> 2011 mes’e argiolas 08 | ilMinuto

Archíviu de sa diri 8/07/2011

Radar in Ischia Ruja: su Tar frimmat is trabalus

radar(IlMinuto) – Casteddu, 8 de su mes’e argiolas – Una bitória noa po is Cumitaus no Radar. Mérculis passau su Tar de sa Sardinna at difatis aghilliu sa dimanda po suspèndiri is traballus de fàbricu de su radar “contr’a is furesteris” de Ischia Ruja mandada ainnaintis de s’amministratzioni comunali de Tresnuraghes. Ddu fait sciri cun d-unu comunicau sa Domu de su Pópulu de Bosa, chi fait parti de su cumitau territoriali No Radar Ischia Ruja. Sighi a ligi ‘Radar in Ischia Ruja: su Tar frimmat is trabalus’

Tennis: in Altzaghèna arribat sa Copa Davis

tennis Arzachena(IlMinuto) – Casteddu, 8 de su mes’e argiolas – Apuntamentu de no pèrdiri po is amantis de su tennis. De oi fintzas a domínigu Altzaghèna aghillit difatis sa gara de Copa Davis tra s’Itàlia e sa Slovenia chi serbit po su segundu turnu de su grupu I “zona” Europa-Africa. Sa primu partida est in programma po custumerì a is 16.00. Sighi a ligi ‘Tennis: in Altzaghèna arribat sa Copa Davis’

Apuntamentus: torrat “Racconti animati all’aperto”

(IlMinuto) – Casteddu, 8 de su mes’e argiolas – Est arribada a sa tertza editzioni “Racconti animati all’aperto”, sa manifestada, po is pipius tra is cuatru e 10 annus chi promovit su ligimentu a boxi arta. Su progetu s’at a tenni in tre logus diversus: sa Biblioteca comunali de Biddesorris, s’Ortu Botanicu e su Parcu de is Emutzionis de Casteddu. Mentris su Comunu de Biddesorris at giai cumentzau cun sa cosa, chi at a sighiri fintzas a su 9 de su mes’e cabudanni, is sedis casteddaias de su progetu ant a fai duus calendàrius diversus. S’eventu at essi difatis aghillu de s’8 a su 22 de su mes’e argiolas e de su 5 de su mes’e austu a su 2 de su mes’e cabudanni de s’Ortu Botanicu de Casteddu, mentris de su 17 a su 19 de su mes’e argiolas, “Racconti animati all’aperto” at essi fattu in su Parcu de is Emutzionis de Molentargius. Sighi a ligi ‘Apuntamentus: torrat “Racconti animati all’aperto”’

Cinc’annus de s’Operatzioni Arcadia: lúnis sit in a fac’e su Tribunali de Casteddu

Cagliari 11 luglio 2011 sit in(IlMinuto) – Casteddu, 8 de su mes’e argiolas – S’11 de su mes’e argiolas de su 2006 dexi tra is militantis e is dirigentis de aMpI beniant arrestaus in s’ Operatzioni Arcadia de sa Diretzioni distretuali contr’a su terrorismu de Casteddu cun d-unu spricullitu ghiau de su pm Paolo De Angelis. Lúnis chi benit a cinc’annus giustus giustus de is s’acontéssia, a Manca avisat unu presídiu a is 11.00 a fac’e su tribunali de Casteddu po – si ligit in d-una nota – “denuntziai sa repressioni italiana in cunfrontus de su movimentu indipendentista”. Sighi a ligi ‘Cinc’annus de s’Operatzioni Arcadia: lúnis sit in a fac’e su Tribunali de Casteddu’