> “Essi comunistas e indipendentistas no est unu reatu”. 25 diris de isciòpiru de su fàmini po liberai a Bellomonte « ilMinuto – notizie Mediterranee – edizione Sardegna

“Essi comunistas e indipendentistas no est unu reatu”. 25 diris de isciòpiru de su fàmini po liberai a Bellomonte

sciopero della fame(IlMinuto) – Casteddu, 6 de su mes’e argiolas – Funt 25 is diris de fil’e pari de isciòpiru de su fàmini po pediri de liberai debressi a Bruno Bellomonte, su dirigenti de a Manca pr s’Indipendentzia e sindacalista de duus annus e 27 diris in presoni po mori de acusas mai cumprovadas. S’isciòpiru de su fàmini promòviu de su Cumitau “lavoratori pro Bellomonte” – oi no papant Martino Orrù e Antonello Tiddia – at acabai a su mesunoti de gióbia 7 de su mes’e argiolas i at essi sighiu su mangianu de s’8 a is 10.30 de una cuferéntzia sit in a fac’e su Consillu regionali, in Casteddu. Su sit in est stetiu aprontau de su “Cagliari social forum, de s’Osservatóriu po is diritus e is libertadis e de su Colletivu anticapitalista sardu. “Nos pensaus chi siat foras de contu – si ligit in d-unu comunicau de imprenta – su fatu chi personis, scèti po simplis suspetus, potzant essi postas in presoni po duus annus e prus! No ddoi est nudda, nisciuna proa est stetia ammostada fintzas a immoi po unu reatu chi non s’est tentu: (ddu torraus a ammentai: is imputaus ant ai ordingiau de torrai a fai nasci is Br, iant ai progetau de fai un’atentau a sa vida de is Capus de Istadu de su G8!). Nos pedeus chi is imputaus bengat liberaus poita petzaus ca s’impresonamentu cautelari, si no sufragau de motivus bàlidus, siat una forma de tortura e po custu proibia de is leis vigori […]. Nos no pensaus ca a si nai comunistas e mancai puru indipendentista  no siat cunsiderau (assumancu fintzas a immoi) unu reatu”.
Fintzas a immoi a su sit in ant a participai Sinistra critica sarda, su Cumitau “lavoratori Pro Bruno Bellomonte”, Prc Sardigna, Cobas, Usb Sardigna e Colletivo marxista-leninista Nùgoro. Sèmpiri in Casteddu – ma s’11 de su mes’e argiolas a is 11.00 e fac’e su Tribunali – s’at a tenni unu presídiu aprontau de a Manca pro s’Indipendentzia contr’a repressioni coloniali a cinc’annus giustus giustus de s’Operatzioni Arcadia. De custa protesta IlMinuto at a fueddai cun prus atentzioni in is diris chi benint.

© RIPRODUZIONE RISERVATA

0 Arrespustas a ““Essi comunistas e indipendentistas no est unu reatu”. 25 diris de isciòpiru de su fàmini po liberai a Bellomonte”


Is cummentus funt serraus.