> 2011 mes’e argiolas 18 | ilMinuto

Archíviu de sa diri 18/07/2011

Acontéssia Sairu: mérculis in Terra segada mobilitada noa “contra a su dispaciu”

(IlMinuto) – Casteddu, 18 de su mes’e argiolas – Sighit sa solidariedadi de sa genti ingíriu de sa família Sairu. Mérculis chi benit, 20 de su mes’e argiolas, in Terra Segada (fratzioni de Crabònia) est in programma su dispaciu de is Sairu de sa domu chi s’agat in su satu e de is campus, bendius a s’asta po 150mila eurus.
Ma puru costa borta Angelo e Rosalba no ant afrontai su Cummosàriu a solus, difatis ant essi in cumpangia – comenti su 15 de su mes’e maju passau – de unu muru mannu de genti. Sighi a ligi ‘Acontéssia Sairu: mérculis in Terra segada mobilitada noa “contra a su dispaciu”’

“Ischia Ruja no si tocat”: su Cumitau de Tresnuraghes no s’at a frimai

(IlMinuto) – Casteddu, 18 de su mes’e argiolas – Su sindigu de Tresnuraghes, Antonio Cinellu, is rapresentantis de is Cumitaus No Radar de Tresnuraghes e de s’Argentiera e is chi faint parti de su Cumitau Sinonucle. Furiant pagu prus de 60 is personis chi sàbudu a mangianu, 16 de su mes’e argiolas, si funt agatadas po ponni unu bruntzitu nuràgicu a “Vardiania sa Sardigna dae su periculu Radar”. Imoi ddoi est perou unu documentu de su Tar Sardìnnia chi frimat is traballus de fàbricu de su radar de sa Guardia de Finatza, bófiu cun determinu de sa Nato. Is 90 personis de su Cumitau de Tresnuraghes – in primu fila unu grupu de gherradoras de sessant’annus – funt prontas a torrai a pigai in calisisiat mamentu su presídiu fissu, in defensa de unu paisàgiu de una bellesa manna. Sighi a ligi ‘“Ischia Ruja no si tocat”: su Cumitau de Tresnuraghes no s’at a frimai’

Trasportus. Comandini: “Lassaus aciuvai sa Nomentana”

Provincia di Cagliari(IlMinuto) – Casteddu, 18 de su mes’e argiolas – “Is tardamentus afatantis de sa recaia e ‘giovunedda’ Nomentana s’imponint de denuntziai torra s’acontéssia mala meda de is trasportus maritimus de sa Sardìnnia, chi sighit a umiliai a sa libertadi de si movi de is sardus e de is tzitadinus totus”. Aici Piero Comandini, assessori provintziali a su Turismu e a is Fainas produtivas de sa Provintzia de Casteddu, fueddat asuba de sa chistioni de sa “Tirrenia”. Sighi a ligi ‘Trasportus. Comandini: “Lassaus aciuvai sa Nomentana”’

Acontéssia Equitalia. Interregogatzioni: “De sa Regioni 10 milionis de eurus liaus a risorsas po contrastai a sa poberesa”.

interpellanza(IlMinuto) – Casteddu, 18 de su mes’e argiolas – Is risorsas chi sa Giunta regionali at stantziau po afrontai s’apretu “Equitalia” (dexi milionis de eurus) no bastant po nudda – su dépidu in totu est de 600 milionis – e po su prus custu dinai est stetiu liau de is risorsas po contrastai a sa poberesa. Est cantu denuntziat un’interrogatzioni presentada in is diris passadas in Consillu regionali. Primu firmadora de su documentu est Claudia Zuncheddu (indipendentistas). S’interrogatzioni est stetia firmada de is consilleris regionalis Uras (Sel), Ben Amara (Comunistas), Cugusi (Sel) e Sechi (Sel). Sighi a ligi ‘Acontéssia Equitalia. Interregogatzioni: “De sa Regioni 10 milionis de eurus liaus a risorsas po contrastai a sa poberesa”.’

(Italiano) Documento: Medici per l’ambiente (Isde) di Sassari su Chimica verde

Sighi a ligi ‘(Italiano) Documento: Medici per l’ambiente (Isde) di Sassari su Chimica verde’