> 21 « mes’e argiolas « 2011 « ilMinuto – notizie Mediterranee – edizione Sardegna

Archíviu de sa diri 21/07/2011

“Su cartellu industriali de su lati est s’arresponsàbili de s’arrutroxa de sa pastoria”. aMpI participat a sa manifestada Mps

cagliari aMpI(IlMinuto) – Casteddu, 21 de su mes’e argiolas – “Sa Sardigna tzivili e traballadora at a cabai in pratza cun su Mps po agiudai s’ecunumia de sa natzioni nostra e po denuntziai su progetu de fai de s’ísula unu logu sperdiu e sotomitiu totu custu po mori de is atzionis colonialistas e militaristas de s’Itàlia”. Cun custus fueddues a Manca pro s’Indipendenzia annuntziat sa participatzioni sua a sa manifestada avisada de Mps po su 26 de su mes’e argiolas in Casteddu. Sighi a ligi ‘“Su cartellu industriali de su lati est s’arresponsàbili de s’arrutroxa de sa pastoria”. aMpI participat a sa manifestada Mps’

Acontéssia Sairu: su “muru mannu de sa genti” frimat un’atera su dispaciu

(IlMinuto) – Casteddu, 21 de su mes’e argiolas – Bitória noa in Terra Segada, in su territóriu de Crabònia, gràtzias a sa solidariedadi. Ariseru a mangianu su muru mannu formau de pagu prus de 200 pastoris, artesanus e indipendentistas at blocau dispaciu po sa de tres bortas – de su Cumosàriu de su Tribunali de Crabònia – de sa família Sairu de is terras aziendalis e de sa domu, bendius a s’asta po mori de sa lei regionali 44 de su 1988.
S’órdini de suspensioni de su provedimentu de su prefetu de Casteddu, Giovanni Balsamo, est arribau a mangianu a tradu. Sighi a ligi ‘Acontéssia Sairu: su “muru mannu de sa genti” frimat un’atera su dispaciu’

Contienda Aias. Cgil, Cisl e Uil: “Crisi trisinat traballadoris e malàdius

Fp Cgil, Fp Cisl e Fpl Uil(IlMinuto) – Casteddu, 21 de su mes’e argiolas – S’assessori regionali de sa Sanidadi, Antonello Liori, no at arrespetau is impignus pigaus cun is sindacaus. S’atóbiu cun is diretoris de is Asl chi iat promitiu de avisai aintru de su 21 de su mesi de argiolas po esaminai sa contienda Aias no est stetiu avisau. Est cantu narant cun d-una nota de imprenta Fp Cgil, Fp Cisl e Fpl Uil. Is organizatzionis sindacalis ant avisau po custu mangianu a is 10.00 un’assembrea a faci de s’assessorau de sa Sanidadi, in Casteddu. Sighi a ligi ‘Contienda Aias. Cgil, Cisl e Uil: “Crisi trisinat traballadoris e malàdius’

“Cultura e bibliotecas vitimas innotzentis de is irminorigamentus”. Sa denúntzia de sa Provìntzia de Casteddu

Milia(IlMinuto) – Casteddu, 21 de su mes’e argiolas – Is políticas culturalis e su sistema bibliotecàriu funt is primus “vitimas innotzentis” de su “patto di stabilità”, de sa manuvra finatziaria e de s’irminorigamentu a is serbítzius e a is ispesas in is Entis de su logu. Est cantu denuntziat cun d-unu comunicau su Presidenti de sa Provintzia de Casteddu Graziano Milia. Seti milionis de eurus po is ispesas – si ligit in sa nota – ant a obligai a s’aministratzioni a irminorigamentus “in su cumpartu de su personali, de sa cultura e de is serbítzius sotzialis. Sighi a ligi ‘“Cultura e bibliotecas vitimas innotzentis de is irminorigamentus”. Sa denúntzia de sa Provìntzia de Casteddu’

Apuntamentus: in Sàdili sa primu editzioni de “Signal Cantieri”

Sadali(IlMinuto) – Casteddu, 21 de su mes’e argiolas – “Signal Cantieri” cumentzat su 25 de su mes’e argiolas in Sàdili e at a serrai su 5 de su de su mes’e austu. Sa manifestada si proponit comenti Festival de interatzioni tra is artis chi trisinat a sa música, a sa dantza, a su tzínema, a su tiatru e a sa scridura. “Signal Cantieri” – si ligit in d-una nota – at essi “unu logu de atopu po artistas e operadoris culturalis chi arricint gramàtigas noas e chi sceberant s’innovatzioni in sa ténnica e in su pensu comenti motori de sa cratividadi”. Sighi a ligi ‘Apuntamentus: in Sàdili sa primu editzioni de “Signal Cantieri”’