> 2011 mes’e arbili 04 | ilMinuto

Archíviu de sa diri 4/04/2011

Otu síndhigus po Casteddu. Sa “capitali” de sa Sardigna a 40 diris de su votu

(Chistionis e Opinionis) – Casteddu, 5 de su mes”e arbili - Tres candidaus de centru destra, duas indipendentistas, una comunista, unu candidau de centrusinistra e unu missinu: a is comunalis de Casteddu de su 15 e de su 16 de su mes”e maju is eletoris ant a tenni unu sceberu mannu e s’ésitu de is eletzionis parrit meda dudosu. A pustis de 10 annus finit s’era de Emili Floris. Sighi a ligi ‘Otu síndhigus po Casteddu. Sa “capitali” de sa Sardigna a 40 diris de su votu’

Record de disimpreu po sa Sardigna: in tres mesis pérdius 26.329 postus de traballu

(IlMinuto) – Casteddu, 4 de su mes”e arbili – In s’Ísula sighit s’emorragia de is postus de traballu. In is úrtimus tres mesis de su 2010 su tassu de disimpreu est aumentau de 2,3 puntus, passendi de su 12,4 a su 14,7 po centu: sa cifra fait de sa Sardigna – chi in custa classífica maba bincit a sa Basilicata e a sa Sicilia – sa regioni de Itàlia cun su tassu de disimpreu prus mannu. ddu fait sciri s’úrtimu númeru de “Congiuntura lavoro Sardegna”, su periòdicu de s’Agentzia regionali de su Traballu. Sighi a ligi ‘Record de disimpreu po sa Sardigna: in tres mesis pérdius 26.329 postus de traballu’

Trasportu marìtimu. (Stochino e Corona) Fds: “Aumentu esagerau de is prétzius a is pabas de is sardus emigraus e de is turistas”

Stochino Corona(IlMinuto) – Casteddu, 4 de su mes”e arbili – “In is úrtimus mesis s’ausétzia de una política crara e profetosa asuba de su tempus benidori de su trasportu marìtimu in Sardigna e de sa flota de Stadu at permítiu a is privaus de fàbbricai unu beru e própriu cartellu”. Est cantu denunciant cun d-una nota is segretàrius regionalis de is partidus de sa Federatzioni de sa Sinistra Laura Stochino (Prc) e Alessandro Corona (Pdci). Atressu de s’umentu esagerau de is prétzius – precisant Stochino e Corona – su cartellu at isolau ancora de prus a sa Sardigna impedendi a is sardus emigraus de torrai e a is turistas de sceberai a s’ísula nostra comenti logu po is férias de s’istadi”.
Sa Federatzioni de sa Sinistra bullat a s’ipótesi de còmpora de sa Tirrenia de parti de sa cordata Aponte-Onorato-Msc-Snav. Sighi a ligi ‘Trasportu marìtimu. (Stochino e Corona) Fds: “Aumentu esagerau de is prétzius a is pabas de is sardus emigraus e de is turistas”’

Referendum nucleari: aMpI cras in Tàtari po acrarai is arrexonis po nai de EJA

aMpI Sassari(IlMinuto) – Casteddu, 4 de su mes”e arbili – “Impediri a su stadu italianu de impiantai centralis o depósitus de aremus in sa terra nostra e portai su pópulu sardu a fai un’atzioni colletiva e unia asuba de cust’argumentu”. Est custu s’obbietivu de sa campagna “No a su nucleare, eja a sa sòberania”, chi a Manca pro s’Indipendentzia madat ainnantis de pagu prus de un’annu abetendi a su referendum de su 15 de su mes”e maju. Cras a merì sa campagna de aMpI arribbat in Tàtari, cun d-un’assembrea in programma po cras 5 de su mes”e arbili a is 16.30 in is aposentus de sa Circoscritzioni n°2, in bia Poligono 2 (Palestra Luca Simula), a su costau de s’Istàdiu de is Pinus. Sighi a ligi ‘Referendum nucleari: aMpI cras in Tàtari po acrarai is arrexonis po nai de EJA’

Radar de Capo Sperone. Antonello Tiddia (Disarmiamoli Sardigna): “S’Itàlia movit gherra a is furesteris”

antonello tiddia(IlMinuto) – Casteddu, 4 de su mes”e arbili – “Cun su radar de Capo Sperone s’Itàlia movit gherra a is furesteris cun sa tecnologia de Istraeli”. Cun custus fueddus Antonello Tiddia (Disarmiamoli Sardigna) cundennat “su fàbbricu de su radar de Capo Sperone e sa complicidadi Itàlia-Israeli in su cuntrollu de is làcanas europeas”. “Comenti scideus de tempus meda – narat Tiddia – tot’e is duus is stadus si podint bantai de un”esperiéntzia’ manna in su cuntrollu (de is làcanas, ndr), in s’isfrutamentu e in su ratzismu. Nascit duncas un’àteru agiudu cambiu in campu militari e bincit su ‘prémiu crímini’ s”Almaviva Spa’ de Roma, pighendusì un’apaltu po ponni e po curai a is cincu radar ‘made in Israel’ a su pretzixeddu de 5.461.700 eurus”. Sighi a ligi ‘Radar de Capo Sperone. Antonello Tiddia (Disarmiamoli Sardigna): “S’Itàlia movit gherra a is furesteris”’