> 04 « mes’e argiolas « 2011 « ilMinuto – notizie Mediterranee – edizione Sardegna

Archíviu de sa diri 4/07/2011

Traballu: tres cundennas po omocidiu curposu po is mortis de Muntoni, Melis e Solinas. Nisciuna pena po sa Saras

(IlMinuto) – Casteddu, 4 de su mes’ argiolas – Duus annus de presoni po omicidiu curposu a prus de una personi a Guido Grosso, diretori de s’istabilimentu Saras de Sarròccu, a Francesco Ledda, rapresentanti legali de sa Comesa, i a Dario Scaffardi, diretori de sa Saras. Custa sa senténtzia de custu mangianu de parti de su Gup de su Tribunali de Casteddu Giorgio Altieri a duus annus e prus de su 26 de su maju de su 2009, diri custa, de sa morti acontéssia in su logu de traballu, de Bruno Muntoni, Daniele Melis e Pierluigi Solinas: traballadoris de sa dita apaltadora Comesa. Mortus atoscaus de su gas candu furiant fadendi manixus de manutentzionis in sa rafineria prus manna de su Mediterràneu. Sighi a ligi ‘Traballu: tres cundennas po omocidiu curposu po is mortis de Muntoni, Melis e Solinas. Nisciuna pena po sa Saras’

Radar “contr’a is furesteris”, sa Guardia de finanza perdit is finantziamentus. Cumitaus: “Arrasurtau de sa mobilitada de sa genti”

perdita finanziamento(IlMinuto) – Casteddu, 4 de su mes’ argiolas – “Sa Guardia de Finanza at pérdiu is finatziamentus po su fàbbricu de sa retza de radar in sa costera otzidentali de sa Sardigna”. Est cantu fait sciri, cun satisfatzioni, unu comunicau de imprenta de is Cumitaus No Radar de s’Ísula. Po is rapresentantis de is Cumitaus popularis No Radar sa pérdida de su finantziamentu est “un’importanti arrasurtau otentu de sa mobilitada de is citadinus atopaus in protetzioni de su territóriu contr’a is radar”. Su Cumitau in dónnia modu pentzat ca si depat sighiri a “acastiai” su logu. “Sa Gdf – si ligit in su comunicau – at fattu sciri ca no tenit nisciuna intentzioni de renuntziai a su progetu i at a  pediri de podi pigai finantziamentus nous”. Sighi a ligi ‘Radar “contr’a is furesteris”, sa Guardia de finanza perdit is finantziamentus. Cumitaus: “Arrasurtau de sa mobilitada de sa genti”’

Acuntéssia Bellomonte: cenàbara sit in a fac’e su Consillu regionali. A 23 diris s’isciòpiru de su fàmini

(IlMinuto) – Casteddu, 4 de su mes’ argiolas – Funt a oi 23 is diris de fil’e pari de sciòperu de su fàmini po pediri de liberai debressi a Bruno Bellomonte, su dirigenti de a Manca pro s’Indipendentzia e sindacalista de duus annus e 25 diris in presoni po mori de acusas chi no funt stetias mai cumprovadas. Un’isciòperu de su fàmini, contr’a cussa chi est stetia spricada  comenti una “persecutzioni contr’a su comunismu”, at acabai a su mesunoti de su 7 de su mes’e argiolas i at essi sighia su mangianu de s’8 a is 10.00 de una cuferéntzia de protesta a fac’e su Consillu regionali. “Una cuferéntzia – si ligit in d-una nota de imprenta – po […] fai intendi sa própriu boxi e po protestai contr’a s’arrevesciori de s’impresonamentu cautelari e po sa territorialidadi de sa pena”. Sighi a ligi ‘Acuntéssia Bellomonte: cenàbara sit in a fac’e su Consillu regionali. A 23 diris s’isciòpiru de su fàmini’

Sanidadi: seti comunus pedint “de cumentzai cantu primu sa sperimentatzioni Ccsvi”

(IlMinuto) – Casteddu, 4 de su mes’ argiolas – Tèmpiu, Patada, Sèttimu, Budune, Sestu, Pramas e Gairo. Funt custus is comunus de sa Sardigna chi fintzas a immoi ant aghilliu sa delíbera proposta de s’assótziu “Isola attiva” po pediri a sa Regioni de cumentzai cantu primu is “sperimentatzionis chi agiudint sa nàscida de centrus chi s’impignint in s’istudiu de sa Ccsvi, comenti bolit su documentu Zanboni”. Sighi a ligi ‘Sanidadi: seti comunus pedint “de cumentzai cantu primu sa sperimentatzioni Ccsvi”’

Mostras: in su Latzaretu de Casteddu “Islam. Arte e Cultura”

Cagliari(IlMinuto) – Casteddu, 4 de su mes’e argiolas – Est stetia oberta, su 24 de su mes’e làmpadas passau, in su Latzaretu de Casteddu “Islam. Arte e Cultura”, sa primu de is tres mostras de importu mannu chi donant boxi a s’entnografia e chi s’agatant aintru de sa rassegna “Popoli ed Arte dal mondo”. S’iscopu de custu camminu culturali est cussu de torrai scobèrriri – si ligit in d-una nota – “no scéti s’arti in totu is diversus manígius artesanus chi pópulus antigus meda tramandant de sèmpiri, ma puru sinnificaus, símbulus e sa cultura chi at fattu de custas òperas de arti aparadas, prendas chi no si podint stimai”. Sighi a ligi ‘Mostras: in su Latzaretu de Casteddu “Islam. Arte e Cultura”’