> 26 « mes’e argiolas « 2011 « ilMinuto – notizie Mediterranee – edizione Sardegna

Archíviu de sa diri 26/07/2011

“No eis a fai a inconis s’unidadi intre pastoris e partidas iva”, in Casteddu ària maba asuta de su Consillu regionali

(IlMinuto) – Casteddu, 26 de su mesi de argiolas – Sa batalla de is pastoris sardus s’acapiat a cussa de is artesanus e de is butegajus contra a Equitalia. Mentris est crèscendi s’arrabiu asuta de is pórcius de bia Roma, cun ghetadas de lagrimogenus e cropus de tuturus no at a bastai su nou nau de sa presidenti de su Consillu regionali, Claudia Lombardo, ananti a sa dimanda po atobiai cun unus cantu personis de is duus movimentus (ddu narat Videolina) po arrogai s’arrólliu de is movimentus in lota. In su momentu chi scrieus (14.32) unus cantu personis de su Mps e de su Movimentu artesanus e butegajus líberus portant a càstiu is diversas intradas de su Palatzu abetendi una cunfirma de s’atóbiu.

Sa lota de is pastoris s’acapiat a cussa de is partidas iva: oi funt pagu prus de 3milla is pastoris benius de dónnia logu de s’ísula (‘Urùne, Teulada, Sant’Anna Arresi, Casteddu, Tùla e àterus logus) po tzerriai su patimentu insoru a faci de su Consillu regionali e po pediri “a su Guvernu regionali sa solutzioni a is arragus malus de sa pastoria e de s’acolumia sarda”. Sighi a ligi ‘“No eis a fai a inconis s’unidadi intre pastoris e partidas iva”, in Casteddu ària maba asuta de su Consillu regionali’

Crisi “de su mercau de is procus”: 50 postus de traballu a arriscu. Milia pedit un’atóbiu a Cappellacci

(IlMinuto) – Casteddu, 26 de su mesi de argiolas – Un’atóbiu apretosu cun su Presidenti de sa Regioni, Ugo Cappellacci, po agatai una solutzioni a sa crisi de “su mercau de su procu de su Centru-Sardìnnia”.
Est sa domanda chi at fatu in is diris passadas su Presidenti de sa Provìntzia de Casteddu, Graziano Milia, a sa fini de s’atóbiu asuba de contienda fatu in sa sedi de sa Provìntzia.
Sa crisi grai de s’azienda prus manna de allevamentu de procus de sa Sardìnnia – cun impiantus in su tretu industriali de Isili – ponit a arriscu pagu prus de 50 postus de traballu. Sighi a ligi ‘Crisi “de su mercau de is procus”: 50 postus de traballu a arriscu. Milia pedit un’atóbiu a Cappellacci’

(Italiano) “L’Arst getta Tula nell’isolamento”. Il Sindaco Becca dice no alla cancellazione della corsa serale per Sassari

Sighi a ligi ‘(Italiano) “L’Arst getta Tula nell’isolamento”. Il Sindaco Becca dice no alla cancellazione della corsa serale per Sassari’

Apuntamentus: dedicau a Miles Davis su “Cala Gonone Jazz Festival” 2011

(IlMinuto) – Casteddu, 26 de su mesi de argiolas – Un’apuntamentu de no pèrdiri cussu cun su “Cala Gonone Jazz Festival”. Ocannu sa fratzioni de su comunu de Durgali aghillit de cenàbara passau s’importanti eventu musicali, lompiu a s’editzioni binticuàturu. Fintzas a su 31 de su mesi de argiolas su tema de su Festival at a afestai unu a maistu mannu de sa trumba e a is notas jazz suas. A bint’anus de sa morti sua sa Sardìnnia bolit difatis ammentai a s’americanu Miles Davis cun “Miles in the Sky”. Sighi a ligi ‘Apuntamentus: dedicau a Miles Davis su “Cala Gonone Jazz Festival” 2011′