> “Votai ‘EJA’ po si ndi pigai unu biculu de libertadi”, in Orthullè e Igrèsias is assembreas chi benit contr’a su nucleari aprontadas de aMpI « ilMinuto – notizie Mediterranee – edizione Sardegna

“Votai ‘EJA’ po si ndi pigai unu biculu de libertadi”, in Orthullè e Igrèsias is assembreas chi benit contr’a su nucleari aprontadas de aMpI

Urzulei e Ieglesias assemblee(IlMinuto) – Casteddu, 15 de su mes”e arbili – Casteddu, 15 de su mes”e arbili – Sighit sa campagna de a Manca pro s’Indipendentzia abetendi a su referendum de su 15 e de su 16 de su mes”e maju, candu is sardus ant essi lamaus a arrespundi a sa dimandha “Ses contràriu a s’installatzioni in Sardigna de centralis nuclearis e de situs po su depósitu de ferrinas radioativas avantzadas o preesistentis?”. Duus is assembreas “no nuke” chi ant benni fattas de rapresentantis de sa manca indipendentista e chi funt in programma in is diris chi benit: cras in Orthullè (17.30, sedi de su Púbblicu assistu in bia Vittorio Emanuele) e cenàbara 22 de su mes”e arbili in Igrèsias (18.30, New Bistrot in bia De Amicis). In s’atopu de  Igrèsias at a participai puru unu studiosu de s’Universidadi de Casteddu espertu de energia nucleari. “Is sardus – si ligit in d-una nota – tenint sa possibbilidadi de si ndi torrai a pigai su tempus benidori insoru e de impediri un’àteru atu, de arrogàntzia, chi benit de su Stadu italianu, asuba de sa terra nostra. Votai “EJA” bolit nai a si ndi torrai a pigai unu biculu de libertadi e mancebatzioni est a nai de s’incarreari a costruiri una soverania energetica e política bera”.

© RIPRODUZIONE RISERVATA

0 Arrespustas a ““Votai ‘EJA’ po si ndi pigai unu biculu de libertadi”, in Orthullè e Igrèsias is assembreas chi benit contr’a su nucleari aprontadas de aMpI”


Is cummentus funt serraus.