> 2011 mes’e arbili 15 | ilMinuto

Archíviu de sa diri 15/04/2011

Cumentzant is 10 camminus chi torrant a pigai a is traballadoris in su cumpartu de s’imparu professionali. Assessori Cordeddu: “Importanti avalorai is capacidadis de is traballadoris”

assessore Cordeddu(IlMinuto) – Casteddu, 15 de su mes”e arbili – Sa Provìntzia de Casteddu at fattu cumentzai is camminus chi torrant a pigai a is 10 traballadoris de is Entis de imparu professionali chi s’agatànt in cassa integratzioni, firmendi un’acórdiu po totu su 2011 po sa pròroga de is ammortitzadoris socialis “in deroga”. Sighi a ligi ‘Cumentzant is 10 camminus chi torrant a pigai a is traballadoris in su cumpartu de s’imparu professionali. Assessori Cordeddu: “Importanti avalorai is capacidadis de is traballadoris”’

Contienda Eurallumina: a sa Rusal 18 mesis po fai torrai a partiri is impiantus

(IlMinuto) – Casteddu, 15 de su mes”e arbili – Sa Rusal tenit 18 mesis po torrai a fai partiri is impiantus Eurallumina in Sardigna. Est cantu si ligit in su documentu de su Ministeru de s’Isvilupu económicu fattu connosci ariseru a sa fini de una reunioni cun sa participatzioni de su Ministru Paolo Romani, de su presidenti de sa Regioni, Ugo Cappellacci, de s’assessori de s’Industria, Oscar Cherchi, de is rapresentantis de is Entis de su logu e de is organizatzionis sindacalis. Po spingi a sa multinatzionali russa a torrai a pigai sa produtzioni in Sardigna iat a depi bastai s’impignu de su Guvernu a assegurai sa furnidura de s’ollu combustìbili necessàriu a fai torrai a incamminai a s’impiantu – primu de passai a su nodriamentu a craboni – a unu prétziu “cumpatìbili cun cussu inditau de s’aziendha”. Sighi a ligi ‘Contienda Eurallumina: a sa Rusal 18 mesis po fai torrai a partiri is impiantus’

“Votai ‘EJA’ po si ndi pigai unu biculu de libertadi”, in Orthullè e Igrèsias is assembreas chi benit contr’a su nucleari aprontadas de aMpI

Urzulei e Ieglesias assemblee(IlMinuto) – Casteddu, 15 de su mes”e arbili – Casteddu, 15 de su mes”e arbili – Sighit sa campagna de a Manca pro s’Indipendentzia abetendi a su referendum de su 15 e de su 16 de su mes”e maju, candu is sardus ant essi lamaus a arrespundi a sa dimandha “Ses contràriu a s’installatzioni in Sardigna de centralis nuclearis e de situs po su depósitu de ferrinas radioativas avantzadas o preesistentis?”. Duus is assembreas “no nuke” chi ant benni fattas de rapresentantis de sa manca indipendentista e chi funt in programma in is diris chi benit: cras in Orthullè (17.30, sedi de su Púbblicu assistu in bia Vittorio Emanuele) e cenàbara 22 de su mes”e arbili in Igrèsias (18.30, New Bistrot in bia De Amicis). In s’atopu de  Igrèsias at a participai puru unu studiosu de s’Universidadi de Casteddu espertu de energia nucleari. Sighi a ligi ‘“Votai ‘EJA’ po si ndi pigai unu biculu de libertadi”, in Orthullè e Igrèsias is assembreas chi benit contr’a su nucleari aprontadas de aMpI’

Universidadi: sardu, giaponesu e catalanu in su XIV atopu de istudius de s’Arxiu de Tradicions

(IlMinuto) – Casteddu, 15 de su mes”e arbili – At cumentzai oi a is 17.00, in s’àula Vittoria Sanna de su Dipartimentu de Linguistica e Stilistica de is Istudius de s’Universidadi de Casteddu, su XIV in s’atopu de istudius de s’Arxiu de Tradicions. S’apuntamentu, chi at a sighiri puru in su mangianu de cras, tenit comenti títulu “Lo standard linguistico. Esperienze e processi”. Tra is reladoris ddoi est puru Katsuyuki Takenaka, de s’Universidadi de Aichi in Giaponi chi at a fai una relata in catalanu fueddenti de sa língua giaponena. De língua catalana at a fueddai Joan Argenter de s’Institut d’Estudis Catalans, mentris Frantziscu Casula, de su Comitadu pro sa limba sarda, at a afrontai sa chistioni de s’imparamentu de su sardu in is iscolas. No ant a mancai is relatas chi tratant de su catalanu de S’Alighera, relatat chi ant benni tentas de Joan Armangué i Herrero, de s’Universidadi de is Istudius de Casteddu, e de Joan-Elies Adell, de s’Espai Lull – Rapresentaciò de la Generalitat de Catalunya a l’Alguer. Sighi a ligi ‘Universidadi: sardu, giaponesu e catalanu in su XIV atopu de istudius de s’Arxiu de Tradicions’

Prémius literàrius: arribbat a s’otava editzioni su cuncursu “Anselmo Spiga”

(IlMinuto) – Casteddu, 15 de su mes”e arbili – Unu cuncursu a gratis e obertu a totus, cussu dedicau a Anselmo Spiga, scritori, atori, cultori de sa língua sarda e pueta de Santu Sperau . Aprontau de s’Assótziu de Solidariedadi “Libera la Farfalla” onlus, su prémiu at a pigai in cunsidériu scéti is òperas scritas in d-una calisisiat varianti de sardu, in is àteras variedadis de língua chi ddoi funt in Sardigna e in italianu. Su prémiu est fattu in duas setzionis: una po sa língua sarda e s’àtera po cussa italiana. Tot’e is duus is setzionis previdint is categorias poesia, prosa e teatru. Sighi a ligi ‘Prémius literàrius: arribbat a s’otava editzioni su cuncursu “Anselmo Spiga”’