> 2011 mes’e arbili 12 | ilMinuto

Archíviu de sa diri 12/04/2011

Sardigna: terra de acasàgiu?

(Chistionis e Opinionis) – Casteddu, 12 de su mes”e arbili – De mércuris passau 700 citadinus tunisinus funt acasigiaus in d-un’ex depósitu de s’Aereonautica militari in s’arburada Su Masu, in Casteddu. Personis chi si fuint de su fàmini, in circa de una vida noa, su prus de is bias cun s’obbietivu de sodigai a is parentis giai emigraus in logus comenti sa Francia. Sighi a ligi ‘Sardigna: terra de acasàgiu?’

Incidenti in sa Saras: Pulvirenti est mortu. Sinistra critica sarda: “Nisciuna preneta, ma omicidiu”

(IlMinuto) – Casteddu, 12 de su mes”e arbili – Pierpaolo Pulvirenti est mortu. S’ómini, 23 annus, si nd’est andau a is cincu ‘e chitzi in s’ispidali Santissima Trinità de Casteddu. Ariseru a merì a is 19.00 furiat stetiu carraxau impari cun su cullega Gabriele Serrano, de 23 annus, de unu gétidu de H2S – candu furiat traballendi a sa manutentzioni de s’impiantu Dea a sa Saras de Sarròccu. Impiantu chi – a cantu narat is sindacaus – is traballadoris iant essi depiu agatai interamenti bonificau: senz”e nisciuna arremusulla de gas. In s’ispidali ddoi est puru unu terzu operàju, chi s’est truncau una camba circhendi de agiudai a is duus cullegas de s’aziendha siciliana Star Service. Asuba de s’acontéssia fueddat cun d-una nota Sinistra Critica Sarda. Sighi a ligi ‘Incidenti in sa Saras: Pulvirenti est mortu. Sinistra critica sarda: “Nisciuna preneta, ma omicidiu”’

“D’altri tempi”, Tassinari presentat s’úrtimu traballu suu in sa Domu de su Pópulu de Bosa

Bosa casa del Popolo(IlMinuto) – Casteddu, 12 de su mes”e arbili – De su “Bloody Sunday” irlandesu a is desaparecidos argentinus de Roberto Franceschi e Francesco Lorusso – scientis bocius de is fortzas de politzia – in su Festival de su Parcu Lambro. In is dexi contus chi funt aintru de su líbburu “D’altri tempi” (Editzioni Allegre, 2001) Stefano Tassinari s’at trubai aintru de su clima políticu e culturali de is annus Setanta. Sighi a ligi ‘“D’altri tempi”, Tassinari presentat s’úrtimu traballu suu in sa Domu de su Pópulu de Bosa’

Sa Sardigna cabat in pratza contr’a Equitalia. Puru su Mps in pratza cun Irs

Sassari Cagliari(IlMinuto) – Casteddu, 12 de su mes”e arbili – “Frimmaus a Equiltalia e pigausindi torra su tempus benidori nostru”. Est custu su slogan de sa manifestada aprontada de Irs po su 14 de su mes”e arbili. Gióbia a mangianu unu giuali de màchinas at a atravessai sa Sardigna tuchendi de Tàtari po arribbai a is 11.30 in Casteddu e agoa protestai cun d-unu sit in pratza “Donatori del Sangue”, a fac”e sa sedi de Equiltalia. Su movimentu indipendentista acusat a s’enti de truncai sa schina a milli e prus de milli impresas sardas “po mori de unu sistema de coberantza foras de contu”, chi su prus de is bias arribbat a s’imprendamentu de is màchinas, a sa scicuta de is créditus (unu cuintu de su stipendiu o de sa pensioni o de is contus bancàrius) e de is immòbilis. Sighi a ligi ‘Sa Sardigna cabat in pratza contr’a Equitalia. Puru su Mps in pratza cun Irs’

Mostras: in Berlinu is caboris de sa “Costera ‘e sa luna” in is fotografias de Lara Melin

(IlMinuto) – Casteddu, 12 de su mes”e arbili – Ant essi is caboris miríficus de sa terra de Sardigna a fai allirga sa mostra fotografica “MONDKÜSTE”, aghillia de su Cafeu de is Artistas in sa citadi de Berlinu. S’ammanitzamentu ponit impari s’arti de Lara Melin, fotografa tedesca. e is paisaggius de s’ísula sarda, cun atentzioni manna a sa “Costera ‘e sa luna”, chi furriat su títulu de s’eventu culturali. Sighi a ligi ‘Mostras: in Berlinu is caboris de sa “Costera ‘e sa luna” in is fotografias de Lara Melin’