> 2011 mes’e fiàrgiu 16 | ilMinuto

Archíviu de sa diri 16/02/2011

“Marea niedda”: lampadinas studadas, sit in e dibbàtidu po fai luxi asuba de is responsabbilidadis E.on

(IlMinuto) – Casteddu, 16 de su mes”e fiàrgiu – A pagu prus de unu mesi de sa destrossa ambientali chi at impestau a is costeras e a su mari de sa Sardigna de Tramuntana si multiplicant is propostas po dennuntziai a is responsabbilidadis de s’E.on. Cenàbara ant essi in medas a participai a una forma noa de isciòpiru promòvia in Facebook. “Su 18 de su mes”e fiàrgiu a is otu de su merì – narant is aprontadoris – studa sa luxi po 10 minutus. Fai un’ingestixddu comenti símbulu de s’umbra cabada asuba de sa terra nostra mirífica”. Is aprontadoris de sa cosa pedint chi sa multinatzionali tedesca fatzat partiri cantu primu sa bunífica de s’area, poita “fintzas a immoi est stetiu fattu scéti unu primu allichidimentu in is arenàrgius e in is arrocas”. In sa mantessi diri, ma pagu minutus primu, in Pòrtu Turre (18.00, assótziu “The Rockers”) at a cumentzai s’atóbiu-dibbàtidu promòviu de a Manca pro s’Indipendentzia e dedicau a su tema “Crisi occupazionale e marea nera. Quale futuro per Porto Torres?”. Sighi a ligi ‘“Marea niedda”: lampadinas studadas, sit in e dibbàtidu po fai luxi asuba de is responsabbilidadis E.on’

“No teneus bisóngiu de spricullitus po sciri chini bocit In Quirra”. Fortuna manna po Sa die de sa Vardania, ma nascit su Cumitau in favori de su Poligonu

(IlMinuto) – Casteddu, 16 de su mes”e fiàrgiu – Quirra, Biddeputzi e Santuidu. Funt stetias custas is tre frimmadas de su domínigu aprontau de su Cumitau Sinonucle po pediri sa serradura de su Poligonu de “Capo San Lorenzo” e po donai ancora una borta un’arrespusta a sa dimandha “Chini bocit in Quirra?”. Sa diri, cumentzada cun s’assentadura de unu bronzitu nuràgicu “A Vardania de Quirra e de sa Sardigna totu” e de una una statuedda de sa “Madre dell’ucciso” cussa puru nuràgica, est sighia cun d-una frimmadedda in Biddeputzi e  cun su pràngiu a in su satu de Santuidu. A sa cosa furiant presentis cun is bandheras insoru Sardigna Natzione, Irs, Federazione de sa Sinistra e Sinistra Critica, su Cumitau Gettiamo le basi e su Movimentu Cinque Stelle de Beppe Grillo, ma puru su síndhigu Làconi, Paolo Pisu, sa consillera regionali Claudia Zuncheddu, e rapresentantis de àteras fortzas políticas. Su momentu chi est stetiu de prus importu in totu sa diri, est cussu de s’atóbiu de s’apustispràngiu. Pagu prus de 200 personis ant prenu difatis totu s’àula de su Comunu de Santiudu, chistionendi po oras meda de sa “Sindrome de Quirra” e is efetus suus cun militantis e espertus. Sighi a ligi ‘“No teneus bisóngiu de spricullitus po sciri chini bocit In Quirra”. Fortuna manna po Sa die de sa Vardania, ma nascit su Cumitau in favori de su Poligonu’

Boxe tailandesa: apuntametus in Aristanis e Crabònia. In su mes”e arbili isfida Sardigna-Tailandia

(IlMinuto) – Casteddu, 16 de su mes”e fiàrgiu – In Sardigna su movimentu de sa boxe tailandesa sighit a ammanniai. Su merì de su 27 de su mes”e fiàrgiu, in su palatzu de su sport de Aristanis, s’at a tenni una manifestada regionali chi at essi sighia pagus cidas afatu de su torneu internatzionali de Crabònia. Su 16 de su mes”e arbili in sa citadi mineraria una scuadra de sa Sardigna cumposta de Mauro Serra e Alessandro Alias at a isfidai a una scudra tailandesa,

sa pàtria de sa Muay Thai.

Sighi a ligi ‘Boxe tailandesa: apuntametus in Aristanis e Crabònia. In su mes”e arbili isfida Sardigna-Tailandia’

“Nemos Deviat Ischire, Neune Deviat Intendere”: furriada in sardu po su romanzu de Giovanna Mulas

Mulas Giovanna Bruno Sini(IlMinuto) – Casteddu, 16 de su mes”e fiàrgiu – Un’arregalu “a sa Sardigna Scéti po sa Sardigna”. Aici una nota de imprenta definit s’agiudu càmbiu tra Giovanna Mulas, scriidora, e Bruno Sini, pueta e istudiosu de sa língua e de is traditzionis de sa Sardigna. “Nemos Deviat Ischire, Neune Deviat Intendere”, furriada in sardu a òpera de Sini de su segundhu líbburu de sa trilogia noir de s’artista eclética originària de Nùgoro, est un’alabanza a sa literadura de s’Ísula e at essi disponìbili in libbreria intre pagu tempus. Sighi a ligi ‘“Nemos Deviat Ischire, Neune Deviat Intendere”: furriada in sardu po su romanzu de Giovanna Mulas’

“Chini timit a sa trasparéntzia?”. Zuncheddu arrespundit a is acusas de su segretàriu Rossomori Muledda

(IlMinuto) – Casteddu, 16 de su mes”e fiàrgiu – “Apu sèmpiri donau a is Rossomori is 1.800 eurus a su mesi. In su mes”e totussantus apu blocau is partis de su dinai abetendi unu pagheddu de trasparéntzia in is proceduras de gestioni. Abetu campau in aria”. Aici Claudia Zuncheddu arrespundit a is acusas fattas de su segretàriu de is Rossomori Gesuino Muledda (“60millionis de eurus de dinai liau a su partidu”) a pustis de ai lassau s’incàrrigu chi teniat in su movimentu políticu. Sighi a ligi ‘“Chini timit a sa trasparéntzia?”. Zuncheddu arrespundit a is acusas de su segretàriu Rossomori Muledda’