> 2011 mes’e argiolas 13 | ilMinuto

Archíviu de sa diri 13/07/2011

Lei 44 de su 1988: sa regioni pedit 31millionis a is massajus. Mandaus 5milla sollecitus

(IlMinuto) – Casteddu, 13 de su mes’e argiolas – Sighit su bisu malu de sa lei regionali 44 de su 1988. In is diris passadas difatis sa Regioni Sardinna at mandau 5milla sollecitus de pagamentu a is massajus sardus trisinaus in custa acontéssia, po unu tottali de 31 millionis de eurus. “Una befa afatu de s’àtera” – cummentat in d-unu comunicau Coldiretti Sardinna. Prus de unu mesi fai s’organizatzioni iat denuntziau a s’assessori regionali de sa Masseritzia “perdimentus grais meda tra cantu donau de sa Regioni e cantu pediu agoa. Cun erroris chi fadiant dannus a is produtoris po migliaja de eurus”. Sighi a ligi ‘Lei 44 de su 1988: sa regioni pedit 31millionis a is massajus. Mandaus 5milla sollecitus’

“Unu millioni de eurus in targas e insignas po cambiai su nòmini de is Asl in Asp. Su Pdci bullat custa riforma sanitària

(IlMinuto) – Casteddu, 13 de su mes’e argiolas – “Is Cummssionis regionalis ant fattu nasci una riforma sanitària abborescìbili chi penalitzat is sardus e sa calidadi de sa vida insoru” Est cantu narat cun d-una nota de imprenta Alessandro Corona, cordinadori de su “Pdci-Federazione della Sinistra” Sardinna. Sighi a ligi ‘“Unu millioni de eurus in targas e insignas po cambiai su nòmini de is Asl in Asp. Su Pdci bullat custa riforma sanitària’

Cabras promovit is radas de sa Nato. Cumpostu (Sni): “Ses unu centurioni de su Patu atlanticu”

Cumpostu a Cabras(IlMinuto) – Casteddu, 13 de su mes’e argiolas – “Sa perigulosidadi de is radar no est stetia mai cumprovada scientificamenti e cun obietividadi. Sa seguresa de is frontieras natzionalis i europeas est un’óbbligu chi no podeus no pigai in cunsidériu”. Cun custus fueddus su senadori de su Pd, Antonello Cabras, – in is diris passadas – at nau de essi in faori de su fàbricu de sa retza “contra a is furesteris” in sa costera otzidentali de sa Sardinna. Cabras fait parti de s’assembrea parlamentari de sa Nato e at essi acoitu presidenti de su “Special Group” de is parlamentaris de su Patu Atlanticu. Po su cordinadori natzionali de Sardigna Natzione, Bustianu Cumpostu, una promotzioni “de líberu (scrau liberau, ndr) a centurioni”. Sighi a ligi ‘Cabras promovit is radas de sa Nato. Cumpostu (Sni): “Ses unu centurioni de su Patu atlanticu”’

Protzessu Portovesme srl: arrefudus toscus asuta de sa pratza de s’ispidali Businco. Sit in a fac’e su Tribunali de Casteddu

(IlMinuto) – Casteddu, 13 de su mes’e argiolas – At a sighiri su 27 de su mes’e Casteddu su processu cun ritu crutzu a su responsàbili de su sistema de gestioni ambientali de sa Portovesme srl e a sa responsàbili de sa gestioni arrefudus de su mantessi istabilimentu, acusaus de ai decidiu s’interramentu abusivu de deximilla metrus cubus de arrefudus industrialis de s’azienda – 15.000 tonnelladas de arrefudus toscus e noxilis – in is tretus Sèttimu, Serramanna e asuta de su pillu de s’istrada de s’ispidali Businco de Casteddu. Sèmpiri in Casteddu, ma po su 10 de su mes’e totussantus, est fissada s’udiéntzia de una segunda parti de su mantessi protzedimentu. Ant essi imputaus unus cantu de traballadoris de s’azienda Tecnoscavi e unu sótziu de sa Tecnochem. Sighi a ligi ‘Protzessu Portovesme srl: arrefudus toscus asuta de sa pratza de s’ispidali Businco. Sit in a fac’e su Tribunali de Casteddu’

Música: Vinicio Capossela in concertu in Turrimanna

Torregrande Oristano(IlMinuto) – Casteddu, 13 de su mes’e argiolas – Su 16 de su mes’e austu, aintru de Dromos Festival, Vinicio Capossela at essi in Turrimanna cun “Marinai, Profeti e Balene”. Su cantanti e autori – si ligit in d-una nota – “at essi unu de is artistas de importu mannu chi ant essi protagonistas de su festival aprontau de s’assótziu culturali chi donat su nòmini a s’eventu”. Vinicio est perou scéti unu de is nòminis mannus de Dromos, sa manifestada musicali in programma de s’1 a su 18 de su mes’e austu in Nurachi, Aristanis, Arriòra, Boàtiri e Nureci. Sighi a ligi ‘Música: Vinicio Capossela in concertu in Turrimanna’