> Bunífica ex miniera Futtèi: tra pagu su bandu po pigai traballadoris | ilMinuto

Bunífica ex miniera Futtèi: tra pagu su bandu po pigai traballadoris

bonifica ex miniera(IlMinuto) – Casteddu, 25 de su mes”e martzu – At essi pubblicau luegu su bandu po su sceberu de su personali de impitai in is operatzionis de bunífica de s’area de s’ex miniera de s’oru de Futtèi. Ddu previdit un’acórdiu firmau ariseru in Casteddu tra s’assessorau regionali de s’Industria e sa sociedadi de sa Regioni Igea. Cun sa firma de s’acórdiu s’acostat sa fini de su camminu cumentzau in su 2010 cun is cursus professionalis gestius de Igea etotu po is traballadoris de s’ex miniera de s’oru de Futtèi. “Su bandu – precisat s’assessori de s’Industria Oscar Cherchi, chi ariseru a mangianu at firmau s’acórdiu cun su presidenti de s’Igea Battista Zurru – at a serbiri po torrai a ponni in motu una procedura frimma de tempus meda, chi is traballadoris e sa genti de su territóriu furiant abetendi”.

© RIPRODUZIONE RISERVATA

0 Arrespustas a “Bunífica ex miniera Futtèi: tra pagu su bandu po pigai traballadoris”


Is cummentus funt serraus.