> 2011 mes’e arbili 06 | ilMinuto

Archíviu de sa diri 6/04/2011

700 citadinus de sa Tunisia ant essi inserraus in d-una caserma in Casteddu Giunta regionali: “Determinu de is meris mannus”

(IlMinuto) – Casteddu, 6 de su mes”e arbili – Est giai in grofu de Casteddu sa nai chi trasportad pagu prus de 700 tunisinus arribbaus in is diris passadas in Lampedusa. Is furesteris ant essi inserraus in d-una caserma abbandonada chi s’agatat in s’arburada Elmas, in Casteddu e chi est de propriedadi de s’Aereonautica Militari. Su determinu, pigau ariseru de su Prefetu de Casteddu Giovanni Balsamo, parrit sminiciri is impignus pigaus de su Guvernu cun sa Regioni Sardigna. Sighi a ligi ’700 citadinus de sa Tunisia ant essi inserraus in d-una caserma in Casteddu Giunta regionali: “Determinu de is meris mannus”’

Recúperu de is turris costeras: sa Conservatoria sceberat professioneris

recupero(IlMinuto) – Casteddu, 6 de su mes”e arbili – Sighit su “Progetu de recúperu e costoimentu de is turris costeras de propriedadis de sa Regioni Autónoma de sa Sardigna”. S’agentzia Conservatoria de is Costas de sa Sardigna at difatis pubblicau s’avvisu de gara po s’intregu de is serbítzius de architetura e ingigneria de su progetu. Sighi a ligi ‘Recúperu de is turris costeras: sa Conservatoria sceberat professioneris’

“Agoa no si torrat. Prontus a unu referendum nou”, Cumpostu (Sni) narat de nono a basi de Sa Madalena

Bustianu Cumpostu La Maddalena(IlMinuto) – Casteddu, 6 de su mes”e arbili – Is indipendentistas de Sni funt prontus a arregolli is firmas po unu referendum chi nerat de nono a sa torrada de una basi militari “americana o de sa Nato” in Sa Madelana. Ddu fait sciri cun d-una nota su cordinadori natzionali de su partidu Bustianu Cumpostu. “De scedas giornalisticas credìbilis – scririt Cumpostu – parrit chi Sa Madalena depat torrai asuta de s’àxiu de sa tzerachia militari e si depat biri un’àtera borta segais is cambas po mori de sa militarizatzioni e chi depat biri ancora fatta a arrogus sa vocatzioni turistica e ambientali sua, po arrui in sa tzerachia-cativériu de sa dipendhéntzia de una basi americana o Nato”. Sighi a ligi ‘“Agoa no si torrat. Prontus a unu referendum nou”, Cumpostu (Sni) narat de nono a basi de Sa Madalena’

“Su Comunu de Casteddu pagat sa campagna de Fantola?”. Zedda denunciat una a “coincidentzia strana”

Cagliari elezioni comunali(IlMinuto) – Casteddu, 6 de su mes”e arbili – Sa revista de su Comunu de Casteddu asuba de s’arregorta differentziada de s’àliga, “Separa news”, pinnicada impari cun su fógliu eletorali de su candidau a síndhigu de su centrudestra belusconianu Massimo Fantola (Riformatori). Est cantu ant agatau in sa cascita de sa posta is citadinus casteddaius de su tretu de San Benedetto. A denunciai sa “coincidentzia strana” est su candidau a síndhigu de su centrusinistra, Massimo Zedda, rapresentanti de “Sinistra Ecologia e Libertà”. Sighi a ligi ‘“Su Comunu de Casteddu pagat sa campagna de Fantola?”. Zedda denunciat una a “coincidentzia strana”’

Festival: Caparezza, Casino Royale e Van De Sfroos in sa XIII editzioni de Abbabula

Abbabula festival Sassari(IlMinuto) – Casteddu, 6 de su mes”e arbili – Arribbat a sa XIII editzioni Abbabula. Ocannu su festival de música e fueddus s’at a tenni de s’11 a su 14 de su mes”e maju in su centru istóricu de Tàtari (corratzu de su Palatzu Ducale, Palatzu de Citadi, Teatru Verdi e pratza Tola). S’apuntamentu est aprontau de sa coperativa “Le Ragazze Terribili” cun s’apógiu de su Club Tenco. Sighi a ligi ‘Festival: Caparezza, Casino Royale e Van De Sfroos in sa XIII editzioni de Abbabula’