> 2011 mes’e arbili 13 | ilMinuto

Archíviu de sa diri 13/04/2011

“Tunisinu a domu sua”: asuba de sa pàgini Facebook pubblicada de su Círculu Caravella unu cummentu cumbidat a “aprontai scuadras mannas de sa morti”

gruppo facebook(IlMinuto) – Casteddu, 13 de su mes”e arbili – “Pira cotta pira crua. Tunisimo a domu sua”. Custu su títulu de sa pàgini pubblicada in Facebook de su Círculu Giovanili Caravella Casteddu. “Sa Francia – scrirint is giòvanus de Caravella – ddus respingit, Malta ddus fait annegai, sa Ue narat ‘seus cun bosàterus e si ndi sbatit’ [...] s’Itàlia ddus aghillit. 0% razistas, 100% identitàrius”. Sighi a ligi ‘“Tunisinu a domu sua”: asuba de sa pàgini Facebook pubblicada de su Círculu Caravella unu cummentu cumbidat a “aprontai scuadras mannas de sa morti”’

Radar in Capo Sperone: sàbudu manifestada de protesta in Santu Antiogu

Capo Sperone(IlMinuto) – Casteddu, 13 de su mes”e arbili – Santu Antiogu narat de nono a su Semàforu. Sàbudu a mangianu sa bidda in provìntzia de Carbònia-Igrèsias at essi atreversada de unu corteu chi at a tucai a is 10.30 de bia Nazionale (bixinau ex Sardamag) po acabbai cun d-unua parlata in pratza Italia. “Su radar – si ligit in d-una nota – bogat unu fasci poderosu de undas eletromagneticas, pirigulosas meda po sa saludi. Pirigulosas po s’ambienti e po su turismu, poita cun d-unu radar de custas mannarias no podeus prus fueddai de turismu in Santu Antiogu”. Sighi a ligi ‘Radar in Capo Sperone: sàbudu manifestada de protesta in Santu Antiogu’

Eletzionis comunalis in Sìnnia: “Nisciunu acotzu indipendentista a Paolo Zedda”. Sni, Irs, Malu Entu e aMpI smincint a S’Unioni Sarda

(IlMinuto) – Casteddu, 13 de su mes”e arbili – Irs, Sni, aMpI e Malu Entu no ant a acotzai sa candidadura de Paolo Zedda de is Rossomori a síndhigu de Sìnnia. Cun d-una fiberas de notas de imprenta is scuadras políticas smincint a un’artículu bessiu ariseru in S’Unioni Sarda. A cantu narat su scritu – firmau Andrea Manunza – is cuatru scuadras iant a acotzai a sa candidadura a síndhigu de Zedda in d-un’alleàntzia cun partidus comenti “Sinistra Ecologia e Libertà” e “Italia dei Valori”. “Sminceus cun fortza custa afirmadura – precisat Cumpostu po Sni – poita su movimentu nostru, sendu indipendentista, no iat a podi mai acotzai a alleàntzias italianistas, de sa dereta o de sa manca”. Precisatzionis anàlugas funt arribbadas de aMpI, Irs e Malu Entu. Sighi a ligi ‘Eletzionis comunalis in Sìnnia: “Nisciunu acotzu indipendentista a Paolo Zedda”. Sni, Irs, Malu Entu e aMpI smincint a S’Unioni Sarda’

Vinitaly: prémiu “Can Grande” a is Cantinas Meloni de Ceraxus

(IlMinuto) – Casteddu, 13 de su mes”e arbili – S’arreconnoscimentu de sa “professionalidadi espressada in is annus de s’enologia sarda”. Custu su sinnificau de su prémiu “Can Grande” donau cida passada de s’assessori regionali de sa Massaria, Mariano Contu, a Giampiero Meloni – meri de sa Cantina Binus Meloni de Ceraxus – a s’inauguratzioni de Vinitaly, in Venezia. Sighi a ligi ‘Vinitaly: prémiu “Can Grande” a is Cantinas Meloni de Ceraxus’

Apuntamentus: in Sìligo un’Iscola de Archeologia de s’Evu de mesu

Siligo(IlMinuto) – Casteddu, 13 de su mes”e arbili – Ant essi mesis de connoscéntzia is mesis de argiolas e de austu de su 2011, poita sa Càtreda de Archeologia de s’Evu de Mesu de s’Universidadi de Tàtari, cun s’agiudu càmbiu de su Comunu de Sìligo e de sa Soprintendenza po is Benis Archeológicus po is Provìntzias de Tàtari e Nùgoro, tenit in programma s’organizatzioni de un’Iscola Estiva de Archeologia de s’Evu de Mesu (SEAM). Su Meilogu at a biri batti su coru suu cun diversas fainas de iscavus archeológicus, fainas chi s’ant a tenni in su satu de Bidda Noa, in Sìligo. Sighi a ligi ‘Apuntamentus: in Sìligo un’Iscola de Archeologia de s’Evu de mesu’