> Sa Sardigna est ratzista? | ilMinuto

Sa Sardigna est ratzista?

(Chistioni e Opinionis) – Casteddu, 16 de su mes”e arbili – S’arribbu de 700 tunisinus in s’ex depósitu de s’arburada Su Masu, in Casteddu, at ammostau una Sardigna chi tenit duas facis: sa terra de acasàgiu e s’Ísula contr’a s’arribbu de is furesteris tunisinus. In Facebook sighit a abarrai online sa pàgini pubblicada de su Círculu “Giovane Italia Caravella” de Casteddu e lamada “Tunisino a domu sua (Rimpatriate i tunisini arrivati a Cagliari)”: una pàgini ratzista est a nai pagu, chi “praxit” a centinas de personis. In su mamentu chi seus scriendi si podint ancora ligi is cummentus de chini cumbidat a “aprontai scuadras mannas de sa morti”, a “nci bogai a custa genti” e “a no a ddus agiudai prus”. Santidus de malacriméntzia trubaus puru de s’imprenta chi tzerriat a un’”apretu de violéntzia” chi no esist. Su presidenti de sa Regioni, Ugu Cappellacci, de una parti ringratziat a totus cussus chi ant scipiu donai “boxi bera a is valoris de sa solidariedadi sociali”, ma de s’àtera narat de nou s’acàsigiu àteras personis chi si funt fuendi de su fàmini poita “sa Sardigna at giai donau su cuntribbutu suu a s’apretu furesteris”. Is úrtimas cidas ant perou fattu bessiri a pillu un’Ísula chi bit s’acasàgiu comenti unu doveri. Sa Sardigna de is volonteris, de is sindacaus, de is assótzius e de is partidus chi ant obertu is sedis insoru po arregolli bistiris, crapitas, spruma de braba e saboni. Una fita de genti chi benit rapresentada beni de is fueddus de obertura de su comunicau de s’Usb Sardigna. “Cantu strossas ancora – si ligit in sa nota de imprenta de su sindacau de basi – cantu ndi depint ancora morri primu chi a disterraus, persighius, furesteris, fuius de is gherras, de is persighiduras,de su fàmini e de sa poberesa bengat donau s’únicu amparu umanitàriu beru, est a nai cussu de si movi in libertadi, unu diritu inalienàbili de dógnia essiri umanu?”.
E bosàterus ita ndi pensais?

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda

RAS

© RIPRODUZIONE RISERVATA

5 Arrespustas a “Sa Sardigna est ratzista?”


  • ma… apu biu a s’ orto botanico mattas de dogna logu chi pigant e faint mannas in terra sarda, e tengiu ziettus a peddi niedda chi ddis narant ca funtis arrazza gurgugnau… eppuru funti sardus de 3 generazionis… e candu traballant sa terra o su ciummentu funti paris a is attrus sardus… non ddu at abbisongiu di essi razzistas…

  • “Pira cotta pira crua tunisinu a domu sua”
    Sa callonenzia teiri paghu fantasia.

    Ollu arrespundi a custa arrejonada con una cantzoni de is Sud Sound System unu grùpu salentino. Fairi diaicci:

    Se nu te scierri mai delle radici ca tieni
    rispetti puru quiddre delli paisi lontani!
    Se nu te scierri mai de du ede ca ieni
    dai chiu valore alla cultura ca tieni!
    Simu Salentini dellu munnu cittadini,
    radicati alli messapi cu li greci e bizantini,
    uniti intra stu stile osce cu li giammaicani,
    dimme mo de du ede ca sta bieni!!!

    http://www.youtube.com/watch?v=LsTQM4t76r8

    Chi no rindi scarescisi mai de is’arrexinas chi teisi
    rispettas puru cussus de is biddas attesu!
    Chi no rindi scarescisi mai de innui beisi
    dona pru balori a sa cultura chi teisi!
    Seus Sardos de su mundu biddajos
    rexinaus a is fenicius cartaginesus e bizantinus
    unidos in custu stili oi cun is Jamaicanus
    Narammiddu immoi de innui è chi benisi!!!

    • o Sammuelli!? ita ndi isçis tui chi s’ aiaiu de s’aiaiu de aiaiu tu fiat negru, ebbreu o turcu? in su 1700 su sulcis fiat spopolau affattu de una mottalla… fiat aprobiasus apustis tunisinus e libicus e abellu abellu is fillus de issus si funti amesturaus a is sardus… est istoria….

  • Custus africanus oliant ammesturaus appari cun is sardus chi andant a traballai, oliant a ddis imparai ca in sa Bibbia est iscrittu: “SA TERRA EST IN BASCIU!!! E TUI INCRUBA E MARRA FINZAS ABI CURRIT OGU!!!” si cumprendit?

  • Deu sciu scetti chi sinzas’a candu is cosas funti attesu tottus bolinti fai bella figura e naranta ‘No seu ratzista’, comenti candu deu femmu piccioccu. Immoi chi si toccara a biri sa cosa de accanta incumenzanta is problemas incumenzanta a benni a pillu. Non si poriri nai ‘Sa Sardigna est ratzista’. Ci funti ratzistas e nou, cumenti in dogna logu chi deu appu bistu in su mundu

Is cummentus funt serraus.