> 2011 mes’e argiolas 14 | ilMinuto

Archíviu de sa diri 14/07/2011

Iscola: class action de is entis de su logu contra a is irminorigamentus. Martis passau s’est tenta s’assembrea de su Cumitaus Precàrius

(IlMinuto) – Casteddu, 14 de su mes’e argiolas – 125.620 traballadoris bogaus de s’iscola in is úrtimus tres annus, noi iscolas reunias e tres serradas in Sardinna, s’irminorigamentu de is cursus de su merì e s’irminorigamentu de is oras de agiudu po is istudiantis disvantagiaus. Est custu su cuadru chi Michela Caria (Cumitau precàrius iscola Casteddu) at ammostau in s’assembrea púbbrica chi s’est tenta martis a merì in sa saba “polifunzionale” de Monteclaru, in Casteddu. “S’assembrea – si ligit in d-una nota – aprontada de su Cumitau precàrius iscola Casteddu e apogiada de is tres provintzias de Casteddu, Campidanu de Mesu e Crabònia -Igresias at tentu una participatzioni manna, ddoi furiant diversus síndigus e rapresentantis de is amministratzionis de su logu, rapresentantis de cumitaus de babbus e mammas e diversus assótzius”. Sighi a ligi ‘Iscola: class action de is entis de su logu contra a is irminorigamentus. Martis passau s’est tenta s’assembrea de su Cumitaus Precàrius’

“Gettiamo le basi”: assumancu 232 mortus po mori de is belenus de gherra e de is polgonus. Cras in Casteddu sit in cun is familiaris de is militaris bocius

(IlMinuto) – Casteddu, 14 de su mes’e argiolas – Pediri beridadi e giustítzia po is “mortus po mori de is belenus de gherra e de is poligonus militaris”. Acabai sa strossa liendi debressi is fainas militaris de Chirra, Teulada e Capo Frasca. Cun custus obietivus is famílias de is militaris bocius de is tumoris de gherra e su cumitau “Gettiamo le Basi” ant aprontau unu sit in in Casteddu. S’apuntamentu est po cras a mangianu a is 10.00 in sa pratza de su Cramu. “Su Ministeru de sa Difesa e su Guvernu, agiudaus de sa majoria de is políticus – si ligit in d-una nota – sighint chentz’e cuscéntzia a no bolli biri su númeru mannus de is mortus”. Sighi a ligi ‘“Gettiamo le basi”: assumancu 232 mortus po mori de is belenus de gherra e de is polgonus. Cras in Casteddu sit in cun is familiaris de is militaris bocius’

Costus de sa política: dónnia sardu spendit 287 eurus a s’annu po su “guvernu regionali”. Zuncheddu “No a s’irminorigamentu de sa democràtzia”

(IlMinuto) – Casteddu, 14 de su mes’e argiolas – Dónnia annu – segundu cantu narat su relata Crenos 2011 – unu sardu spendit pagu prus de 287 eurus po mandai ainnantis is costus de is “funtzionàrius e de is políticus de su guvernu regionali sardu”. Dónnia mesi (datus de su “Sole 24 Ore”) su consilleri regionali sardu médiu pigat 11.417 eurus. Asuba de su tema de is costus de sa política fueddat cun d-una nota Claudia Zuncheddu, consilleri regionali indipendentista. “De unu bellu pagheddu de tempus – precisat Zuncheddu – apu depositau una proposta de lei po abbàtiri is costus de sa política a cumentzai de is indenniddadis de is consilleris e de is dirigentis-manager Regionalis, po unu càstiu e una trasparéntzia giusta asuba de is intradas e asuba de is essidas económicas de is diversus Assessoraus”. Sighi a ligi ‘Costus de sa política: dónnia sardu spendit 287 eurus a s’annu po su “guvernu regionali”. Zuncheddu “No a s’irminorigamentu de sa democràtzia”’

Disterru: in Casteddu sa Summer School de is fillus de sardus in su mundu

provincia di Cagliari(IlMinuto) – Casteddu, 14 de su mes’e argiolas – Tenint de is 18 a is 30 annus e benint de s’America, de s’Australia e de su centru Europa, ma tenit un’acàpiu mannu cun sa Sardinna. Funt 30 is participantis a sa Summer school de su 2011, un’iscola totu po is fillus de is disterraus sardus in su mundu. Is giòvanus ant essi aghillius in Casteddu po 11 diris e cras a merì ant a tenni un’atopu, in sa saba consiliari de su Palatzu Régiu, cun s’assessori provintziali a is Políticas giovanilis Marta Ecca e cun sa Consulta provintziali de is giòvanus. Sighi a ligi ‘Disterru: in Casteddu sa Summer School de is fillus de sardus in su mundu’

Ispetàculus: in Dolianova Antonella Puddu e Riccardo Pittau in “Cronaca de una morti annuntziada”

(IlMinuto) – Casteddu, 14 de su mes’e argiolas – Sàbudu 16 de su mes’e argiolas in pratza Europa in Dolinaova Antonella Puddu e Riccardo Pitta ant a donai boxi e música a “Cronaca de una morti annuntziada”.  Ligimentus pigaus de su líburu de Gabriel Garcia Marquez, furriau in língua sarda de Ivo Murgia po is editzionis Condaghes. Sighi a ligi ‘Ispetàculus: in Dolianova Antonella Puddu e Riccardo Pittau in “Cronaca de una morti annuntziada”’