoris de sa Rockwool de Igrèsias. De su 15 de su mes”e ledàminis passau – a pustis de 14 mesis de presídiu asuba de su ponti de Campu Pisanu, diventau “Ponti po su traballu” – is operàjus sighint sa lota insoru in s’unu postali: su “Rockbus”. Sighi a ligi ‘De su “Rockbus” s’arràbiu de is traballadoris: “In Tv s’allegat scéti de s’úrtimu scàndalu de Arcore”’

Abetendi su 28 de su mes”e gennàrgiu. Apellu a Fiom e Cobas: “In Casteddu scéti una manifestada”

sciopero generale(IlMinuto) – Casteddu, 24 gennàrgiu – “Sa diri de su 28 de su mes”e gennàrgiu pigat un’importàntzia meda prus manna de cussa rapresentada de s’isciòpiru de una categoria manna de traballadoris o de un’isciòpiru bófiu de is sindacaus de basi”. Est custa sa cunvintzioni chi at spintu tres rapresentantis de sa sinistra anticapitalista, Manuela Lucchesu, Gian Luigi Deiana e Vincenzo Pillai, a promovi un’apellu, a sa Fiom e a is Cobas, po aprontai una manifestada totus impari in Casteddu. A pagus oras de sa diffusioni, su documentu at giai arriciu centinas de adesiois. Sighi a ligi ‘Abetendi su 28 de su mes”e gennàrgiu. Apellu a Fiom e Cobas: “In Casteddu scéti una manifestada”’

Is traballadoris ex Vol2.0 torrant in pratza: “No si ndi scresceis de chini est ancora disimperau”

sciopero call center(IlMinuto) – Casteddu, 24 gennàrgiu – Sa contienda ex Vol2 no est serrada. Mérculis a mangianu, po s’atóbiu tra Regioni e sindacaus avisau po discútiri de is operadoris no ancora pigaus de Comdata, s’at a tenni difatis unu presídiu a fac”e sa sedi de s’Assessorau regionali de su Traballu, in bia XXVIII febbraio in Casteddu. Su 20 de su mes”e gennàrgiu, in Sestu, esti stetia inaugurada sa sedi noa de sa Comdata Eos, ma funt medas is traballadoris ex Vol2 aoi senz”e traballu. “Sa contienda Vol 2 – si ligit in d’una nota sindacali – est ancora oberta e bia, e ddu narant totus cussus chi ancora abetant una solutzioni a su própriu stadu de disimpreu. Cumbidaus insaras a is cullegas ca su 26 faint unu turnu de merì o chi funt de pàsiu, a manifastai sa própriu solidariedadi a is cullegas chi funt ancora disimperaus”. Sighi a ligi ‘Is traballadoris ex Vol2.0 torrant in pratza: “No si ndi scresceis de chini est ancora disimperau”’

“Grillo is Back”: in Casteddu su show de su comicu genovesu

(IlMinuto) – Casteddu, 24 de su mes”e gennàrgiu – Beppe Grillo torrat in Sardigna. S’at a tenni su 23 de su mes”e fiàrgiu a is 21.00, in is aposentus de su Palasport de Monti Mixi, sa frimmada casteddaia de s’última tournèe de su comicu genovesu. S’ispetàculu s’annunziat – si ligit in d’una nota – “comenti unu ‘work in progress’, senz”e copioni fissu”. Ant a fai de meris, comenti sèmpiri, s’ironia fertadera, sa sàtira e sa comicidadi chi contraddistinghint a Grillo. Sighi a ligi ‘“Grillo is Back”: in Casteddu su show de su comicu genovesu’