> 2011 mes’e arbili 08 | ilMinuto

Archíviu de sa diri 8/04/2011

Cgil, Cisl e Uil contr’a Cappellacci: “Ausenti a s’atóbiu asuba de su traballu i ecunumia”

Cappellacci(IlMinuto) – Casteddu, 8 de su mes”e arbili – “Unu fatu grai meda”. Aici is segreterias de Cgil, Cisl e Uil giudicant a s’auséntzia de su presidenti de sa Regioni Sardigna, Ugo Cappellacci, a s’atóbiu – fissau po ariseru a is 15.30 – po chistionai cun is sindacaus confederalis de is políticas de su traballu. Sighi a ligi ‘Cgil, Cisl e Uil contr’a Cappellacci: “Ausenti a s’atóbiu asuba de su traballu i ecunumia”’

Furesteris: in Casteddu is 700 citadinus tunisinus abetant su permissu de tratenimentu. Osservatóriu scontróriu. “Torraideddis sa libertadi debressi

(IlMinuto) – Casteddu, 8 de su mes”e arbili – Su Guvernu at firmau su decretu chi at a permiti a is furesteris tunisinus de arriciri su permissu de tratenimentu temporaneu. In su mentris chi abetant su documentu is 700 citadinus tunisinus sighit a essi inserraus in s’ex depósitu de s’Aereonautica in s’arburada Elmas, in Casteddu. Ariseru unu númeru mannu de tunisinus ant tentu sa solidariedadi de genti meda ‘e su logu, difatis ddis ant portau cos”e papai e ddis ant arregalau puru unus cantu càrrigas po is telefonus cellularis. Una corantina de citadinus de sa Tunisia ant brincau is cungiaduras de s’istrutura militari po passillai pagu pagu in su bixinau de Santu Tènneru po torrai a pustis in s’ex depósitu. Asuba de sa chistioni fueddat puru, cun d-una nota de imprenta, s’Osservatóriu po s’amparu de is libertadis e contr’a is scontrórius. Sighi a ligi ‘Furesteris: in Casteddu is 700 citadinus tunisinus abetant su permissu de tratenimentu. Osservatóriu scontróriu. “Torraideddis sa libertadi debressi’

“Àcua diritu umanu universali”, martis in Casteddu assembrea primu de is referendum de su 12 e de su 13 de su mes”e làmpadas

assemblea pubblica martedì Cagliari(IlMinuto) – Casteddu, 8 de su mes”e arbili – “Acrarai su referendum de su 12 e de su 13 de su mes”e làmpadas asuba de s’Àcua Beni Comunu e presentai su cumitau aprontadori”. Funt custus is obbietivus de s’assembrea prúbbica chi s’at a tenni martis chi benit in Casteddu (17.00, àula 4b de su Dipartimentu de Psicologia). “S’àcua – acrarant is aprontadoris – est unu beni de totus i est unu diritu umanu universali. Unu beni essentziali de sa genti. Nisciunu dda podit fai sua po ndi fai profetus. “Su Guvernu chi teneus at invecis decídiu de dda donai a is privaus e a is multinatzionalis. Nos impari ddu podeus impediri, ddu podeus fai acotzendi a sa campagna po su referendum e andendu a votai EJA candu, su 12 e su 13 de su mes”e làmpadas chi benit, eus essi lamaus a decídiri”. Sighi a ligi ‘“Àcua diritu umanu universali”, martis in Casteddu assembrea primu de is referendum de su 12 e de su 13 de su mes”e làmpadas’

“Su Karate est unu sport po totus is edadis”. Unu cuartesu de 67 annus fait sua sa cintura niedda

(IlMinuto) – Casteddu, 8 de su mes”e arbili – Su Karate no est scéti unu sport, ma est puru unu manera po perfetzionai,  a dogn’edadi, su caràtiri e po afortiai s’ispíritu. Un’esémpiu craru de cantu nau est Alberto Fanni, 67 annus, chi at fattu sua sa cintura niedda agoa de set’annus de pràtiga senz”e pàsiu, una pràtiga cumentzada a 60 annus fattus. Fanni at otentu su primu dan in sa sessioni de is esàminus de su tre de su mes”e arbili passau, tenta in sa sedi de su Karate club Kanazawa de Cuartu Sant’Aleni. “Fanni – si ligit in d-una nota at fattu un’esàminu meda bonu, custu a dimustrai ca su Karate traditzionali shotokan si podit fai a totu is edadis”. Sighi a ligi ‘“Su Karate est unu sport po totus is edadis”. Unu cuartesu de 67 annus fait sua sa cintura niedda’

Apuntamentus: CaFlà, de su 22 de su mes”e arbili in Casteddu atóbiu tra culturas in su festival de música de dantzas popularis

Cagliari festival(IlMinuto) – Casteddu, 8 de su mes”e arbili – Ant essi sa Sardigna, s’Irlanda e sa Spagna is protagonistas de CaFlà: su festival de música e dantzas popularis in programma in Casteddu – in su centru istóricu de sa Marina – de su 22 a su 25 de su mes”e arbili. Sa manifestada oferrit unu programma cumpriu, cun Workshop, sessions, concertus e puru cun cursus de dantza e de istrumentus musicalis cun is maistus prus bravus de su mercau. Sighi a ligi ‘Apuntamentus: CaFlà, de su 22 de su mes”e arbili in Casteddu atóbiu tra culturas in su festival de música de dantzas popularis’