> 2011 mes’e argiolas 12 | ilMinuto

Archíviu de sa diri 12/07/2011

“Su Consillu regionali nerat de nono a is Radar”, cras sit in in Casteddu

(IlMinuto) – Casteddu, 12 de su mes’e argiolas – “Pediri chi su Consillu Regionali de sa Sardigna nerat calencuna cosa contra a su fàbbricu de sa retza de is radar e contra a un’àteru ammanniamentu de is tzerachias militaris in Sardinna”. Cun custus obietivus su Cumitau No Radar Sardinna at aprontau unu sit in a fac’e a s’assembrea de bia Roma, in Casteddu, “cumbidendi a totus is amministradoris de su logu a donai sa solidaridadi insoru”. S’apuntamentu est po cras 13 de su mes’e argiolas a is 10.00.
Sighi a ligi ‘“Su Consillu regionali nerat de nono a is Radar”, cras sit in in Casteddu’

Provintzia de Aristanis. Madau (Repubricanos): “Nono a ndi liai is trenus po chini viagiat in su mes’e austu”

(IlMinuto) – Casteddu, 12 de su mes’e argiolas – “Pediri chi Trenitalia torrit agoa asuba de su detrminu pigau e chi ndi liat is Trenus útilis po chini viagiat de sa Provìntzia de Aristanis in su mes’e austu”. Cun custu obietivu su consilleri de is Repubricanos, Sebastian Madau, at a presentai tra pagu diris un’interrogatzioni a su Presidenti de sa Provìntzia, Massimiliano De Seneen, e is assessoris cumpetentis. Sighi a ligi ‘Provintzia de Aristanis. Madau (Repubricanos): “Nono a ndi liai is trenus po chini viagiat in su mes’e austu”’

Pauli: torrat a cumetzai su mercau “contra a sa crisi”

Monserrato(IlMinuto) – Casteddu, 12 de su mes’e argiolas – Torrat a partiri su mercau de sa cosa usada e de s’ingéniu “contr’a sa crisi” in Pauli. A pustis de una primu fasi de proa, sa cosa at a diventai un’apuntamentu fissu a cumentzai de sàbudu 16 de su mes’e argiolas, in bia Porto Botte. “Su mercau – si ligit in d-una nota de imprenta – s’at a fai dónnia cuíndixi diris e s’at a fai su sàbudu a merì de is 18.00 in is mesis de argiolas, austu e cabudanni, mentris in is àterus mesis de s’annu s’at a fai a su mangianu”. Sighi a ligi ‘Pauli: torrat a cumetzai su mercau “contra a sa crisi”’

Cinc’annus de s’Operatzioni Arcadia. Sabino (aMpI): “Simpli repressioni colonialista”

(IlMinuto) – Casteddu, 12 de su mes’e argiolas – “Trasmìtiri a sa genti su cuncetu ca s’indipendentismu est unu movimentu políticu criminali. Est custu su motivu chi at biu dexi militantis de a Manca pro s’Indipendentzia postus in galera in su 2006. Est custu su motivu chi bit a Bruno Bellomonte, dirigenti natzionali de a Manca pro s’Indipendentzia, a is arrestus cun arreghescias chi no tenint ni conca ni peis”. Cun custus fueddus Cristiano Sabino, boxi de a Manca pro s’Indipendentzia, at ammentau s’Operatzioni Arcadia a cinc’annus giustus giustus de s’acontéssia, in d-unu sit in aprontau de sa manca indipendentista ariseru a mangianu a fac’e su Tribunali de Casteddu, in pratza Repúbbrica. Sighi a ligi ‘Cinc’annus de s’Operatzioni Arcadia. Sabino (aMpI): “Simpli repressioni colonialista”’

Apuntamentus: in Baradìle “Sul filo del gusto”

(IlMinuto) – Casteddu, 12 de su mes’e argiolas – Una diri ispeciali, cussa domínigu de su 17 de su mes’e argiolas in Baradìle. At essi difatis una diri chi afestat su gustu, una diri chi bit su gustu comenti protagonista de un’eventu chi s’at a movi tra is cosas de papai bellas e is isfiladas de moda.
Un’apuntamentu dópiu: cussu cun sa XIV sagra de is cruguxonis e cun sa V editzioni de sa rassegna de s’arti de is maistus de pannu sardus. Sa manifestada, aprontada de su Comunu de Baradìle cun s’agiudu de sa Provìntzia de Aristanis e de su Cunsórtziu “Due Giare”, s’at a tenni in su centru istóricu de bidda. Sighi a ligi ‘Apuntamentus: in Baradìle “Sul filo del gusto”’