> 2011 mes’e arbili 05 | ilMinuto

Archíviu de sa diri 5/04/2011

Is prus lígias in língua sarda de cida passada

lingua sarda

Sa Sardigna de is tzerachias militaris. Viàgiu in duas frimmadas: is acontéssias de Deximu Mannu e Santu Antiogu

(Chistionis e Opinionis) – Casteddu, 2 de su mes”e arbili – 24milla ètarus de demàniu militari contra a is 16milla de totu sa penísula. 12milla ètarus asuta de s’avincu de is tzerachias militaris. Is basis aéreas de Deximu Mannu- Capo Frasca, is Poligonus de Quirra e de Teulada, is dépositus de carburantis. Territórius ()

Intradas. S’istória senz”e fini de una contienda de 10 milliardus de eurus

Sighi a ligi ‘Is prus lígias in língua sarda de cida passada’

“Uniti e diversi”: Giulietto Chiesa in Casteddu po presentai su partidu de sa decrescita

Giulietto Chiesa(IlMinuto) – Casteddu, 5 de su mes”e arbili – Su partidu de sa “decrescita diciosa” est nàsciu. “Uniti e diversi”, sugetu políticu chi nascit po boluntadi de movimentus chi tenint orientamentus culturalis diversus, su partidu at essi presentau gióbia in d-un’assembrea púbblica chi s’at a tenni in Casteddu (Caesar’s Hotel, 18.30), a s’assembrea ddoi at essi puru su giornalista e sagista Giulietto Chiesa. Is “Uniti e diversi” puntant a essi “diversus de totus is partidus chi ddoi funt”, varianti – narat s’organizatzioni noa – de sa mantessi ideologia de “isvilupu e consumu”. Sighi a ligi ‘“Uniti e diversi”: Giulietto Chiesa in Casteddu po presentai su partidu de sa decrescita’

Traballu: 22 millionis de eurus po is traballadoris in cassa ‘e integratzioni o in mobilididadi

occupazione(IlMinuto) – Casteddu, 5 de su mes”e arbili – 22 millionis de eurus po s’apretu traballu. Un’acórdiu firmau in is diris passadas tra Assessorau regionali de su Traballu e Provìntzias stantziat difatis 14 millionis de eurus po torrai a pigai a is traballadoris in cassa ‘e integratzioni o in mobilidadi – segundu cantu previdiu de s’artículu 29 de sa lei regionali 20 de su 2005 – e àterus 8 millionis de eurus po su progetu “Welfare to work”. Sighi a ligi ‘Traballu: 22 millionis de eurus po is traballadoris in cassa ‘e integratzioni o in mobilididadi’

Presonis. Assótziu 5 novembre: “Negau su diritu a sa saludi de is presoneris sardus”, gióbia cuferéntzia in Casteddu

roberto loddo associazione 5 novembre(IlMinuto) – Casteddu, 5 de su mes”e arbili – Su retardu in su càmbiu de sa gestioni de sa sanidadi de is presonis, chi dd’iat a depi biri in is manus de is Asl, ndi liat su diritu a sa saludi de is presoneris sardus. Est cantu denunciat cun d-una nota s’Assótziu 5 novembre presidiu de Roberto Loddo chi at aprontau po gióbia chi benit a is 17.00, in sa saba Cosseddu de sa Domu de s’Istudianti, in Casteddu, una cuferéntzia po analizai su stadu de sa sanidadi penitentziària in Sardigna. A s’apuntamentu ant addiriu diversus assótzius chi si ocupant de is chistionis de is presonis. Sighi a ligi ‘Presonis. Assótziu 5 novembre: “Negau su diritu a sa saludi de is presoneris sardus”, gióbia cuferéntzia in Casteddu’

Apuntamentus: cumetzat a segundha editzioni de su Teatru Populari de Guasìlla

Guasila(IlMinuto) – Casteddu, 5 de su mes”e arbili – Domínigu passau est torrada in iscena sa rassigna de Guasìlla “Teatro Popolare”. Puru sa segundha editzioni de sa manifestada est dedicada a su Teatru Populari Sardu i est aprontada de s’Assótziu “Figli d’Arte Medas”: sa compagnia teatrali chi traballat de su 1906 e chi oi est dirigia de Gianluca Medas. Po s’eventu, sa família – originària de Guasìlla – at arriciu de s’amministratzioni comunali de sa bidda un’importanti arreconnoscimentu: de domínigu 3 de su mes”e arbili cussu chi oi est s’ex “Teatru Montegranatico” at pigau difatis su nòmini de “Teatru Fratelli Medas”. Sighi a ligi ‘Apuntamentus: cumetzat a segundha editzioni de su Teatru Populari de Guasìlla’