> 15 « mes’e argiolas « 2011 « ilMinuto – notizie Mediterranee – edizione Sardegna

Archíviu de sa diri 15/07/2011

Nas ‘serrant’ domu aundi biviant noi disàbilis a conca. In Tàtari nacit su cumitau “A casa mia”

(IlMinuto) – Casteddu, 15 de su mes’e argiolas – “Agiudai su diritu de is personis cun maladias a conca”. Nascit cun custu obietivu su cumitau “A casa mia” presentau oi a s’Universidadi de Tàtari in d-unu dibàtidu cun sa participatzioni de Gisella Trincas, presidenti de s’Unioni natzionaliassótzius po sa Saludi mentali, e de sa sociologa Maria Grazia Giannicchedda, maista univerisitaria e presidenti de sa Fondatzioni Basaglia. Su progetu nascit comenti reatzioni a sa serradura fatta de is carabineris de is Nas de duus domus aundi biviant cincu féminas e cuatru óminis cun maladias a conca. Sighi a ligi ‘Nas ‘serrant’ domu aundi biviant noi disàbilis a conca. In Tàtari nacit su cumitau “A casa mia”’

Pranu triennali língua sarda. Sni: “S’Universidadi de Tàtari est contra a s’imparamentu de su sardu”

università di Sassari(IlMinuto) – Casteddu, 15 de su mes’e argiolas – “S’ateneu de Tàtari bit sa língua sarda unu beni archeológicu italianu e no un’esséntzia de sa natzioni sarda”. Cun custus fueddus sa Cummissioni cultura de Sardigna Natzione bullat su documentu chi s’Universidadi de Tàtari at fattu asuba de su Pranu triennali de sa língua sarda aprovau de pagu tempus. “In is diris passadas – si ligit in d-una nota – a sa Cummissioni cultura de su Consillu Regionali, est arribau, de s’Universidadi de Tàtari,  unu documentu crítigu meda in is cunfrontus de su Pranu Triennali de sa língua sarda”. Sighi a ligi ‘Pranu triennali língua sarda. Sni: “S’Universidadi de Tàtari est contra a s’imparamentu de su sardu”’

Radar “contra a is furesteris”: cras “die de sa Vardania” in Tresnuraghes

(IlMinuto) – Casteddu, 15 de su mes’e argiolas – Sighit sa batalla contra a su fàbricu de su radar in Ischia Ruja. Comenti giai acontéssiu in is mesis passaus in Chirra e in Teulada in is mobilitadas contra a su nucleari e contra a su Pisq, cras in Tresnuraghes at essi postu unu bruntzitu nuràgicu “A Vardiania sa Sardigna dae su periculu Radar”. “In su territóriu de Tresnuraghes – acrarant is aprontadoris – comenti in cussus de Santu Antiogu, Frùmini Mayori, Argentiera, si bolit fai a sa marolla un’àtera tzerachia (is radar de sa Guardia de Finantza, ndr) chi podit fai dannus grais meda a s’ambienti e a su paisàgiu e chi podit essi nexi de istrópius e maladias grais, po animabis e personis. Su territóriu sardu no si depit e no si podit acollai àterus aciocus chi s’iant a summai a cussus giai grais de sa chímica “pesante”, de is basis militaris, de is poligonus de tiru e de su smartimentu de aremus industrialis”. Sighi a ligi ‘Radar “contra a is furesteris”: cras “die de sa Vardania” in Tresnuraghes’

Concertus: in Bolotona su metal brasilianu de is Sepultura

Bolotona(IlMinuto) – Casteddu, 15 de su mes’e argiolas – Is autoris de “de una forma noa de immaginai, scriri e sonai música chi pentzat”. Aici s’entzicropedia de s’heavy metal “Metallus” Giunti fueddat de is Sepultura. Sa band brasiliana – cun d-unu grupu innoi no ddoi ant essi is fradis Max e Igor Cavalera – at a sonai su 22 de su mes’e argiolas in Bolotona (21.00, Campu sportivu) po su festival “Rock and Bol”. Sighi a ligi ‘Concertus: in Bolotona su metal brasilianu de is Sepultura’