> 2011 mes’e argiolas 11 | ilMinuto

Archíviu de sa diri 11/07/2011

Concertus: in Sestu arribat su rock progressive de Fish (ex Marillion)

(IlMinuto) – Casteddu, 11 de su mes’e argiolas – Apuntamentu de no perdi po chini amat su rock progressive. Cenàbara 29 de su mes’e argiolas su Progress One Festival de Sestu at a aghilliri sa música de Fish. A is 21.30 in su palcu de pratza Primu Maju ddoi at essi s’ex boxi e pinna de is Marillion, grupu chi in is annus Otanta iat scipiu arregolli s’aréntzia de bad comenti Genesis e Van Der Graaf Generator. Sighi a ligi ‘Concertus: in Sestu arribat su rock progressive de Fish (ex Marillion)’

“Nono a s’aumentu de is prétzius in is mensas e in is trasportus iscolasticus”. Su Pcl si furriat a sa carestia bófia de Giunta de sa manca de centru de Utieri

Pcl(IlMinuto) – Casteddu, 11 de su mes’e argiolas – “Is berlusconianus e su Partidu Democràticu, tra is tantis pensus chi tenit de sa sotziedadi, tenit in comunu puru sa destrossa de s’iscola púbblica”. Cun custus fueddus su cordinadori de sa provìntzia de Tàtari de su Pcl, Gianmarco Satta, denuntziat is aumentus de is prétzius de is mesas e de is trasportus iscolasticus bófius de sa Giunta de sa manca de centru a sa ghia de su Comunu de Utieri. Sighi a ligi ‘“Nono a s’aumentu de is prétzius in is mensas e in is trasportus iscolasticus”. Su Pcl si furriat a sa carestia bófia de Giunta de sa manca de centru de Utieri’

Processu “Portovesme srl”. “Carlofortini preoccupati”: “Su pópulu sardu a fac’e de sa destrossa no abarrit cun is ogus serraus”. Cras sit in Casteddu

carlofortini preoccupati(IlMinuto) – Casteddu, 11 de su mes’e argiolas – Fueddu a sa difesa in su processu cun ritu crutzu a su responsàbili de su sistema gestioni ambientali de sa Portovesme srl e a responsàbili de sa gestioni arrefudus de su mantessi istabilimentu, acusaus de ai interrau in modu abusivu deximilla metrus cubus de àliga industriali – 15.000 tonnelladas de arrefudus toscus e noxilis – in is tretus de Sèttimu, Serramanna e asutta de su pillu de s’istrada de s’ispidali Businco de Casteddu. Po s’udiéntzia in programma po cras a mangianu su cumitau “Carlofortini preoccupati” at aprontau unu sit in “contr’a su colonialismu industriali” a fac’e sa sedi de su Tribunali de Casteddu, in pratza Reprúbbica, a is 9.30. Sighi a ligi ‘Processu “Portovesme srl”. “Carlofortini preoccupati”: “Su pópulu sardu a fac’e de sa destrossa no abarrit cun is ogus serraus”. Cras sit in Casteddu’

Iscola: ant essi lissentziaus 30milla precàrius. Cras assembrea in Casteddu

Cagliari(IlMinuto) – Casteddu, 11 de su mes’e argiolas – Sa difesa de su diritu a s’istudiu, sa bocidura de is cursus de su merì po is traballadoris, su lissentziamentu de 30milla profesoris de “sostegno” precàrius chi funt previdius in sa manuvra noa de su Guvernu. Funt custus scéti calencunu de is temas chi ant essi su coru de s’assembrea púbbrica de cras a merì, a prontada de su Cumitau Precàrius iscola Casteddu (18.00, Saba “polifunzionale” de Monteclaru, in Casteddu). “Cun sa manuvra económica noa – si ligit in d-una nota de imprenta – est sèmpiri prus acanta unu lissentziamentu mannu nou [...] de 30 milla professoris de “sostegno” precàrius ma cumpetentis, chi s’annu chi benit ant essi remplasaus de is maistus de ingresu chi funt in prus in is iscolas elementaris, ma chi no funt cumpetentis”. Sighi a ligi ‘Iscola: ant essi lissentziaus 30milla precàrius. Cras assembrea in Casteddu’

Teatru: in Ogiastra torrat su “Festival Dei Tacchi”

(IlMinuto) – Casteddu, 11 de su mes’e argiolas – S’at a tenni de su 4 a su 10 de su mes’e austu tra Jersu e Ulassa sa dodicésima editzioni de “Ogliastra Teatro – Festival dei Tacchi”. S’eventu, promòviu de su “Cada die Teatro” cun s’agiudu de is comunus de Jersu e Ulassa, de sa Cantina “Cantina Antichi Poderi” e cun su cuntributu de sa Regioni Autónomu de Sardinna, de sa Provìntzia de Ogiastra e de su Gal de s’Ogiastra, si presentat puru ocannu arricu de òspitis, ispetàculus, natura, música, arti. Sighi a ligi ‘Teatru: in Ogiastra torrat su “Festival Dei Tacchi”’