> 2011 mes’e argiolas 06 | ilMinuto

Archíviu de sa diri 6/07/2011

Ambienti. “Goletta Verde”: “Foxis impestadas in Codaruìna, Pòrtu Turre, S’alighera, Tortolì e Cuartu”

Sardegna(IlMinuto) – Casteddu, 6 de su mes’e argiolas – 35 logus premiaus de sa Ghia Blu, cincu foxis impestadas meda. Est custu su bilànciu de su raportu asuba de su stadu de saludi de su mari e de is costeras sardas presentau in is diris passadas in Terranòa de “Goletta Verde” de “Legambiente”. Sighi a ligi ‘Ambienti. “Goletta Verde”: “Foxis impestadas in Codaruìna, Pòrtu Turre, S’alighera, Tortolì e Cuartu”’

“Essi comunistas e indipendentistas no est unu reatu”. 25 diris de isciòpiru de su fàmini po liberai a Bellomonte

sciopero della fame(IlMinuto) – Casteddu, 6 de su mes’e argiolas – Funt 25 is diris de fil’e pari de isciòpiru de su fàmini po pediri de liberai debressi a Bruno Bellomonte, su dirigenti de a Manca pr s’Indipendentzia e sindacalista de duus annus e 27 diris in presoni po mori de acusas mai cumprovadas. S’isciòpiru de su fàmini promòviu de su Cumitau “lavoratori pro Bellomonte” – oi no papant Martino Orrù e Antonello Tiddia – at acabai a su mesunoti de gióbia 7 de su mes’e argiolas i at essi sighiu su mangianu de s’8 a is 10.30 de una cuferéntzia sit in a fac’e su Consillu regionali, in Casteddu. Su sit in est stetiu aprontau de su “Cagliari social forum, de s’Osservatóriu po is diritus e is libertadis e de su Colletivu anticapitalista sardu. Sighi a ligi ‘“Essi comunistas e indipendentistas no est unu reatu”. 25 diris de isciòpiru de su fàmini po liberai a Bellomonte’

Manifestadas: corteu NO Tav in Casteddu

manifestazione Cagliari(IlMinuto) – Casteddu, 6 de su mes’e argiolas – “No a sa Tav, no a is radar, no a is poligonus”. Sàbudu chi benit in Casteddu s’at a fai unu corteu po nai tres nono a òperas púbblicas “po debadas e caras meda”. Òperas comenti su trenu lestru meda e sa militarizatzioni de su territóriu. Sa manifestada – aprontada de su “Cagliari social forum” e de su Colletivu anticapitalista sardu – at a tucai de pratza Garibaldi a is 17.30. Sighi a ligi ‘Manifestadas: corteu NO Tav in Casteddu’

Apretu arrefudus, aMpI: “Sardigna terra de acasàgiu, ma no muntronaxu de sa camorra”

aMpI(IlMinuto) – Casteddu, 6 de su mes’e argiolas – In is diris passadas su síndigu nou de Casteddu, Massimo Zedda, in is pàginis de unu cotidianu sardu sa disponibilidadi de pigai is arrefudus de sa Campania. Disponibilidadi liada in úrtimas oras de su presidenti de sa Regioni Sardigna Ugo Cappellacci, cumpetenti in matéria. Asuba de sa chistioni fueddat atressu de unu comunicau de imprenta su Diretivu natzionali de aMpI. “Sa terra nostra – si ligit in sa nota de imprenta – est una terra de acasàgiu, ma no est su muntronaxu italianu. Si chistionat de solidariedadi, ma sa solidariedadi comenti agiudu no si donat candu lompint sciacus? No si parrit chi custu siat casu de is arrefufudus campanus e de is acapius crarus chi ddoi funt tra crímini organitzau cun sa política italiana”. Sighi a ligi ‘Apretu arrefudus, aMpI: “Sardigna terra de acasàgiu, ma no muntronaxu de sa camorra”’

Ispetàculus: a sa sesta editzioni su Festival Internatzionali de su Teatru de Animatzioni asuba Mediterràneu

(IlMinuto) – Casteddu, 6 de su mes’e argiolas – De su 23 a su 31 de su mes’e argiolas at torrai in Teulada s’apuntamentu cun Animar, sa sesta editzioni de su Festival Internatzionali de su teatru de animatzioni asuba Mediterràneu. Cussas de su Surcis de bàsciu ant essi otu diris alligardas de mariunetistas, brutatinaus, manixadoris de mustajonis, disignadoris de umbras, artistas banduleris signaus de su traballu in is istradas e in is pratzas. Su festival est aprontau de sa Compagnia Is Mascareddas. Totu sa manifestada s’at a tenni tra is giardinus de sa Domu Baronali e su palcu prus piticu montau a su segundu pianu de sa domu. Sighi a ligi ‘Ispetàculus: a sa sesta editzioni su Festival Internatzionali de su Teatru de Animatzioni asuba Mediterràneu’