(IlMinuto) – Casteddu, 31 de su mes’e maju – “Pensaus cun frimmesa ca totus is citadinus sardus ponedu a parti is gustus sessualis e s’identificatzioni de genia depant tenni diritus elementaris comenti cussu de s’assignu familiari, sa reversibilidadi de sa pensioni, sa parti de is benis de su pobiddu o de sa mulleri, s’assistu in is ispidalis etc”. Cun custus fueddus s’organizatzioni indipendentista Progetu Republica s’arringherat in faori de sa proposta de fai unu Registru de is Unionis civilis in Tàtari, proposta fatta de unus cantu consilleris comunalis. Sighi a ligi ‘Diritus. ProgRes: “Eja a istituiri su registru de is Unionis civilis in Tàtari”’
Archìviu de mes'e maju 2011
(IlMinuto) – Casteddu, 31 de su mes’e maju – Puru sa “Confederazione sindacale sarda” narat de nono a su fàbbricu de is radar de sa Guardia de Finantza in sa costera Ovest de sa Sardigna. Aparícius – narat su segretàriu de su sindacau Giacomo Meloni – “chi arruinant is territórius e impedint s’isvilupu de s’Ísula”. Sighi a ligi ‘Militarizatzioni. Css: “Is radar arruinant is territórius’
(IlMinuto) – Casteddu, 31 de su mes’e maju – A pagus cidas de sa rebbellia de is 10milla in Casteddu sighit su muru de is traballadoris contr’a is scicutamentus e contr’a is cummosàrius. Ariseru pagu prus de 500 personis in rapresentàntzia de Mps e de su “Movimento artigiani e commercianti liberi” ant impediu, in Masainas, de notificai su sfratu a Natalino Nassitti. Su cummosàriu, acumpangiau de is carabineris, a s’arribbu suu at agatau una bella “meredda de genti” in difesa de sa domu de su pastori. Sighi a ligi ‘Masainas, in 500 frimmant su sfratu de Natalino Nassitti’
(IlMinuto) – Casteddu, 31 de su mes’e maju – Casteddu a sa manca de centru, Igrèsias a sa dereta de centru e Sìnnia a s’alleàntzia Pd-”moderaus”. Funt custus is arrasutaus de su segundhu turnu de is eletzionis comunalis in Sardigna. In sa “capitali” de s’Ísula Massimo Zedda (59,4%) bincit a Massimo Fantola (40,6%) frimmendi is 17 de fil’e de s’alleàntzia berlusconiana. In sa bitória casteddaia ddoi est perou ancora su dúbbiu asuba de su númeru de is segius chi depint pigai s’unu e s’àteru. Ariseru su Ministeru de s’Internu donat sa majoria in Consillu comunali a sa dereta de centru, ma – precisat sa nota ministeriali – “is datus si faint a is comunicatzionis arribbadas a is comunus e no funt po tanti uficialis. Sa proclamatzioni uficiali de is eligius est incàrrigu de is ufícius eletoralis de su territóriu”. Sighi a ligi ‘Eletzionis comunalis: bitória manna de Zedda in Casteddu. Igrèsias eligit a Perseu. In Sìnnia bincit Pusceddu’
(IlMinuto) – Casteddu, 31 de su mes’e mju – Ddoi est tempus fintzas a su 13 de su mes’e làmpadas po presentai sa dimandha po podi pigai parti a su cuncursu de Bideas po fai is primus esemplaris in pura lana de brebei sarda. Su bandu est po designer, atersanus, impresixeddas de su cumpartus tessili, bestimenta, trastus e “bioedilizia”, tenit s’obbietivu – si ligit in d-una nota – “de fai cresci s’interessu po s’impitu de sa lana sarda e de contribbuiri a fai cresci is possibbilidadis de is protutzionis acapiadas a cust’etotu ei a cussas turisticas”. Sighi a ligi ‘“Pura Lana sarda”: cuncursu de bideas de sa Provìntzia de Tàtari’
Acuntéssia Bellomonte: bullada sa dimandha de spresonamentu. S’11 de su mes’e làmpads in Tàtari manifestada a duus de s’arrestu
(IlMinuto) – Casteddu, 25 de su mes’e maju – Sa dimandha de spresonamentu de Bruno Bellomonte, presentada cida passada de is abbogaus de su dirigenti indipendentista e de manca est stetia arrafudada. Ddu fait sciri cun d-una nota de imprenta su diretivu natzionali de A Manca pro s’indipendentzia. S’organizatzioni de sa manca indipendentista sarda aprontat po sàbudu 11 de su mes’e làmpadas una manifestada in Tàtari: a duus annus e una diri de s’arrestu de Bellomonte in Roma. “A pustis de duus annus de galera colonialista e de disterru de su dirigenti políticu indipendentista Bruno (…)
Sa morti de Luigi Fallico: lassau in cella cuntotu chi teniat is intzimius de s’antrecoru, aMpI: “Ant bociu a unu comunista”
Sighi a ligi ‘Is prus lígias in língua sarda de cida passada’
(IlMinuto) – Casteddu, 30 de su mes’e maju – Abetendi a su referendum de su 12 e de su 13 de su mes’e làmpadas si fait sèmpiri prus mannu s’impignu de is organizatzionis chi lotant contr’a a sa privatizatzioni de s’àcua. Cras a merì in Casteddu (20.00, Cineteca sarda de s’arburada Trieste) s’at a tenni un’atóbiu de informatzioni e cunfrontu “asuba de is dimandhas referendarias e asuba de su valori de s’Àcua comenti Beni Púbblicu chi no si depit bendi”. S’apuntamentu s’at a oberri cun sa proietzioni de “La bolletta dell’aria” pigau de su film “Strane storie” de Sandro Baldoni i at a sighiri cun d-una cuferéntzia-dibbàtidu cun sa participatzioni de Nicola Musu (Campagna Àcua Beni Comunu) e de Vania Satzu, economista de s’isvilupu sostenìbili. Sighi a ligi ‘“S’àcua no si bendit”, dibbàtidu in sa Cineteca sarda a duas cidas de su referendum’
(IlMinuto) – Casteddu, 30 de su mes’e maju – “No podeus abarrai frimmus e neutralis ananti de su métodu punitivu e de amaletzu impitau de su sistema giuditziariu italianu in is cunfrontus de su presoneri indipendentista Bellomonte”. Cun custus fueddus Doddore Meloni annuntziat sa participatzioni de Paris-Malu Entu a sa manifestada aprontada de aMpI po sàbudu 11 de su mes’e làmpadas (16.30, Tàtari) po pediri su liberamentu de Bruno Bellomonte a duus annus de s’arrestu. Sighi a ligi ‘Acuntéssia Bellomonte: puru Malu Entu in pratza pediri su liberamentu de s’indipendentista de aMpI’
(IlMinuto) – Casteddu, 30 de su mes’e maju – Sighit sa batalla de Sinonucle. Agoa de sa bitória de su 15 e de su 16 de su mes’e maju, s’Esecutivu de su Cumitau at decidiu de s’impegnai puru in is referendum de su 12 e de su 13 de su mes’e làmpadas. Su Cumitau – si ligit in sa delíbbera aprovada cida passada in Aristanis – “At stabbiliu de s’impegnai, cun sa mantessi frimmesa [...] chi at tentu po su referendum consultivu regionali, in sa pubblicidadi de s’EJA in su referendum contr’a su nucleari e in is duus referendum contr’a sa privatizatzioni de s’àcua. Po su referendum asuba de su “legittimo impedimento” su cumitau s’agat de acórdiu cun sa necessidadi chi totus is citadinus siant agualis ananti de sa lei”. Asuba de su mantessi tema est stetiu fattu connosci s’apellu “Quattro leggi infami”, firmau de “Sinistra Critica”, “Collettivo Marxista-Leninista” de Nùgoro, Círculu Prc de Aristanis 2 e Vincenzo Pllai (Prc). Sighi a ligi ‘Referendum: su 12 e su 13 de su mes’e làmpadas Sinonucle contr’a su nucleari e sa privatizatzioni de s’àcua. Apelli contr’a “Cuatru leis aggraviosas”’
(IlMinuto) – Casteddu, 30 de su mes’e maju – Chini amat a su mari i a is mistériu suus at a tenni ancora pagus diris po podi andai a castiai sa mostra “Sguardi dal Mediterraneo”. S’aparada s’ammostat is facis prus curiosas de su mari nostru chistionendusì atressu de is màginis e de is mamentus fpigaus de is fotografus de “Acquamarina”, chi si proponint – si ligit in d-una nota – “miradas de èssiris insolitus cun caboris vistosus e piscixeddus chi populant a is orus ‘e su mari”. Sighi a ligi ‘Mostras: in Istintinu “Miradas de su Mediterràneu”’
Social
