(IlMinuto) – Casteddu, 21 de su mes’e làmpadas – Est arribbadu a dexi diris s’isciòpiru de su fàmini po pediri de liberai debressi a Bruno Bellomonte. Oi no papant Antonello Turra, Antonello Tiddia e Mauro Ciummo Sanna. S’isciòpiru de su fàmini, promòviu de su Cumitau “Lavoratori pro Bellomonte”, est cumentzau domínigu 12 de su mes’e làmpadas e fintzas a immoi at biu sa participatzion de pagu prus de 15 personis. S’obietivu de sa cosa est cussu de tarribbai debressi a su spresonamentu de Bellomonte, su dirigenti de a Manca pro s’Indipendentzia de duus annus e úndixi diris in impresonamentu cautelari asuba de acusas chi no tenit ni conca ni peis. Sighi a ligi ‘“Bruno líberu”. A dexi diris s’isciòpiru de su fàmini po pediri su liberamentu de Bellomonte’
Archíviu de sa diri 21/06/2011
(IlMinuto) – Casteddu, 21 de su mes’e làmpadas – Est acanta de biri sa luxi su progetu ortus de sa citadi in Monti Urpinu. Ddu fait sciri cun d-una sa presidenti de s’assótziu Musa (Monte Urpinu Salvaguardia Ambientale) Luisella Caria. “Eus individuau – acrarat Caria in d-una nota in su social network Facebook – unu tretu de 210 milla metrus cuadraus chi tenit abisóngiu de essi bonifacau po ponni un’ortu comunu […] acastiendi is matas chi ddoi funt giai”. De fai is ortus de sa citadi in custu tretu birdi de Casteddu s’at a chistionai cenàbara chi benit. Sighi a ligi ‘Ambienti: in Monti Urpinu nascit su progetu ortus de sa citadi’
(IlMinuto) – Casteddu, 21 de su mes’e làmpadas – Fueddus, fueddus, fueddus. “Mancai is impignus pigaus de su Guvernadori Cappellacci cun Fazio i agoa piggaus puru de s’assessori Liori” nudda parrit mudau po is operadoris sotziu sanitàrius chi funt in graduatória. In sa sanidadi sarda – po su prus in s’ispidali Brotzu – sighint a pigai traballadoris interinalis. Est cantu narat una nota de imprenta fatta connosci de s’Usb e de su Cumitau artículu 97. Po dennuntziai custus fattus is operadoris sotziu sanitàrius ant a fai, in Casteddu, su funerali de is diritus, tuchendi de s’Assessorau regionali de sa Sanidadi po lompi in su Consillu regionali. Sighi a ligi ‘Sa morti de is diritus: in Casteddu is operadoris de sa sanidadi interrant a is diritus’
(IlMinuto) – Casteddu, 21 de su mes’e làmpadas – At a benni oberta su 24 de su mes’e làmpadas a is 18.30 in is aposentus de s’ex-Domu de su Fasciu, in pratza Barigau in Ulassa, sa mostra fotografica dedicada a sa bidda ogiastrina. S’aparada, difatis, est totu dedicada a s’istória i a is traditzionis de sa bidda. Tra is diversas fotografias s’ant podi ammirai puru cussas de su giornalista Virgilio Lai. Sighi a ligi ‘Mostras: in Ulassa sa fotografia est in domu’
Social
