> 2011 mes’e arbili 07 | ilMinuto

Archíviu de sa diri 7/04/2011

Língua sarda: cras in Casteddu workshop asuba de s’ammaistramentu de is maistus

(IlMinuto) – Casteddu, 7 de su mes”e arbili – Favorèssiri e avalorai s’impitu de su sardu atressu de s’ammaistramentu de is maistus de sa língua de s’Ísula. Est cantu proponit Fils: unu progetu nou de s’assessorau regionali de sa Púbblica Istrutzioni, de sa Facoltadi de Líteras e Filodofia de s’Universidadi de Casteddu e de sa Diretzioni scolàstica regionali. Sighi a ligi ‘Língua sarda: cras in Casteddu workshop asuba de s’ammaistramentu de is maistus’

“Fustei torrit a fai su commercialista”, Malu Entu pedit is dimissionis de Cappellacci po “aggràbius a s’istória de sa Sardigna”

Malu Entu(IlMinuto) – Casteddu, 7 de su mes”e arbili – “Dimandha de dimissionis po aggràbius a is Sardus e a s’istória de sa Sardigna”. Est custu s’ogetu de sa lítera oberta, chi Paris-Malu Entu at mandau a su presidenti de sa Regioni Sardigna Ugo Cappellacci. Su partidu de Doddore Meloni acusat a su presidenti de sa Regioni de ai scancellau “s’única parti de s’istória sarda chi si fait fierus” de sa comunicatzioni istitutzionali a pagamentu “Sardus e fradis de Itàlia”, pubblicada in is diris passadas in is giornalis prus importantis de s’Ísula!”. “Ita fini at ai fattu – si ligit in sa lítera – Mariano IV po Cappellacci? E Ugone III aundi dd’at ai postu? Bai e circa in cali era at ai postu Eleonora d’Arborea!”. Sighi a ligi ‘“Fustei torrit a fai su commercialista”, Malu Entu pedit is dimissionis de Cappellacci po “aggràbius a s’istória de sa Sardigna”’

“Is istruturas mannas meda diventant ‘lager’”, Meloni (Css) pedit de acasigiai a is tunisinus in is comunidadis

(IlMinuto) – Casteddu, 7 de su mes”e arbili – De ariseru a merì 700 citadinus tunisinus funt inserraus un d-unu depósitu abbandonau de s’Aereonautica militari, in abetu de arriciri su permissu de tratenimentu. S’istrutura – ingiriada de filuferru spinosu – s’agatat in s’arburasa Elmas, in su coru de Casteddu. De sa “Confederazione sindacale sarda” arribbat unu nono sicu “a is struturas manna meda aundi ammuntonai centenas de furesteris e de disterraus. Centrus chi finint po essi berus e próprius  ‘lager’, difícilis de gestiri, chi funt carus meda, pagu segurus e perigulosus”. S’Anci Sardigna invecis pedit de aghilliri a is furesteris tunisinus in totu su territóriu sardu. Sighi a ligi ‘“Is istruturas mannas meda diventant ‘lager’”, Meloni (Css) pedit de acasigiai a is tunisinus in is comunidadis’

Stochigiada manna po su turismu e po is disterraus. Sa Sardigna s’arrebbellat a sa carestia de is traghetus

(Chistionis e Opinionis) – Casteddu, 7 de su mes”e arbili - De su 5 a su 13 de su mes”e austu una família de cuartru personis cun sa màchina no at a spendi prus pagu de 838 eurus po unu viàgiu in traghetu andada e torrada Genova-Terranòa. Ddu fait sciri un’inchiesta noa de su periodicu Altroconsumo. In s’istadi chi benit arribbai in nai in Sardigna at essi prus pagu cumbenienti, cun tarifas crescias de su 66% e pagu prus e incarimentus chi superant puru su 100%. Is cusseguéntzias funt craras: is dannus po sa stagioni turistica ant essi mannus meda e po is citadinus sardus disterraus at essi meda prus caru arribbai in Sardigna. “Is tres principalis compagnias – denunciat Enzu Cugusi, rapresentanti de Disterraus sardus Torinu – ant fattu aumetai is tarifas talmenti meda chi po unu númeru mannu de famílias, at essi impossíbbili cabai in Sardigna assumancu una borta a s’annu”. Sighi a ligi ‘Stochigiada manna po su turismu e po is disterraus. Sa Sardigna s’arrebbellat a sa carestia de is traghetus’

Apuntamentus: in Tonara su Lúnis de Pasca tenit su sabori de su turroni

sagra del torrone(IlMinuto) – Casteddu, 7 de su mes”e arbili – Mebi, méndua e nuxis. Unu sabori druci e tzacarosu cussu de su turroni de Tonara, rei mannu de su Lúnis de Pasca de sa bidda in provìntzia de Nùgoro. Lúnis 25 de su mes”e arbili at torrai sa “Sagra del Torrone di Tonara”, ocannu a sa trintaduesima editzioni. No scéti turroni perou. Sa festa at essi puru s’ocasioni po connosci is àteras maravíllias de sa bidda: is mòbilis e is bancalis traballaus, is teruddas e is taggeris, is cubedinas, is fanugas e is fressadas e is sonaggias. Sighi a ligi ‘Apuntamentus: in Tonara su Lúnis de Pasca tenit su sabori de su turroni’