> 2011 mes’e arbili 21 | ilMinuto

Archíviu de sa diri 21/04/2011

Matas o asfartu e ciumentu? Su tempus benidori de su pinedu Santa Luxia

Siniscola(Chistionis e Opinionis) – Casteddu, 21 de su mes”e arbili – Is 7milla firmas arregortas contr’a su Puc de Thiniscòle no funt bastadas. Tra pagu tempus una parti manna de su pinedu de Santa Luxia arriscat de essi sderrexinada po fai logu a istruturas turisticas, serbítzius e parchegius po unu tretu de 20milla metrus cuadrus e prus. In pagus fueddus, meda de is matas – prantadas a cumentzai de su 1934 in d-un’area de 6milla ètarus de terra po difèndiri a su territóriu de su perígulu de is smuronamentus – iant a podi lassai logu a s’asfaltu e a su ciumentu. Puru si ddoi funt una petitzioni populari promòvia de su Cumitau “Salviamo Santa Lucia” in su 2009 e diversus recursus, a sa fin’e su mes’e martzu de ocannu su Consillu comunali de Thiniscòle at aprovau una borta po sèmpiri su Pranu urbanìsticu comunali. Po fai diventai su Puc esecutivu serbit scéti s’ok de sa Regioni Sardigna. Sighi a ligi ‘Matas o asfartu e ciumentu? Su tempus benidori de su pinedu Santa Luxia’

Referendum nucleari: sa Sardigna a su votu su 15 e su 16 de su mes’e maju: Corimbi “No si fadeus frigai: andaus totus a votai EJA”

15 3 16 maggio(IlMinuto) – Casteddu, 21 de su mes’e arbili – Nisciunu passu agoa asuba de su nucleari, ma scéti unu rinviu temporàneu po mori de s’efetu emotivu chi at creau sa destrossa de Fukushima: cun sa relata sua in Parlamentu su Ministru de s’Isvilupu económicu, Paolo Romani, at acrarau cali funt is intentzionis de su Guvernu. Ariseru su Senau at aprovau su decretu chi scancellat a is normas chi torrant a ponni a su nucleari. Immoi po fai annullai diaderus a is referendum de su 12 e de su 13 de su mes’e làmpadas tocat chi su decretu siat aprovau puru de sa Camera. Invecis su referendum sardu in programma po su 15 e su 16 de su mes’e maju abarrat in pei e sighit a tenni totu s’importu suu. Tra pagus cidas is sardus ant a arrespundi a sa dimandha: “Ses contràriu a s’installatzioni in Sardigna de centralis nuclearis e de situs po su depósitu de ferrinas radioativas avantzadas o preesistentis?”. Lisa Corimbi, candidada a Síndhigu in sa citadi de Terranòa po s’alleàntzia indipendentista, cumbidat a is sardus a andai a votai. Sighi a ligi ‘Referendum nucleari: sa Sardigna a su votu su 15 e su 16 de su mes’e maju: Corimbi “No si fadeus frigai: andaus totus a votai EJA”’

Apretu traballu. Cgil, Cisl e Uil: “Sa Giunta regionali at traixu a s’acórdiu de su 4 de su mes’e làmpadas”

(IlMinuto) – Casteddu, 21 de su mes’e arbili – “Un’atóbiu tirau meda, cun diversas chistionis in sa mesa e pagus solutzionis”. Est custu su cummentu de is segretàrius generalis de Cgil, Cisl e Uil a sa bessida, ariseru de su cunfruntu cun su presidenti de sa Regioni. S’atóbiu s’est tentu a sa fin’e su corteu – cun sa participatzioni de pagu prus de 3milla personis – de su palatzu de su Consillu regionali in bia Roma fintzas a s’arburada Trento: una protesta contr’a sa preitza de sa Giunta regionali a fac’e s’apretu industriali. Sighi a ligi ‘Apretu traballu. Cgil, Cisl e Uil: “Sa Giunta regionali at traixu a s’acórdiu de su 4 de su mes’e làmpadas”’

Ambienti: Adiquas narat de nono a s’ammanniamentu de su muntronaxu Carbonsulcis de Nuraxi Figus

Carbonia(IlMinuto) – Casteddu, 21 de su mes’e arbili – Custu mangianu in sa saba consiliari de su Comunu de Crabònia a cumentzai de is 11.00 est in programma un’atóbiu po ammostai su pranu de ammanniamento de su muntronaxu de sa Carbonsulcis in Nuraxi Figus. S’assótziu Adiquas no narat scéti de nono a s’ammanniamentu propostu de sa Carbonsulcis Spa, ma pedit puru sa serradura de su muntronaxu. Po sa diri de oi s’assótziu e su presidenti suu Giancarlo Bellisai ant aprontau unu sit in de protesta in pratza Roma, cumbidendi a is citadinus a fueddai in Consillu comunali. Sighi a ligi ‘Ambienti: Adiquas narat de nono a s’ammanniamentu de su muntronaxu Carbonsulcis de Nuraxi Figus’

Concertus: sa Pfm arribbat in Casteddu po portai “Su contu bonu” de su rock’n'roll

Cagliari(IlMinuto) – Casteddu, 21 de su mes’e arbili – Aprodat in Casteddu sa “Premiata Forneria Marconi, band guidada de su núcleu istóricu – Franz Di Cioccio (batteria e boxi), Franco Mussida (ghitarra, boxi) e Patrick Djivas (ghitarra basciu) – e arribbat po si portai “Su contu bonu”. Una frimmada teatrali cussa chi, a cumentzai de is 21.00 de cenàbara 29 de su mes”e arbili, at a biri sa Pfm in su Teatru Líricu, in d-unu concertu aprontau de s’Assótziu Shannara. At essi “La buona novella”, s’album bessiu in su 2010, a arregalai a su púbblicu is emutzionis de sa primu parti de su cuncertu, a pustis interrumpia de su viàgiu nostàlgicu de àterus tempus, torrau a fai atressu de is sucessus prus mannus de sa band. Sighi a ligi ‘Concertus: sa Pfm arribbat in Casteddu po portai “Su contu bonu” de su rock’n’roll’