> Cumentzant is 10 camminus chi torrant a pigai a is traballadoris in su cumpartu de s’imparu professionali. Assessori Cordeddu: “Importanti avalorai is capacidadis de is traballadoris” | ilMinuto

Cumentzant is 10 camminus chi torrant a pigai a is traballadoris in su cumpartu de s’imparu professionali. Assessori Cordeddu: “Importanti avalorai is capacidadis de is traballadoris”

assessore Cordeddu(IlMinuto) – Casteddu, 15 de su mes”e arbili – Sa Provìntzia de Casteddu at fattu cumentzai is camminus chi torrant a pigai a is 10 traballadoris de is Entis de imparu professionali chi s’agatànt in cassa integratzioni, firmendi un’acórdiu po totu su 2011 po sa pròroga de is ammortitzadoris socialis “in deroga”. “Custu est su provedimentu po is traballadoris fattu pighendi puru in cunsidériu a is capacidadis professionalis insoru. Est importanti – cummentat s’assessori provintziali de su Traballu , Lorena Cordeddu – chi custus traballadoris tengant artu s’arrespetu po cussus etotu e chi s’intendant aghillius. Sa Firma de sa pròroga de is ammortitzadoris socialis in deroga po totu su 2011, at permiti puru a is àterus traballadoris in cassa integratzioni, de podi respirai pagu pagu de prus”.

© RIPRODUZIONE RISERVATA

0 Arrespustas a “Cumentzant is 10 camminus chi torrant a pigai a is traballadoris in su cumpartu de s’imparu professionali. Assessori Cordeddu: “Importanti avalorai is capacidadis de is traballadoris””


Is cummentus funt serraus.