> 2011 mes’e arbili 22 | ilMinuto

Archíviu de sa diri 22/04/2011

Sport: in Terni is promissas de su Ping Pong sardu: Alessia Turrini puntat a s’oru

(IlMinuto) – Casteddu, 22 de su mes’e arbili – De martis 26 de su mes’e arbili is giòvanus de su Ping Pong sardu s’ant a agatai in Terni po sa gara chi assignat 35 títulus italianus. Sa Sardigna si presentat a sa ses diris de garas cun d-una trintina de atletas allenaus beni po s’apuntamentu. Sighi a ligi ‘Sport: in Terni is promissas de su Ping Pong sardu: Alessia Turrini puntat a s’oru’

Decadessimentu foras de cursu. Is dimandhas de s’Uxs a su Senau Académicu

Uxs Università degli Studi di Cagliari(IlMinuto) – Casteddu, 22 de su mes’e arbili – Is normas noas asuba de su decadessimentu de is istudiantis foras de cursu funt arrutas tontinduna asuba de sa vida de unu númeru mannu de istudiantis, cambiendi su cuntratu chi issus iant firmau cun s’Universidadi candu si funt iscritus,  in basi a custu iat aprontau puru totu sa vida insoru, cussa personali e cussa comenti istudiantis e traballadoris”. S’oberrit cun custa dinúntzia su documentu scritu de Uxs e de su Cumitau “Studenti per la laurea” chi at essi presentau – impari cun d-un’arregorta de firmas – in sa reunioni de su Senau Académicu de s’Universidadi de Casteddu de su mes’e maju. Sighi a ligi ‘Decadessimentu foras de cursu. Is dimandhas de s’Uxs a su Senau Académicu’

Nucleari. Cumpostu (Sinonucle): “Su referendum de su 15 e de su 16 de su mes’e maju est sèmpiri bàlidu

Cumpostu(IlMinuto) – Casteddu, 22 de su mes’e arbili – “Sinonucle” no si firmat. Cun totu chi su Guvernu siat torrau agoa (ma su Ministru Romani at acrarau ca est “scéti una pròroga” ndr), su Cumitau cordinau de Bustianu Cumpostu sighit a andai ainnatis – cun d-unu rítimu de duus apuntamentus a sa diri – in sa campagna contr’a su nucleari abetenti su referendum sardu de su 15 e de su 16 de su mes’e maju. “Su referendum sardu – precisat Cumpostu – est sèmpiri bàlidu e no est tocau de sa pròroga de su Guvernu poita est unu referendum consultivu avisau segundu una lei regionali, sa n. 20 de su 57,  e no est est fattu scéti po is eventualis centralis noas, ma puru po is aremus radiuativus presistentis”. Sighi a ligi ‘Nucleari. Cumpostu (Sinonucle): “Su referendum de su 15 e de su 16 de su mes’e maju est sèmpiri bàlidu’

“Pigai a chini at passau su cuncursu”, in Casteddu unu pichetu de is traballadoris de sa sanidadi

Cagliari presidio(IlMinuto) – Casteddu, 22 de su mes’e arbili – Sighit sa lota de is traballadoris de sa sanidadi contr’a s’impitu meda mannu de traballadoris de is agentzias interinalis. Custu mangianu is operadoris ant fai unu sit in a fac’e sa sedi de su Consillu regionali, in Casteddu, po dimadhai ancora una borta de pigai cun d-unu cuntratu seriu a “is figuras professionalis chi ant superau unu cuncursu a norma”. Sighi a ligi ‘“Pigai a chini at passau su cuncursu”, in Casteddu unu pichetu de is traballadoris de sa sanidadi’

Ispetàculus: in s’Universidadi de Tàtari torrat su cínema tedescu

Sassari(IlMinuto) – Casteddu, 22 de su mes’e arbili – Est cumentzau, gióbia 7 de su me’e arbili, in s’Universidadi de is Istudius de Tàtari, sa Rassigna de cínema in língua tedesca “Deutsche Filmabende”. S’Àula Cervantes de sa Facoltadi de Línguas e Literaduras strangeras s’animat aici de is sonus e de s’interpretamentu de s’Europa centru-occidentali. Is s’apuntamentus chi benint ant a biri sa proietzioni de “Sonnenallee”, su 5 de su mes’e maju, “Goodbye Lenin”, su 12 de su mes’e maju e de “Das Leben der Anderen” su 19 de su mes’e maju. Sighi a ligi ‘Ispetàculus: in s’Universidadi de Tàtari torrat su cínema tedescu’