> 2011 mes’e argiolas 01 | ilMinuto

Archíviu de sa diri 1/07/2011

(Italiano) Documento: lettera aperta di una madre, studentessa e lavoratrice precaria contro il taglio dei corsi serali

Acuntéssia Bellomonte: 20 diris de isciòpiru de su fàmini po pediri su spresonamentu de su comunista indipendentista de a Manca

(IlMinuto) – Casteddu, 1 de su mes’e argiolas – “Unu comunista, militanti indipendentista, sindacalista. Unu chi si giogat sa faci po cosas chi fait, chi no si cuat po mandai ainnantis su pensu políticu suu”. Aici Caterina Tani fueddat – in d-un’intervista fatta unu bellu pagheddu de tempus fait po ‘IlMinuto’ – de su pobiddu Bruno Bellomonte, su dirigenti de a Manca pro s’Indipendentzia de duus annus e 22 diris in impresonamentu cautelari po mori de acusas chi no funt stetias mai cumprovadas: unu teorema (s’ammanitzamentu de un’atentau cun modelleddus aereu radiocumandaus a su G8 de Madalena) – si ligit in d-una nota fatta connosci de su Cumitau ‘Lavoratori pro Bellomonte’ “chi no tenit ni conca ni peis, comenti cumprovat su processu chi s’est sboddiendi de unu bellu pagheddu de tempus”. Po pediri de lassai líberu allestru s’indipendentista de sa manca e po denuntziai sa cosa a s’imprenta, su Cumitau “lavoratori pro Bellomonte” at promòviu un’isciòpiru de su fàmini cumentzau binti diris fait: su 12 de su mes’e làmpadas. Sighi a ligi ‘Acuntéssia Bellomonte: 20 diris de isciòpiru de su fàmini po pediri su spresonamentu de su comunista indipendentista de a Manca’

Prétzius in Casteddu: “inflatzioni zeru” in su mes’e làmpadas. In d-un’annu sa vida is prétzius crescint de su 2,6%

giugno Cagliari(IlMinuto) – Casteddu, 1 de su mes’e argiolas – “Inflatzioni zeru” in Casteddu in su mes’e làmpadas. A cantu narat su comunicau de su mesi, fattu connosci de su Serbítziu Informatica e Statistica de su Comunu, in su sestu mes’e s’annu is prétzius a consumu no ant registrau nisciunu cambiamentu.
Aumentus, puru si prus lébius a cussu de is mesis passaus, funt stetius registraus in is cumpartus “Trastus, cosas e serbítzius po sa domu” (+0,2%), “Trasportus” (+0,3%), “Ispàssius, ispetàculus e cultura” (+0,3%) e “Serbítzius de acàsigiu e de restoru” (+0,1%). Sighi a ligi ‘Prétzius in Casteddu: “inflatzioni zeru” in su mes’e làmpadas. In d-un’annu sa vida is prétzius crescint de su 2,6%’

“No s’abruxeus su tempus benidori”. In Macumère nascit su Cordinamentu sardu de is grupus chi funt contr’a s’incinixadori

(IlMinuto) – Casteddu, 1 de su mes’e argiolas – At a nasci luegus su Cordinamentu sardu de is cumitaus, de is oraganizatzionis e de is citadinus asuba de su tema de su smartimentu ecologicu de is arrefudus. A pabas de su cumbidu de su cumitau “Non bruciamoci il futuro” de Macumère, is diversus grupus de s’Ísula si funt donaus apuntamentu po su 10 de su mes’e argiolas in Macumère (Saloni Castàngia, 10.00) po fissai un’atzioni comuna contr’a custa impestadura. “S’obietivu – si ligit in d-una nota – est cussu de aprofundai is diversas chistionis e cussu de s’impignai po unu mudífica de su Pianu regionali de is arrefudus chi previdat su fàbricu de Centrus de riciclu a serradura de totu su ciclu de is arrefudus”.
S’atóbiu est obertu a sa participatzioni de totu is citadinus. Sighi a ligi ‘“No s’abruxeus su tempus benidori”. In Macumère nascit su Cordinamentu sardu de is grupus chi funt contr’a s’incinixadori’

Música: in Aristanis atóbiu cun Fausto Amodei, “chansonnier de protesta”

Oristano(IlMinuto) – Casteddu, 1 de su mes’e argiolas – At essi sa saba cuferéntzias de su Centru Serbítzius de bia Carpaccio 9 in Aristanis a aghilliri – su 5 de su mes’e argiolas a is 18.30 – un’atóbiu cun Fausto Amodei, cantautori e musicolugu italianu, babbu – impari a Michele Straniero, Giorgio De Maria, Margot, Emilio Jona e Sergio Liberovici – de su grupu is “Cantacronache”. S’apuntamentu, chi tenit comenti títulu “Dai morti di Reggio Emilia al Cavalier, mentre l’Italia cambia” est aprontau cun s’agiudu de sa Biblioteca Gramsciana Onlus, su Centru Serbítziu Culturalis Unla e su Nur snc, e at essi cordinau de Giuseppe Manias de sa Biblioteca Gramsciana e introdusiu de Marcello Marras, diretori de su Centru Serbítzius Culturalis. Sighi a ligi ‘Música: in Aristanis atóbiu cun Fausto Amodei, “chansonnier de protesta”’