> mes’e làmpadas « 2011 « ilMinuto – notizie Mediterranee – edizione Sardegna

Archìviu de mes'e làmpadas 2011

“Bruno líberu!”: 19 diris de isciòpiru de su fàmini po pediri luegu su spresonamentu de s’indipendentista

sciopero della fame(IlMinuto) – Casteddu, 30 de su mes’e làmpadas – Funt 19 is diris de fil’e pari de isciòpiru de su fàmini po pediri su liberamentu de Bruno Bellomonte, su dirigenti de a Manca pro s’Indipendentzia e sindacalista de duus annus e 21 diris in impresonamentu cautelari po mori de acusas chi no funt statias mai cumprovadas: unu teorema (s’ammanitzamentu de un’atentau cun modelleddus aereu radiocumandaus a su G8 de Madalena) – acrarant is aprontadoris – “chi no tenit ni conca ni peis, comenti cumprovat su processu chi s’est sboddiendi de unu bellu pagheddu de tempus”. Sighi a ligi ‘“Bruno líberu!”: 19 diris de isciòpiru de su fàmini po pediri luegu su spresonamentu de s’indipendentista’

Processu “Bateragune”: sa solidariedadi de aMpI a sa manca indipendentista basca

a manca pro s'indipendentzia(IlMinuto) – Casteddu, 30 de su mes’e làmpadas – “Si propòniri un’abilidadi paxiosa e democràtica est unu delitu, insaras seus culpàbilis”. Funt custus is fueddus chi su rapresentanti indipendentista bascu Arnaldo Ortegi at nau martis a fac’e de is giugis spagnolus de s’Audencia nacional, in sa primu diri de su processu “Bateragune”. Imputaus funt unus cantu de rapresentantis de sa manca indipendentista basca acusaus de tenni comenti progetu cussu de torrai a fai su partidu illegali Batasuna. Asuba de s’acuntéssia, fueddat cun d-una nota, a Manca pro s’Indipendentzia. “Espressaus – scririt s’organizatzioni de sa manca indipendentista sarda – a is militantis trisinaus in cust’acontéssia chi no tenit ni conca ni peis comenti no tenit ni conca ni peis da giustítzia spagnola etotu, totu sa solidariedadi nostra. Su stadu spagnolu depit cumprendi ca  in Euskal Herria est girau su bentu, sa boluntadi de su pópulu traballadori bascu est cussa de agatai una solutzioni política a su pletu po lompi a una soverania natzionali prena”. Sighi a ligi ‘Processu “Bateragune”: sa solidariedadi de aMpI a sa manca indipendentista basca’

“Crònacas de su Ruanda”. Cras in Casteddu cuferéntzia cun Stefano Cortis

Stefano Cortis(IlMinuto) – Casteddu, 30 de su mes’e làmpadas – “Cronache dal Ruanda. L’esperienza di un giovane giornalista italiano nel paese teatro del genocidio del 1994″. Est custu su títulu de sa cuferéntzia in programma po cras a is 17.30 in s’àula magna de sa Facoltadi de Sciéntzias políticas, un Casteddu. Protagonista de s’apuntamentu at essi Stefano Curtit, giornalista chi scririt po s’”Unione Sarda” de su 2003. Curtis est tra is 24 giornalistas chi benint de s’Europa e de s’Africa chi ant participau a su progetu comunitàriu “Take your chance, be the change”. “Su progetu – si ligit in d-una nota de imprenta – est stetiu fattu in su mes’e maju passau cun s’iscopu de fai nasci una retza de giornalistas europeus e africanus chi, donant atentzioni manna a is diritus umanus, chi controriant su ratzismu e sa xenofobia”. Sighi a ligi ‘“Crònacas de su Ruanda”. Cras in Casteddu cuferéntzia cun Stefano Cortis’

Ambienti: in Logusantu sa Raunantza de is Grupus “Ecosostenibili”

Luogosanto(IlMinuto) – Casteddu, 30 de su mes’ e làmpadas – “A si connosci e a fai una retza de scàmbiu tra personis interessadas a is “ecovillaggi”, domus ecologicas e condomìnius de agiudu càmbiu. Est custu s’obiettivu de sa Raunantza de is Grupus “ecosostenibili” sardus in programma de su 1 a su 3 de su mes’e argiolas in Logusantu, in sa Sardigna de Tramuntana. Sighi a ligi ‘Ambienti: in Logusantu sa Raunantza de is Grupus “Ecosostenibili”’

Ispetàculus: passus de dantza in “Divine Delizie”

danza(IlMinuto) – Casteddu, 30 de su mes’e làmpadas – “Ollu is abas, unu croxu, unu bruncu de elefanti, suai fumu, mi ollu atrotoxai, mi ollu scumponni, ollu essi dónnia cosa, mi ollu liberai cun is prufumus, ollu cresci comenti is matas, e scurriri comenti s’àcua, trinniri comenti su sonu, brillai comenti sa luxi, mi ollu apaxiai asuta de dónnia forma, ollu intrai in dónnia àtomu, cabai fintzas a arribai in su fundu de sa matéria, essi sa matéria”, (A. Breton)
Su sipàriu de su “Giardinu Megalìticu” de bia Rosorgimento in Santu Sparau cras 1 de su mes’e argiolas a is 18.30 s’at a oberri po arregalai a su púbblicu un’ispetàculu, interessanti meda, de dantza butoh: “Divine Delizie”. Performance colletivas piticheddas, innui is baddadoris – si ligit in d-una nota de imprenta – “si lassant andai a un’eploratzioni de sa dantza chi est tambeni cumentzedi. In custa fasi – sighit sa nota “dónnia istudiu est stetiu pensau po sboddiai su tema de sa pintura centrali de su cuadru de Bosch”. Sighi a ligi ‘Ispetàculus: passus de dantza in “Divine Delizie”’