> 2011 mes’e marzu | ilMinuto

Archìviu de mes'e marzu 2011

“Sardegna. Un altro pianeta”: in Montecarlo sa primu frimmada de sa mostra

mostra(IlMinuto) – Casteddu, 1 de su mes”e arbili – Franco Fontana, Paolo Bianchi e Sveva Taverna… Tres nòmini chi atressu de sa màchina fotogràfica ant eternitzau a sa Sardigna donendu a s’aspetadori una própriu bidea de s’Ísula, chi ponit in mostra diversas sensibilidadis e proponit unu castiu chi superant a is schemas connotus a foras de sa Sardigna. Vittoria Cappelli at postu impari is fotografias de is tre fotografus fadendi biri sa luxi a una mostra chi tenit comenti títulu “Sardegna. Un altro pianeta”. Unu progetu promòviu de sa Regioni Autónoma de sa Sardigna e chi s’at a frimmai in diversas citadis de Europa. Sighi a ligi ‘“Sardegna. Un altro pianeta”: in Montecarlo sa primu frimmada de sa mostra’

Ambienti. Enne (Pdci): “S’Ogiastra no tenit bisóngiu de centralis a biomassas”

(IlMinuto) – Casteddu, 31 de su mes”e martzu – Su Pdci narat de nono a su fàbbricu de sa centrali a biomassas in su tretu de s’ex Cartiera de Arbatassa. “No si podit pensai de resòlviri is chistionis de s’Ogiastra – cummentat su cordinadori Pdci-Fds po s’Ogiastra Giovanni Enne – ponendi in su territóriu nostru una centrali de custu tipu. Custu tipu de centralis eletricas, chi ant a andai a abbruxai calisisiat materiali [...], faint cinixu meda, ludus e aremus difícilis de dissipai e chi arregalant a s’aria cantidadis mannas de sustàntzias chi dd’impestant”. Sighi a ligi ‘Ambienti. Enne (Pdci): “S’Ogiastra no tenit bisóngiu de centralis a biomassas”’

Rally: in Terranòa bitória po Diomedi

(IlMinuto) – Casteddu, 31 de su mes”e martzu – Maurizio Diomedi afestat su 50° rally suu cun un’àteru primu postu. Sa setima editzioni de su Rally Ciatadi de Terranòa de su 26 e de su 27 de su mes”e martzu at biu torra bincidoris Diomedi e su copilota suu Mauro Turati asuba de sa Peugeot 207 S.2000. Una bitória cunfirmada e forti, difatis asuba de seti proas ispecialis ddant bintu ses. Sighi a ligi ‘Rally: in Terranòa bitória po Diomedi’

Sanidadi in is presonis. Caligaris (Sdr): “Cappellacci si ndi scidit”

(IlMinuto) – Casteddu, 31 de su mes”e martzu – Sa Presidéntzia de sa Regioni si ndi scidit e dongat sciumbullada a su Guvernu”. Est su cumbidu chi Maria Grazia Caligaris, presidenti de s’Assótziu “Socialismo Diritti e Riforme”, fait a su presidenti de sa Regioni Ugo Cappellacci in matéria de sanidadi penitentziària: s’impérriu previdiu de sa gestioni de sa sanidadi in is presonis a is Asl no est stetiu ancora fattu. “S’apretu sanitàriu po is presoneris – precisat Caligaris – no agatat solutzioni po mori de s’incapacidadi de su Consillu de is Ministrus de pigai una decisioni apretosa”. Sighi a ligi ‘Sanidadi in is presonis. Caligaris (Sdr): “Cappellacci si ndi scidit”’

Istória: a sa IX editzioni su cuncursu Istar asuba de su Giudicau de Arborea e de su Marchesau

concorso(IlMinuto) – Casteddu 31 de su mes”e martzu – S’Istar, Istitutu Istoricu Arborensu po sa circa e sa documentatzioni asuba de su Giudicau de Arborea e de su Marchesau de Aristanis, torrat a oberri su bandu po su IX cuncursu a prémius “Conoscere il Giudicato d’Arborea e il Marchesato di Oristano”. Is duus temas de custa editzioni, unu po is asilus e po is iscolas elementaris, chi tenit comenti títulu “Il mondo della Carta de Logu del Giudicato d’Arborea” e s’àteru po is iscolas medias e po cussas superioris, chi tenit comenti tema “La Carta de Logu del Giudicato d’Arborea”. A su cuncursu podint participai totus is iscolas de Aristanis e de sa provìntzia e si sboddiat in tres setzionis. Sighi a ligi ‘Istória: a sa IX editzioni su cuncursu Istar asuba de su Giudicau de Arborea e de su Marchesau’