> “Tutelai a Tuvixeddu-Tuvumannu cun d’unu parcu archeológicu mannu”. S’apellu de is participantis a su Cunvegnu “Africa romana” « ilMinuto – notizie Mediterranee – edizione Sardegna

“Tutelai a Tuvixeddu-Tuvumannu cun d’unu parcu archeológicu mannu”. S’apellu de is participantis a su Cunvegnu “Africa romana”

(IlMinuto) – Casteddu, 4 de su mes”e gennàrgiu – “Fai unu parcu archeológicu ambientali mannu po Tuvixeddu-Tuvumannu e tutelai a su monti sacru chi incoporat a sa necròpoli punica prus manna de su Mediterraneu”. Est custu s’apellu a is istitutzionis chi is participantis a sa XIX editzioni de su cunvegnu internatzionali de istudius “Africa romana”, chi s’est tentu in Tàtari a sa fin”e de su mes”e paschixèdda. A sa concrusioni de is traballus su retori de s’Universidadi turritana, Attilio Mastino, at firmau cun is participantis a su cunvegnu su documentu “po su cumprimentu in Casteddu de unu Parcu mannu de Tuvixeddu”. “Asuba de s’area de Tuvixeddu – Tuvumannu – narat sa genti chi at firmau su documentu – insistint progetus e investimentus [...] chi faint dannu mannu a custu logu e chi funt destinaus a ndi liai custu beni a  su gosamentu púbblicu, po ddu donai a su gosamentu de is privaus”.

© RIPRODUZIONE RISERVATA

0 Arrespustas a ““Tutelai a Tuvixeddu-Tuvumannu cun d’unu parcu archeológicu mannu”. S’apellu de is participantis a su Cunvegnu “Africa romana””


Is cummentus funt serraus.