> 05 « mes’e argiolas « 2011 « ilMinuto – notizie Mediterranee – edizione Sardegna

Archíviu de sa diri 5/07/2011

“Sighi sighi”. Rossella Faa presentat s’ispetàculu nou in Casteddu

Cagliari(IlMinuto) – Casteddu, 5 de su mes’e argiolas – Ispetàculu nou po Rossella Faa. Lompendi a fai tres annus de sa bessida de “Baa-bà. Storie, ricette e preghiere fatte a canzone”, sa cantanti e autora sarda – capassu de uniri “sa befa a cuss’etotu, sa recitatzioni e sa música jazz sighendi su ligimentu etnicu campidanesu” – presentat po sa primu borta is cantzonis de “Sighi sighi. I problemi delle donne”, traballu chi at a bessiri tra pagu tempus. S’apuntamentu est po gióbia 7 de su mes’e argiolas a is 20.30 in Casteddu largu Giuseppe Dessì, intrada 6 eurus). Sighi a ligi ‘“Sighi sighi”. Rossella Faa presentat s’ispetàculu nou in Casteddu’

“Tocat a nai basta a is scicutas i a is isfratus”. Cras torrat in Casteddu su movimentu Contr’a-Equitalia

manifestazione anti-Equitalia(IlMinuto) – Casteddu, 5 de su mes’e argiolas – “Totus impari po fai diventai is fueddus fatus!”. Cun custu proponimentu su Movimentu “Sardi Liberi” aprontat po cras in Casteddu una diri de protesta generali. Comenti in su mes’e maju passau ant essi de seguru medas is butegheris, is imprenditoreddus, is partidas iva chi ant a passai in su centru de Casteddu pedendi – primu de totu – “su blocu de is cartellas de Equitalia, su blocu de is scicutas e de is isfratus, po tres annus”. Su corteu de protesta at a tucai a is 9.00 de su parchegiu de sa Fiera campionaria. Tra is dimandas de Msl ddoi est puru cussa chi pedit “de sblocai debressi is apaltus púbblicus e chi pedit puru sa revisioni de sa normativa asuba de su Durc”. Sighi a ligi ‘“Tocat a nai basta a is scicutas i a is isfratus”. Cras torrat in Casteddu su movimentu Contr’a-Equitalia’

“Bruno líberu!”: 24 diris de isciòpiru de su fàmini po pediri de liberai a s’indipendentista. Cenàbara sit in in Casteddu

sciopero della fame per Bruno Bellomonte e sit in (IlMinuto) – Casteddu, 5 de su mes’e argiolas – Est arribau a 24 diris de fil’e pari s’isciòpiru de su fàmini po pediri de liberai debressi a Bruno Bellomonte, su dirigenti de a Manca pro s’Indipendentzia de duus annus e 26 diris in presoni po mori de acusas chi no funt stetias mai cumprovadas. S’isciòpiru de su fàmini – oi no papant Gianluca Carta, Antoneddu Tedde e Gianluigi Deiana – at a acabai a su mesunoti de gióbia 7 de su mes’e argiolas i at essi sighiu su mangianu de s’8 a is 10.00 de una cuferéntzia de protesta a fac’e su Consillu Regionali. “Una cuferéntzia po […] fai intendi sa própriu boxi, po protestai contr’a s’ingiustitzia de s’impresonamentu cautelari e po sa territorialidadi de sa pena”. S’isciòpiru de su fàmini – promòviu de su Cumitau “lavoratori pro Bellomonte” – est cumentzau su 12 de su mes’e làmpadas. A oi funt pagu prus de 30 is personis chi ant participau a sa protesta po pediri su liberamentu de Bellomonte. Sighi a ligi ‘“Bruno líberu!”: 24 diris de isciòpiru de su fàmini po pediri de liberai a s’indipendentista. Cenàbara sit in in Casteddu’

Apuntamentus: Ollolai in festa cun su Pàliu de is burrincheddus, su “Palu de Sos Vihinados” e su Corteu Medievali de sa Sardigna

(IlMinuto) – Casteddu, 4 de su mes’ argiolas – “S’ofesa prus manna chi si potzat fai a unu burrincu est cussa de ddu tzerriai ómini” (Renzo Novatore, in Iconoclasta!, 1920)
De su 15 a su 16 de su mes’ argiolas, Ollololai at a aghilliri su X Pàliu de is burrincheddus, s’”Palu de Sos Vihinados” e su Corteu Medievali de sa Sardinna”, cun sa participatzioni de is sbanderadoris de Musicus de sa Citadi de is Candileris (Tàtari). Su merì de su 16 de su mes’e argiolas, a cumentzai de is 21.00, ddoi at essi puru su Carru de Su Palu. Su Pàliu tenit s’iscopu de promovi e avalorai su burrincheddu, chi – si ligit in d-una nota – “in su tempus andau rapresentada unu beni de importu mannu po dónnia família de sa bidda”. Sa gara s’at a curri a su noti, cun tucada a is 21.00 – in pratza Marconi – e si sboddiat in baterias de sceberu e finali. Sighi a ligi ‘Apuntamentus: Ollolai in festa cun su Pàliu de is burrincheddus, su “Palu de Sos Vihinados” e su Corteu Medievali de sa Sardigna’