> “Cun nos in Tramatza po cambiai a su territóriu” in sa bidda in provìntzia de Aristanis s’apuntamentu cun s’innovatzioni de “Sardegna 2.0″ | ilMinuto

“Cun nos in Tramatza po cambiai a su territóriu” in sa bidda in provìntzia de Aristanis s’apuntamentu cun s’innovatzioni de “Sardegna 2.0″

(IlMinuto) – Casteddu, 19 de su mes’e arbili -  At a cumentzai de Tramatza e at a circai de trisinai a is professionalidadis prus bellas de su territóriu po torrai a promovi sa Sardigna. Est custu su progetu de “Sardegna 2.0″, chi at aprontau s’eventu “Con noi a Tramatza per cambiare il territorio”. Una bidea chi nascit de sa retza gràtzias a unu grupu professionali creau in Linkedin chi immoi s’oberrit a totus cussus chi nd’ant a bolli fai parti. Un’apuntamentu fundau in su mundu de s’innovatzioni, aundi professoneris chi benint de diversus campus s’ant a atobiai po donai vida a un’apuntamentu informali, nàsciu de terra e líberu, chi tenit comenti iscopu cussu de torrai a fai nasci a su territóriu. Un’atóbiu chi at a tenni su stillu de su Barcamp, cussu de mércuris 20 de su mes’e arbili chi s’at a fai in Tramatza, in is aposentus de su Centru Sociali Comunali – Aziendha Agricula Família Orro. Un’eventu aundi at a dominai su fueddu lebertadi, poita no ddoi ant essi “cadenas” de nisciunu tipu – si ligit in d-una nota – “nisciunu reladori uficiali, no at a dominai nisciunu sponsor, ma ddoi at essi scéti una passioni manna, sa cundivisioni de su know-how e sa gana de amellorai sa própriu ísula atressu de bideas comunas de business”.

© RIPRODUZIONE RISERVATA

0 Arrespustas a ““Cun nos in Tramatza po cambiai a su territóriu” in sa bidda in provìntzia de Aristanis s’apuntamentu cun s’innovatzioni de “Sardegna 2.0″”


Is cummentus funt serraus.