(IlMinuto) – Casteddu, 1 de su mes”e arbili – Franco Fontana, Paolo Bianchi e Sveva Taverna… Tres nòmini chi atressu de sa màchina fotogràfica ant eternitzau a sa Sardigna donendu a s’aspetadori una própriu bidea de s’Ísula, chi ponit in mostra diversas sensibilidadis e proponit unu castiu chi superant a is schemas connotus a foras de sa Sardigna. Vittoria Cappelli at postu impari is fotografias de is tre fotografus fadendi biri sa luxi a una mostra chi tenit comenti títulu “Sardegna. Un altro pianeta”. Unu progetu promòviu de sa Regioni Autónoma de sa Sardigna e chi s’at a frimmai in diversas citadis de Europa. Sighi a ligi ‘“Sardegna. Un altro pianeta”: in Montecarlo sa primu frimmada de sa mostra’
Archìviu de mes'e marzu 2011
(IlMinuto) – Casteddu, 31 de su mes”e martzu – Su Pdci narat de nono a su fàbbricu de sa centrali a biomassas in su tretu de s’ex Cartiera de Arbatassa. “No si podit pensai de resòlviri is chistionis de s’Ogiastra – cummentat su cordinadori Pdci-Fds po s’Ogiastra Giovanni Enne – ponendi in su territóriu nostru una centrali de custu tipu. Custu tipu de centralis eletricas, chi ant a andai a abbruxai calisisiat materiali [...], faint cinixu meda, ludus e aremus difícilis de dissipai e chi arregalant a s’aria cantidadis mannas de sustàntzias chi dd’impestant”. Sighi a ligi ‘Ambienti. Enne (Pdci): “S’Ogiastra no tenit bisóngiu de centralis a biomassas”’
(IlMinuto) – Casteddu, 31 de su mes”e martzu – Maurizio Diomedi afestat su 50° rally suu cun un’àteru primu postu. Sa setima editzioni de su Rally Ciatadi de Terranòa de su 26 e de su 27 de su mes”e martzu at biu torra bincidoris Diomedi e su copilota suu Mauro Turati asuba de sa Peugeot 207 S.2000. Una bitória cunfirmada e forti, difatis asuba de seti proas ispecialis ddant bintu ses. Sighi a ligi ‘Rally: in Terranòa bitória po Diomedi’
(IlMinuto) – Casteddu, 31 de su mes”e martzu – Sa Presidéntzia de sa Regioni si ndi scidit e dongat sciumbullada a su Guvernu”. Est su cumbidu chi Maria Grazia Caligaris, presidenti de s’Assótziu “Socialismo Diritti e Riforme”, fait a su presidenti de sa Regioni Ugo Cappellacci in matéria de sanidadi penitentziària: s’impérriu previdiu de sa gestioni de sa sanidadi in is presonis a is Asl no est stetiu ancora fattu. “S’apretu sanitàriu po is presoneris – precisat Caligaris – no agatat solutzioni po mori de s’incapacidadi de su Consillu de is Ministrus de pigai una decisioni apretosa”. Sighi a ligi ‘Sanidadi in is presonis. Caligaris (Sdr): “Cappellacci si ndi scidit”’
(IlMinuto) – Casteddu 31 de su mes”e martzu – S’Istar, Istitutu Istoricu Arborensu po sa circa e sa documentatzioni asuba de su Giudicau de Arborea e de su Marchesau de Aristanis, torrat a oberri su bandu po su IX cuncursu a prémius “Conoscere il Giudicato d’Arborea e il Marchesato di Oristano”. Is duus temas de custa editzioni, unu po is asilus e po is iscolas elementaris, chi tenit comenti títulu “Il mondo della Carta de Logu del Giudicato d’Arborea” e s’àteru po is iscolas medias e po cussas superioris, chi tenit comenti tema “La Carta de Logu del Giudicato d’Arborea”. A su cuncursu podint participai totus is iscolas de Aristanis e de sa provìntzia e si sboddiat in tres setzionis. Sighi a ligi ‘Istória: a sa IX editzioni su cuncursu Istar asuba de su Giudicau de Arborea e de su Marchesau’
(Chistionis e Opinionis) – Casteddu, 31 de su mes”e martzu – “S’abetat unu camminu prenu de perígulus e de afrascus, ma seus a su bótiu decisivu”. Cun custus fueddus su presidenti de sa Regioni, Ugu Cappellacci, serrat sa setziada de su Consillu regionali de su 16 de su mes”e martzu. Una setziada dedicada a sa “contienda intradas”. Unu de is temas chi prus funt buddendi in sa política de is úrtimus cinc’annus e chi forsis oi, est agatendi sa luxi. De ita seus fueddendi? S’artículu 8 de su Statutu ispeciali de sa Sardigna – una fibera de normas de su mantessi valori giurídicu de sa Costitutzioni – istabbilit chi “is intradas de sa regioni funt costituias de is seti déximus de su ghétidu de is pagamentas asuba de su rédditu de is personas fisicas” e de àteras ratas, de àteras pagamentas e de s’IVA. Ma su Stadu – no si cumprendit beni a cali títulu – no torrat a sa Sardigna su 70 po centu de s’Irpef e de is àteras intradas in giogu. Sighi a ligi ‘Intradas. S’istória senz”e fini de una contienda de 10 milliardus de eurus’
(IlMinuto) – Casteddu 30 de su mes”e martzu – “Un’ecunumia de importu mannu no podit fai de mancu de sa preséntzia de s’industria, puru in d-unu territóriu agricolu comenti su nostru”. Dd’ant nau cenàbara passau su presidenti de sa Provìntzia de su Campidanu de Mesu, Fulvio Tocco, e s’assessori provintziali de su Traballu, Simona Lobina, in d-un’atóbiu cun is sindacaus asuba de sa contieda de sa Portovesme srl de Santu ‘Engiu. Sighi a ligi ‘“Su Campidanu de Mesu no podit fai de mancu de s’industria”, in Seddori atóbiu asuba de sa contienda Portovesme srl’
(IlMinuto) – Casteddu, 30 de su mes”e martzu – De su primu de su mes”e arbili ant a intrai is modalidadis noas po fai sa dimandha de esentzioni de su Ticket partendu de su rédditu po is esàminus e po is vísitas fattas de is datoris specialistas. Primu de ordinai esàmus e vísitas cun esentzioni, is datoris ant a avreguai sa preséntzia de su malàdiu in s’elencu donau de su Sistema Tessera Sanitaria – Agentzia de is Intradas: s’arrolu chi ammostat sa cunditzioni de esentzioni po rédditu su malàdiu. Su sistema nou at a cumentzai cenàbara chi benit, ma – si ligit in d-una fatta connosci de s’ufíciu de imprenta de sa Asl8 – “in su mes”e arbili ein su mes”e maju po agiudai a sa genti [...] impari a is noas ant balli puru is modalidadi passadas (atestatzionis sutascritas e presentadas a su portellitu de su ticket de s’ispidali o de su poliambulatóriu). Sighi a ligi ‘Sanidadi: de su primu de su mes”e arbili modalidadis noas po dimandhai esentzioni de su ticket po esàminus e vísitas’
(IlMinuto) – Casteddu, 30 de su mes”e martzu – “Un’àtera trampa a is pabas de is sardus prus giòvanus”. Aici Sdel, s’organizatzioni de is giòvanus de Sardigna Natzione Indipendentzia, bit su determinu de su Comunu de Casteddu de spendi “3.400.000 eurus po ammanniai a su College Sant’Efisio, residéntzia bófia de sa Diócesi Casteddaia, ma fabbricada cun su dinai regionali po sa cifra bella meda de 8.800.000 de eurus”. Sighi a ligi ‘De su Comunu de Casteddu 3,4 millionis de eurus po su College Sant’Efisio. Sdel: “Trampa a is dannus de is sardus prus giòvanus”’
(IlMinuto) – Casteddu, 30 de su mes”e martzu – Su 15 de su mes”e maju is sardus ant essi lamaus a is urnas po arrespundi a sa dimandha: “Ses contràriu a s’installatzioni in Sardigna de centralis nuclearis e de situs po su depósitu de ferrinas radioativas avantzadas o preesistentis?”. A 45 diris de su referendum regionali si fait sèmpiri prus mannu s’impignu de is organizatzionis contràrias a sa torrada de s’energia nucleari bófia de su Guvernu Berlusconi. Sàbudu 2 de su mes”e arbili in Pauli (17.30, bia de su Redentore 215) s’at a tenni un’assembrea púbblica promòvia de Sinistra Critica. “Sighit s’apretu in Fukushima, lompendi a 3 cidas de su tsunami – si ligit in d-una nota de imprenta fatta connosci de s’organizatzioni anticapitalista – is livellus de radioatividadi in su mari acanta a sa centrali funt prus mannus de 3.555 bortas de comenti iant a depi essi. Sa destrossa giaponesa cunfirmat chi is lógicas de su capitalismu portant a sa morti, ma sa vida nostra balit de prus de is profetus de is meris e de is lobby e is referendum dd’ant fai bessiri a pillu”. Sighi a ligi ‘“Sa vida balit de prus de su dinai de is meris”, in Pauli assembrea contra a su nucleari in ammentu de Sergio Perniciano’
Social
